Дун сётон улӟытыса султонлы оскиськон сётэ

Тодэ ваён ӝытан — со тупась дыр, вуоно бакель каронъёс сярысь малпаськон понна, кудъёсыз луыны быгато дун сётонлы луыса. Сыӵе бакель каронъёс пӧлысь одӥгез — улӟытыса султон. Иеговалэн малпамезъя, адямиос кулыны кулэ ӧй вал. Соин ик тужгес но умойтэм шӧдонъёс пӧлысь одӥгез — со матысь адямилэн кулэмез сэрен кайгырон (1Кр 15:26). Иисуслы вӧсь вал адӟыны, кызьы солэн дышетскисьёсыз Лазарь кулӥз шуыса куректӥзы (Ин 11:33—35). Иисус быдэсак возьматэ Атаезлэсь кыӵе луэмзэ, соин ик ми оскыны быгатӥськомы, Иеговалы но вӧсь адӟыны шуыса, кызьы ми яратоно адямиосмы кулэмен кайгыриськомы (Ин 14:7). Иегова чидатэк возьма со дырез, куке со аслэсьтыз кулэм ужась-тыршисьёссэ улӟытоз, ми но сое чидатэк возьмаськомы (Ис 25:8).

Иегова куям-пазям улонлэн Инмарез ӧвӧл бере, соин ик вераны луоз, улӟытыса султытон радызъя ортчоз шуыса (1Кр 14:33, 40). Кулэмъёсты ватон интые кулэмъёсты пумиталомы. Малпаськиськод-а тон улӟытыса султон сярысь тужгес но соку, куке, кинэ ке ыштэменыд сэрен, юн куректӥськод? (2Кр 4:17, 18). Тау кариськод-а тон Иеговалы, со дун сётӥз шуыса но Гожтэмъёсын кулэмъёсты улӟытыса султытон сярысь зэмлыкез милемлы усьтӥз шуыса? (Кл 3:15).

• Эшъёсыд но ӵыжы-выжыосыд пӧлысь кинэн тынад выльысь тужгес но адӟиськемед потэ?

• Кыӵе адямиен, кудӥз сярысь Библиын вераське, тынад тужгес но тодматскемед но вераськемед потэ?