Инмарлэсь кышканэн улӥсь Иов аслэсьтыз кайгузэ кисьтэ

Иов ваньбурзэ ыштӥз, нылпиостэк кылиз но секыт висьыны усиз. Озьы ке но, со Инмарлы оскымон кылиз. Соин ик, Иов дун-чылкыт медаз ни луы шуыса, Шайтан сое куректонэ уськытыны тыршиз. Иов доры куинь «эшъёсыз» лыктӥзы. Нырысь соос Иовез жалямъяськизы. Собере соос сизьым нунал ӵоже Иовен ӵош чалмыт пукизы, пал кыл но буйгатон кылъёс вератэк. Со бӧрсьы соос Иовлы мыскыллян кылъёс веразы но сое янгыше уськытъязы.

Иов, секыт курадӟонъёсын пумиськыса но, Иеговалы оскымон кылиз

6:3; 7:16; 9:20—22; 10:1, 12

• Юн кайгыременыз, Иов шонертэм йылпумъян лэсьтӥз. Со янгышаса малпаз, Инмарлы нокыӵе но уг поты шуыса, солы со оскымон кылёз-а, уз-а

• Кайгуэ усеменыз, Иов ӧз малпа, со мукет мугъёс сэрен но курадӟыны быгатэ шуыса

• Иовлы туж секыт вал ке но, солэн кылъёсыз, кудъёссэ со янгыше уськытӥсь эшъёсызлы вераз, возьматӥзы, со Иеговаез яратэ шуыса