Адӟиськод-а тон, кызьы Иегова вӧсяськонъёсыдлы ответ сётэ?

Библиын трос учыръёс гожтэмын, куке Иегова ужась-тыршисьёсызлэн вӧсяськонъёссылы ответ сётъялляз. Иеговалэсь юрттэмзэ адӟыса, соос валало вал, Инмар соосты кылэ шуыса. Соин ик соослэн осконзы юнмалляз. Милемлы но Инмарлы шонерак верано, мар милемыз сюлмаськытэ, но тыршоно адӟыны, кызьы со ответ сётэ. Но милемлы тодамы возёно: Иегова котьку ик уг лэсьты озьы, кызьы ми куриськомы, нош куддыръя со юрттэ озьы, кызьы ми ум но возьмаське вал (2Кр 12:7—9; Еф 3:20). Кызьы Иегова вӧсяськонъёсмылы ответ сётэ? Со быгатэ:

• шуг-секытмес вормон понна, кужым сётыны, сюлэммес буйгатыны но осконмес юнматыны (2Кр 4:7);

• шонер ужпум кутон понна, визьлык сётыны (Иак 1:5);

• мылкыдмес ӝутыны ӟеч ужъёс лэсьтыны (Фп 2:13);

• каньыллык сётыны, куке сюлмаськиськомы (Фп 4:6, 7);

• мукетъёсызлэсь мылкыдзэс ӝутыны милемлы шуныт кылъёсын яке коньдонэн юрттыны (1Ин 3:17, 18);

• юрттыны солы, кин понна ми вӧсяськиськомы (Ап 12:5, 11).

«ИЕГОВА — „СЛУШАТЕЛЬ МОЛИТВ“» ВИДЕОРОЛИКЕЗ УЧКЫ НО ТА ЮАНЪЁСЛЫ ВАЛЭКТОНЪЁС СЁТ:

• Кызьы Сӥмидзу агайлэн примерез тонэ юнматыны быгатэ, куке тон висиськод?

• Кызьы тон Сӥмидзу агайлэсь адӟем карыны быгатӥськод?