10-тӥ визь-кенеш. Оскымон адями лу

МАЕ СО ВОЗЬМАТЭ

Оскымон адямилы анай-атайёсыз, эшъёсыз но кузёосыз оско. Со пуктэм правилоосъя улэ, котьку сётэм кылзэ быдэстэ но ноку уг пӧяськы.

МАЛЫ СО КУЛЭ

Мае тыныд оскыны луэ, нош мае уг, герӟаськемын соин, кызьы тон астэ возиськод.

«Анай-атайёс тыныд мед оскозы шуыса, котьку но котькытын ужъёсыныд возьматыны тыршоно, тыныд оскыны луэ шуыса» (Сарахи).

БИБЛИЫСЬ ВИЗЬ-КЕНЕШ: «Асьтэдыз асьтэос чаклалэ-эскере» (2 Коринфъёслы 13:5).

МАР КАРЫНЫ ЛУОЗ

Тынад потэ ке, тыныд тросгес мед оскозы яке выльысь тыныд оскыны мед кутскозы шуыса, тазьы карыса утча.

Эн пӧяськы. Тон пӧяд ке, адямиос тыныд уз оске ни. Нош тон котьку верад ке озьы, кызьы вань, тужгес но янгышъёсыд сярысь, мукетъёсыз тыныд оскозы.

«Капчи ӧвӧл котьку вераны озьы, кызьы вань, тужгес но соку, куке янгышъёсыд сярысь вераськод. Но тон озьы карид ке, адямиос тыныд тросгес оскозы» (Кайман).

БИБЛИЫСЬ ВИЗЬ-КЕНЕШ: «Котьмар ласянь шонер улыны тыршиськомы» (Еврейёслы 13:18).

Оскымон адями лу. Огазеяськем Штатъёсын ортчытэм эскерон возьматӥз, ӵем дыръя адями уже интыяськыку, учко, луэ-а солы оскыны, уг-а. Тон оскымон адями луид ке, со юрттоз тыныд бадӟым будэм берад.

«Анае но атае ярато, куке мон дорысь ужъёсме рос-прос лэсьтӥсько но монэ кулэ ӧвӧл выльысь косыны. Мон озьы лэсьтӥсько ке, соос мыным тросгес оскыны кутско» (Сара).

БИБЛИЫСЬ ВИЗЬ-КЕНЕШ: «Мон тодӥсько, та куронэ сярысь но эшшо тросгес лэсьтод на шуыса» (Филимонлы 21).

Чидась лу. Тынэсьтыд будэмдэ мукетъёсыз соку ик адӟо. Нош тыныд оскыны луэ-а, уг-а шуыса валан понна, дыр кулэ.

«Одӥг уженыд гинэ анай-атайёслы но мукетъёсызлы возьматыны уг луы, тыныд оскыны луэ шуыса. Со понна нуналысь нуналэ возьматыны тыршоно, тон оскымон адями шуыса» (Брэндон).

БИБЛИЫСЬ ВИЗЬ-КЕНЕШ: «Дӥсяське-шобырске... кема чидась луонлэн дӥськутэныз» (Колоссыослы 3:12).