«Улон но ужан-тыршон» ужан тетрадьлы малпанъёс
4—10-ТӤ ТУЛЫСПАЛ
ИНМАРЛЭН КЫЛЫСЬТЫЗ УЗЫРЛЫК | РИМЪЁСЛЫ 1—3
Духовной марӟанъёсты утчаськомы
(Римъёслы 3:4) Нокызьы но уз. Котькудӥз но адями — ӧрекчи, нош Инмар оскиськымон, Священной Гожтэмын верамын: «Кыланэд-веранэд Тынад шонерлыко, суд нуналад вормись луод».
w08 15/6 30 б., 5 абз.
Римъёслы гожтэтысь тунсыко малпанъёс
3:4. Куке адямиослэн кылъёссы пумит луо солы, мар вера Инмар аслаз Кылаз, ми Библилы оскиськомы но Инмарлэн эрикезъя улӥськомы, озьы возьматӥськомы «Инмар оскиськымон» шуыса. Эксэйлык сярысь тодытон но дышетскисьёсты дасян уже ӟырдыт мылкыдын пыриськыса, ми мукет адямиослы валаны юрттӥськомы, «Инмар оскиськымон» шуыса.
(Римъёслы 3:24, 25) нош Аслаз гажан-жалянэныз Инмар ваньзэ шонере поттӥз, Иисус Христос пыр соосты сьӧлыкъёслэсь мозмытӥз. 25 Инмар Сое курбон луонлы дасяз ваньзэ Солы оскисьёсты Солэн Вирыныз дун-чылкыт карон понна. Тазьы Инмар Аслэсьтыз шонерлыксэ возьматӥз: азьвыл лэсьтэм вань сьӧлыкъёсты Со куштӥз
w08 15/6 29 б., 6 абз.
Римъёслы гожтэтысь тунсыко малпанъёс
3:24, 25 — Кызьы Иисус Христослэн дун сётонэз, дун тыремезлэсь азьвыл ик ини, адямиосты «азьвыл лэсьтэм... сьӧлыкъёссылэсь» мозмытыны быгатэ вал? Мессия сярысь нырысетӥез азьпалзэ ивортон, кудӥз гожтэмын Улон-вылонын 3:15, быдэсмиз а. в. 33-тӥ арын, куке Иисус юбо вылын кулӥз (Гал. 3:13, 16). Куке Иегова та азьпалзэ ивортонэз вераз, солэн син азяз дун тыремын вал ини, малы ке шуоно солэн малпанэзлы быдэсмыны номыр люкетыны уг быгаты вал. Иисус Христослэсь вуоно курбонзэ лыдэ басьтыса, Иегова Адамлэн нылпиосызлэсь сьӧлыкъёссэс куштыны быгатэ вал, кудъёсыз оско вал солэн кыл сётонэзлы. Дун сётонлы луыса, Христос дырозь улӥсь адямиослэн улӟыса султыны луонлыксы кылдӥз (Ап. уж. 24:15).
11—17-ТӤ ТУЛЫСПАЛ
ИНМАРЛЭН КЫЛЫСЬТЫЗ УЗЫРЛЫК | РИМЪЁСЛЫ 4—6
Духовной марӟанъёсты утчаськомы
(Римъёслы 6:3—5) Уд тодӥське шат, ваньмы асьмеос Иисус Христос бордын пылатӥськемъёс, Солэн кулонэныз пылатӥськимы? 4 Озьы асьмеос пылатон пыр Соин ӵош кулӥмы но Соин ӵош асьмеды ватӥмы. Кызьы Христос Инмар Атайлэн пиштӥсь данлыкезлэн кужыменыз кулэмысь улӟыса султӥз, озьы ик табере асьмеос но выльдӥськем улонтӥ ветлыны мед быгатомы. 5 Уго асьмеос Солэн кулонэзлы укшась кулонэн кулӥмы но озьы Соин герӟаськимы ке, соку Со выллем ик кулонысь улӟыса султомы.
w08 15/6 29 б., 7 абз.
Римъёслы гожтэтысь тунсыко малпанъёс
6:3—5 — Мае возьматэ «Иисус Христос бордын» пылатӥськон но «Солэн кулонэныз» пылатӥськон? Куке Иегова Христос сьӧры мынӥсьёсты святой духен зырӟе, соос Иисусэн огазеясько но «Христослэн мугорызлэн» — кенешлэн, люкетъёсыз луо, кудаз Йыр луэ Иисус (1 Кор. 12:12, 13, 27; Кол. 1:18). Тӥни мае возьматэ Иисус Христос бордын пылатӥськон. Озьы ик, зырӟемъёс Христослэн кулонэныз пылатӥсько: соос асьсэлы уг уло но музъем вылын улыны луонлыклэсь куштӥсько. Соин ик, Христослэн кулонэз выллем, соослэн кулонзы — со курбон, со сьӧлыкъёслэсь мозмытыны уг быгаты ке но. Зырӟем христианъёслэн Христослэн кулонэныз пылатӥськемзы йылпумъяське, куке соос куло но инмын улыны улӟо.
(Римъёслы 6:7, ВД) Уго кулэм мурт сьӧлыкезлэсь мозмытэмын.
w14 1/6 11 б., 1 абз.
Мар возьма кулэмъёсты?
Шонер улӥсьтэмъёс улӟем беразы азьвыл лэсьтэм ужъёссыя судъямын луозы-а? Уз. Римъёслы 6:7 вераське: «Кулэм мурт сьӧлыкезлэсь мозмытэмын». Шонер улӥсьтэмъёс сьӧлыкъёссы понна улонзэс сётӥзы ини. Соин ик соос судъямын луозы со ужъёссыя, кудъёссэ соос лэсьтозы улӟем беразы, нош азьвыл тодытэк-валатэк лэсьтэм ужъёссыя уз. Кыӵе луонлыксы соослэн кылдоз?
18—24-ТӤ ТУЛЫСПАЛ
ИНМАРЛЭН КЫЛЫСЬТЫЗ УЗЫРЛЫК | РИМЪЁСЛЫ 7, 8
Духовной марӟанъёсты утчаськомы
(Римъёслы 8:6) Лулмугорлэн кулэяськонъёсызъя улон кулонэ-быронэ нуэ, нош Духлэн валтэмезъя улон улэп улон но каньыллык вае.
Тодӥськоды на-а тӥ?
Маин пӧртэм луэ «лулмугорлэн кулэяськонъёсызъя улон» «Духлэн валтэмезъя улонлэсь»? (Рим. 8:6).
Адями лулмугорызлэн кулэяськонъёсызъя улэ ке, со нырысь ик аслаз тырбыдэстэм мугорызлэн кулэяськонъёсызлы саклык висъя, ялан со сярысь вераське, но номыр сое сокем шум уг потты ини. Нош духлэн валтэмезъя улӥсь адями понна улонын валтӥсез луэ ваньмыз, мар герӟаськемын Инмарен но солэн малпанъёсыныз. Сыӵе христиан мурт улэ святой духлэн валтэмезъя. Нырысетӥез кулон луэ, нош кыкетӥез — улон но каньыллык (w16.12-U, 15—17 бамъёс).
(Римъёслы 8:26, 27) Лябӟыса улонъёсмы дыръя Дух но асьмелы юрттэ. Уго асьмеос ум тодӥське мар сярысь, кызьы кулэ вӧсяськыны, нош Дух, асьме понна кыл вератэк лулӟиськылыса, асьмелы дурбасьтэ. 27 Сюлэммес Эскерись тодэ Духлэсь малпанзэ, малы ке шуоно Со вӧсяськисьёс понна дурбасьтэ, озьы, кызьы кулэ Инмарлы.
w09 15/11 7 б., 20 абз.
Мар верало тон сярысь тынад вӧсяськонъёсыд?
20 Куддыръя, куке ми ас поннамы вӧсяськиськомы, мар вераны ик ум тодӥське. «Асьмеос ум тодӥське мар сярысь, кызьы кулэ вӧсяськыны,— гожъяз Павел,— нош [святой] Дух, асьме понна кыл вератэк лулӟиськылыса, асьмелы дурбасьтэ. Сюлэммес Эскерись [Инмар] тодэ Духлэсь малпанзэ» (Рим. 8:26, 27). Иегова сюлмаськиз, Библиын трос вӧсяськонъёс гожтэмын мед луозы шуыса. Куке ми со вӧсяськонъёсты вераськомы, со соосты милям вӧсяськонъёсынымы лыдъя но быдэстэ соосты. Инмар тодэ милемыз но сое, кызьы валано, мар гожтэмын Библиын духлэн валтэмез улсын. Иегова тэльмырыса вӧсяськонъёсмылы ответ сётэ, куке святой дух «асьмелы дурбасьтэ». Нош куке ми Инмарлэсь Кылзэ умойгес тодӥськомы ини, милям тодамы ӝоггес лыктыны быгатоз со, мар сярысь вӧсяськоно.
25-ТӤ ТУЛЫСПАЛ — 3-ТӤ ЮЖТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | РИМЪЁСЛЫ 9—11
Духовной марӟанъёсты утчаськомы
(Римъёслы 9:21—23) Горшок лэсьтӥсь уг быгаты шат одӥг нелькем сюйысь ик одӥгзэ сосудзэ чылкыт маке возён понна, нош мукетсэ кырсь маке возён понна лэсьтыны? 22 Озьы ик Инмар но Аслэсьтыз кужымзэ, йыркурзэ возьматыны мылкыд кариз, но туж кема чидаса улӥз сузмытыны дасям, „йыркуръяськон поттӥсь сосудъёссэ“. 23 Но Со тае чидаз Аслаз „гажано-жаляно сосудъёсыз“ понна, кудъёсызлы Со Аслаз пиштӥсь данлыкезлэсь быдӟымлыксэ возьматыны мылкыд кариз,— соослы, кудъёссэ Со азьпал данлык басьтонлы дасяз.
w13 15/6 25 б., 5 абз.
Лэзе Иеговалы тӥледыз дышетыны
5 Нош адямиос пумит луо ке, соосты Быдӟым Горшок Лэсьтӥсь мед дышетоз шуыса? Кызьы соку со, Горшок Лэсьтӥсь луыса, аслэсьтыз правозэ кутэ? Малпаське, мар луэ горд сюен, куке солэсь малпам мае ке лэсьтыны уг луы. Горшок лэсьтӥсь быгатэ солэсь мукет сосуд лэсьтыны яке куштыны но! Куке горд сюйлэсь номыр лэсьтыны уг луы, ӵем дыръя мугез лэсьтӥсь бордын. Но милям Горшок Лэсьтӥсенымы озьы ноку но уг луы (К. Зак. 32:4). Адями Иеговалэн дышетэмезлы уг сётскы ке, соку мугез котьку но адями бордын. Иегова, горшок лэсьтӥсь сямен, учке, адями дышетонлы сётске-а, уг-а, но, сое лыдэ басьтыса, пӧртэм дышетон амалъёс кутэ. Соосты, кинъёс дышетонлы сётско, со уже кутыны быгатэ. Кылсярысь, зырӟем христианъёс «гажано-жаляно сосудъёс» луо, кудъёсыз, дышетонлы сётскыса, «чылкыт маке возён понна» сосудъёс луо. Нош соос, кинъёс Инмарлы ваменско, «сузмытыны дасям, „йыркуръяськон поттӥсь сосудъёс“» луо (Рим. 9:19—23).
(Римъёслы 10:2) Мон соос сярысь ивортӥсько: Инмар сярысь сюлмаськон-тыршонзы вань, нош зэмос валанзы ӧвӧл.
it «Ревность», «Неправильное рвение» подзаг.
Сюлмаськон-тыршон
Шонертэм сюлмаськон-тыршон. Адями вань сюлмысьтыз сюлмаськемзэ-тыршемзэ возьматыны быгатэ, но со дыре ик янгыш луыны но Инмарлэсь йырзэ кур карыны. Озьы вал тросэныз иудейёсын I даурын. Моисейлэсь законзэ чакласа, соос шонерлыкез шедьтыны тыршизы. Но Павел возьматӥз, шонер тодон-валан тырмымтэен, соослэн сюлмаськемзы-тыршемзы шонертэм вал шуыса. Соин ик соос шедьтыны ӧз быгатэ зэмос шонерлыкез, кудӥз Инмар бордысь потэ. Сыӵе шонерлыкез шедьтон но Законлэн кыл кутытонэзлэсь мозмытскон понна соослы янгышсэс валано но Христос пыр Инмар пала берытсконо вал (Рм 10:1—10). Одӥгез сыӵе сюлмысь тыршись иудейёс пӧлысь вал Тарсысь Савл, кудӥз берлогес Павел луиз. Со йырын валче иудаизме выемын вал но Инмарлэн Черкез вылэ туж зол урдскылӥз, соосты выжытэм быдтыны тыршиз. Со туж тыршыса Законэз быдэсъяз но со удысын адӟем карымон луиз (Гл 1:13, 14; Фп 3:6). Озьы ке но солэн иудаизм осконын сюлмаськемез-тыршемез шонертэм вал. Но Иегова адӟиз, солэн кылзӥськись сюлэмыз шуыса, соин ик сое Христос пыр гажаз-жаляз но зэмос йыбырттонлэн сюрес вылаз султытӥз (1Тм 1:12, 13).