1-тӥ люкет
Зэм-а инмар сюлмаське асьме сярысь?
1, 2. Кыӵе юанъёссы кылдо адямиослэн Инмар сярысь но малы?
КУКЕ но ас улонад тон малпаськид, дыр, ини: Инмар вань ке, кудӥз, зэмзэ ик, асьме сярысь сюлмаське, соку малы сыӵе трос курадӟонъёс? Асьмеос ваньмы курадӟонъёсын пумиськылӥмы, яке тодӥськомы кинэ ке, кин курадӟиз.
2 Вань вапумъёс ӵоже ожъёс, жалясьтэм луон, йыружъёс, мукет адямиослэн шонертэм ужъёссы, куанер улон, висёнъёс но матысь адямиослэн кулэмзы адямиослы трос курадӟонъёс но сюлэмшугъяськонъёс ваизы. XX даурын гинэ ожъёсын 100 миллионлэсь уногес адямиос быдтэмын вал. Трос миллион калык сӧсыртэмын яке улон интытэк но ваньбуртэк кылемын вал. Асьме дыре туж трос кышкыт учыръёс луо, кудъёсыз мур куректон но бӧрдон ваё, соин сэрен адямиос вуоноезлы осконзэс но ышто.
3, 4. Мар малпало тросэз со сярысь, малы Инмар курадӟонъёсты уг быдты?
3 Куд-огез вожпотонэн тырмыса малпало: Инмар вань ке но, со асьме сярысь уг сюлмаськы. Озьы ик соос малпаны быгато, Инмар ӧвӧл шуыса. Кылсярысь, одӥг пиосмурт Нырысетӥ мировой ож дыръя, адӟемпотостэм калык пӧлысь луэмез понна, уйылонъёсын пумиськиз. Отын солэсь эшъёссэ но семьязэ быдтӥзы. Соин сэрен солэн юанэз кылдӥз: «Кытын вал Инмар, куке мыным юрттэт кулэ вал?» Мукетыз адями, Кыкетӥ мировой ож дыръя нацистъёсын трос миллион вием адямиосты адӟеменыз, мур кайгырыса вераз: «Мынэсьтым сюлэмме нюлыны быгатысалды ке, ядэз веръям кадь луысалды».
4 Озьыен, тросэз адямиос уг валало, малы умой Инмар уг быдты уродзэ. Соослэн юанзы кылдэ: зэм-а Инмар соос сярысь сюлмаське но вань меда со? Озьы ик тросэз малпало, курадӟонъёс котьку но улонлэн оглюкетэз луозы шуыса.
[Суред, 2, 3-тӥ бамъёс]
Матын-а курадӟонъёслэсь мозмытэм выль дунне?