Лякытэн вераськы

Мар кариз Павел

ВИДЕОРОЛИК: «Павел Афиныын улӥсьёслы тодытэ»

1. Учкы ВИДЕОРОЛИКЕЗ яке лыдӟы Апостолъёслэсь ужъёссэс 17:22, 23. Собере малпаськы та юанъёс вылын:

1. а) Мар шӧдӥз Павел, куке адӟиз Афиныысь сульдэръёсты-идолъёсты? (Учкы Апостолъёслэсь ужъёссэс 17:16.)

2. б) Кызьы Павел Афиныын улӥсьёслы гажамзэ возьматӥз?

Малы ми дышетскиськомы Павеллэсь?

2. Адями милемыз умойгес кылзоз, ми умой-умой малпамы ке, мар верано, ку верано но кызьы.

Павеллэсь адӟем кар

3. Кылъёсты бырйыса вера. Кылсярысь, куд-ог религиосысь адямиосын вераськыкуд, умойгес луысал «Библия» но «Иисус Христос» кылъёс интые мукет кылъёс бырйыны.

4. Эн дырты адямиез тупатыны. Сёт солы малпанзэ пумозяз вераны. Солэн кылъёсыз Библиен соглаш ӧвӧл ке, эн споръяськы соин (Иак. 1:19). Адямиез сак кылзыса, тон валаны быгатод, мар солэн сюлмаз (Мад. 20:5).

5. Тыршы адӟыны, адямилэн кыӵе малпанэныз соглаш кариськыны луэ но мар понна сое ушъяны луэ. Котькуд адями малпа, солэн осконэз шонер шуыса. Нырысь вераськы со сярысь, малы тӥ кыкнады ик оскиськоды, нош собере пичиен-пичиен возьматы, малы зэмзэ ик дышетэ Библия.