Кызьы кузпалъёс кусыпъёссэс юнматыны быгато?

Авраам но Сарра — умой пример, кызьы кузпалъёс ог-огзэс яратыны но гажаны быгато (Ул 12:11—13; 1Пт 3:6). Озьы ке но, соослэн куспазы котьку ик ваньмыз туж умой ӧй вал, соос но шуг-секытъёсын пумиськылӥзы. Малы дышетскыны быгато кузпалъёс Авраамлэсь но Сарралэсь?

Вераське ог-огеныды. Кӧттэс ӝож эн каре кылъёслы, кудъёссэ кузпалды вера вожез потыку яке мылкыдыз куашкам дыръя, тырше сое валаны (Ул 16:5, 6). Ӵош дырдэс ортчытэ. Кылъёсыныды но ужъёсыныды оскытэ, ог-огдэс яратӥськоды шуыса. Но тодады возе, тӥляд семьяяды нырысетӥ интыын луыны кулэ Иегова: ӵош Библиез дышетэ, ӵош вӧсяське, ӵош Иеговалы ужалэ-тырше (Ек 4:12). Юн семья Иеговаез данъя, кудӥз нырысетӥ семьяез кылдытӥз.

УЧКЫ «КАК УКРЕПИТЬ БРАЧНЫЕ УЗЫ» ВИДЕОРОЛИКЕЗ НО ТА ЮАНЪЁСЛЫ ВАЛЭКТОНЪЁС СЁТ:

• Кытысь адӟиське, Шаан но Киара ог-огзылэсь палэнскыны кутскизы шуыса?

• Малы кузпалъёслы туж кулэ ог-огзылэсь номыре ватытэк вераськыны?

• Кызьы Авраамлэн но Сарралэн примерзы юрттӥз Шаанлы но Киаралы?

• Мар каризы Шаан но Киара, кусыпъёссэс юнматон понна?

• Малы картлы но кышнолы возьмано ӧвӧл, соослэн куспазы котьку ваньмыз умой луоз шуыса?