Ку мон нош ик юрттӥсь пионер луыса ужаны-тыршыны быгато?

Иезекиильлэн храм сярысь адӟоназ возьматэмын вал, Иеговалэн калыкез ас мылкыд каремезъя саламъёс-кузьымъёс вайылоз шуыса. Кызьы котькудмы Инмарлы «ушъян-данъян курбон» вайыны быгатомы? (Евр 13:15, 16).

Одӥгез луонлык — юрттӥсь пионер луыса ужаны-тыршыны. 2018-тӥ арын луозы толэзьёс, кудъёсаз вить кӧснуналъёс но вить арнянуналъёс. Тужгес но со пайда ваёз соослы, кинъёс быдэс нунал ужало но ӵем дыръя тодытон уже шутэтскон нуналъёсы пырисько. Со сяна, южтолэзе, оштолэзе но толэзьёсы, куке кенеше ёросэз чаклась вуылэ, юрттӥсь пионер луыса ужась-тыршись ивортӥсьёс, бырйыны быгатозы, кӧня дыр тодытон ужлы висъяны — 30 яке 50 час.

Нош мар, югдуръёсынымы сэрен ми юрттӥсь пионер луыса ужаны-тыршыны ум быгатӥське ке? Соку ми быгатӥськомы дышетскыны устогес ивортыны но луэммыя тодытон уже тросгес пыриськыны. Иеговаез яратэммы мылкыдмес мед ӝутоз 2018-тӥ ужан-тыршон арын, югдуръёсмы шоры учкытэк, солы самой умойзэ сётыны! (Ос 14:2).

УЧКЫ «С ИЕГОВОЙ Я МОГУ ПОЧТИ ВСЁ» ВИДЕОРОЛИКЕЗ НО ГОЖТЭМ ЮАНЪЁСЛЫ ВАЛЭКТОНЪЁС СЁТ.

• Мар Сабиналэсь мылкыдзэ ӝутӥз Иеговалы тросгес ужаны-тыршыны?

• Мар карыны тынад мылкыдыд ӝутске, Сабина шоры учкыса?

• Кыӵе толэзе (толэзьёсы) 2018-тӥ ужан-тыршон арын тынад юрттӥсь пионер луыса ужамед-тыршемед потэ?