¿Kʼuxi xuʼ masuk to xapat avoʼonton ta stojolal Jeova ti xuʼ spojote?

Kʼelo Numeros 13:25 kʼalal ta 14:4 sventa xavil bakʼin ti muʼyuk la spat yoʼontonik ta stojolal Jeova li j-israeletike.

Sabo mas skʼoplal. Li j-israeletike, ¿kʼusitik srasonal oy yuʼunik jechuk sventa spat yoʼontonik ta stojolal Jeova ti xuʼ xpojatike? (Sal. 78:​12-16, 43-53). ¿Kʼu chaʼal muʼyuk xa la spat yoʼontonik ta stojolal Jeova? (Deut. 1:​26-28). ¿Kʼuxi laj yakʼik ta ilel Josue xchiʼuk Kaleb ti mu xkoʼolajik xchiʼuk li yan j-israeletike? (Num. 14:​6-9).

Chajo ta kʼelel kʼusi smakoj. ¿Kʼusi la spasik jechuk li j-israeletik sventa masuk to spat yoʼontonik ta stojolal Jeovae? (Sal. 9:10; 22:4; 78:11). ¿Kʼuxi snitojbe sba skʼoplal ti jpat koʼontontik ta stojolal Jeova xchiʼuk ti chkichʼtik ta mukʼe? (Num. 14:11).

Nopbo skʼoplal li kʼusitik chachane. Xi xanopbe skʼoplale:

• «¿Butik van ti vokol chkaʼi ti jpat lek koʼonton ta stojolal Jeovae?».

• «¿Kʼusi xuʼ jpas sventa masuk to jpat koʼonton ta stojolal Jeova avi xchiʼuk ta jelavele?».

• «¿Mi jpatoj van lek koʼonton ta stojolal Jeova mi lik li mukʼta tsatsal vokolile?» (Luk. 21:​25-28).