7 урок

Ортчем даурэ урокъёс

Иегова уз лэзьы урод адямиослы быдтыны Раез. Отын улозы Инмарлэн гинэ эшъёсыз. Мар луоз урод адямиосын? Ответ шедьтон понна, учком Нойлэсь зэмлык историязэ. Ной улиз сюрс аръёс талэсь азьвыл. Со умой адями вал, котьку но кӧня вань кужмыз тыршиз Иеговалэсь эриксэ быдэсъян. Нош мукет адямиос музъем вылын лэсьтӥзы урод ужъёс. Соку Иегова Нойлы шуиз, со быдтын дырттэ вань урод адямиосты Ву тудӟемын. Со косӥз Нойлы ковчег лэсьтыны, Ной но солэн семьяез медаз бырэ, ку лыктоз Ву тудӟем (Бытие 6:9—18).

Ной но солэн семьяез лэсьтӥллям ковчег. Ной азьвыл ивортӥз адямиослы Ву тудӟем луоз шуыса, нош соос сое ӧз но кылзӥське, озьы ик лэсьтӥзы урод ужъёссэз. Ку ковчег лэсьтыса быттэмын вал, Ной люказ отчы пудоживотъёсыз, собере со но солэн семьез пыризы ковчеге. Соку Иегова ӝутиз кӧшкемыт сильтэм. Зориз 40 нунал но 40 уй. Ву тырмытӥз вань музъемез (Бытие 7:7—12).

Урод адямиос быризы, Ной но солэн семьяез мозмытскизы. Утьыса соосыз Ву тудӟем дыръя, Иегова сётиз соослы уродъёслэсь чылкытатэм музъем (Бытие 7:22, 23). Библияын верамын, вуоз сыӵэ дыр ку Иегова нош ик быдтоз соосыз, кинъёс палэнто шонер ужъёс лэсьтыны. Умой адямиос уз бырэ. Соос пырак улозы музъем вылын (2 Петр 2:5, 6, 9).

Туннэ трос адямиос урод ужъёс лэсьто. Дунне тырмиз куректонэн. Иегова выльисен но выльисен ыстэ аслэсьтыз Свидетельёссэ адямиослы ивортын, нош тросэзлэн адямиослэн кылзӥськемзы но уг поты Иегвалэсь кылъёссэ. Соослэн уг поты воштэмзы асьсэлэсь сюрэсъёссэ. Соослэн уг поты санэ басьтэмзы мар вера Инмар, умой ужъёс сярысь но урод ужъёс сярысь. Мар луоз та адямиосын? Воштӥськозы-а меда соос ку ке? Тросэз ноку но уз воштӥське. Вуэ ни сыӵэ дыр ку урод адямиос быдтэмын луозы, соос ноку но уз ни улэ выльись (Псалом 91:8).

Музъем бырэмын уз луы, со пӧрмытскоз Рае. Кинъёс Инмарлэн эшъёсыз луо, пырак улозы музъем вылын, Райын (Псалом 36:29).