¿Mi jaʼ snopben Dios li kʼusi chal Vivliae?

Li kʼusi chal Vivliae

Ep jtsʼibajometik ta Vivliae jamal laj yalik ti jaʼ akʼbat snaʼik yuʼun Dios li kʼusi skʼan stsʼibaike. Jkʼelbetik junchibuk skʼelobil:

• Xi laj yal li ajvalil Davide: «Kʼopoj ta jtojolal li s-espiritu Jeovae; te kʼot ta kokʼ li skʼope» (2 Samuel 23:1, 2).

• Xi laj yal li j˗alkʼop Isaiase: «Xi chal li Ajvalil ti jaʼ Mukʼul Jpasmantale, li Jeova ti jaʼ bankilal yuʼun [soltaroetike]» (Isaias 22:15).

• Xi laj yal li jtakbol Juane: «Jaʼ li kʼusi laj yakʼ ta naʼel Jesukristo ti akʼbat snaʼ yuʼun [Diose]» (Apokalipsis 1:1).