Юртты дышетскиседлы Иеговалы но Иисуслы осконзэ будэтыны, «Пумтэм вапумъёс ӵоже шумпотыса улэ!» книгаез уже кутыса

Инмарлы ярамон луон понна, дышетскиседлы юн оскон кулэ (Евр 11:6). Тон солы осконзэ будэтыны юрттод, «Пумтэм вапумъёс ӵоже шумпотыса улэ!» книгаез соин дышетыса. Отын Библиысь валтӥсь кылбуръёс, валамон валэктонъёс, умой малпам юанъёс, сюлэмез вырӟытӥсь видеороликъёс но чебер суредъёс вань. Куке ми дышетскисьмылы юрттӥськомы христиан сямъёс но Инмарен матысь кусыпъёс будэтыны, ми зарнилэсь, азвесьлэсь но дуно изъёслэсь пуктӥськомы (1Кр 3:12—15).

Куд-ог адямиослы секыт валаны, адӟыны луонтэм Инмарен эшъяськыны луэ шуыса. Соин ик соослы юрттоно Иеговаез тодыны но солы оскыны.

«„ПУМТЭМ ВАПУМЪЁС ӴОЖЕ ШУМПОТЫСА УЛЭ!“ КНИГА ИЕГОВАЛЫ ОСКОНЭЗ БУДЭТЭ» ВИДЕОРОЛИКЕЗ УЧКЫ НО ТА ЮАНЪЁСЛЫ ВАЛЭКТОНЪЁС СЁТ:

• Кытысь адӟиське, сузэр туж умой дасяськиз шуыса?

• Кызьы, ватсам юанъёс сётъяса, сузэр дышетскисьлэсь саклыксэ висъяз кылбуръёсысь валтӥсь малпанъёслы но юрттӥз солы малпанъёссэ вераны?

• Мае шӧдӥз дышетскись, видеороликез учкыса но Библиысь кылбуръёсты эскерыса?

Тросэз адямиос уг валало, кызьы Христос милемыз сьӧлыкъёсмылэсь мозмытӥз, яке уг малпало, со котькудмы понна кулӥз шуыса (Гл 2:20). Соин ик соослы юрттоно Христослэн мозмытӥсь курбонэзлы оскыны.

«„ПУМТЭМ ВАПУМЪЁС ӴОЖЕ ШУМПОТЫСА УЛЭ!“ КНИГА ИИСУСЛЫ ОСКОНЭЗ БУДЭТЭ» ВИДЕОРОЛИКЕЗ УЧКЫ НО ТА ЮАНЪЁСЛЫ ВАЛЭКТОНЪЁС СЁТ:

• Кытысь адӟиське, агай туж умой дасяськиз шуыса?

• Кызьы агай «Тросгес тодэ» рамкаысь статьяез уже кутӥз, дышетскисьлы юрттон понна?

• Малы вӧсяськытэк дышетскись осконзэ будэтыны уз быгаты?