Быдӟым ву тудӟон. Кин кылзӥськиз, нош кин ӧз?

Тросэз адямиос Ной улон нуналъёсы лек ужъёс лэсьтӥзы (Улон-вылон 6:5).

Адамлэн но Евалэн нылпиоссы вордӥськизы, но музъем вылын трос адямиос луизы. Дыр ортчыса, куд-ог кылчинъёс Шайтанлэн пумит султоназ пыриськизы.

Соос музъем вылэ васькизы но, адями кадь кариськыса, нылмуртъёсты кышно басьтӥзы. Нылкышноос аспӧртэм пиналъёс вордылӥзы, кудъёсыз кужмоесь но лекесь вал.

Дунне урод адямиосын тырмиз. Библия вера: «Музъем вылысь адямиос пӧлын азыса-сӧриськыса улон туж алямын вал, соослэн вань малпанъёссы, мылкыдзы лек ужъёс лэсьтон борды ялан кыстӥськиз».

Ной Инмарлэсь кылзӥськиз но ковчег лэсьтӥз (Улон-вылон 6:13, 14, 18, 19, 22).

Ной умой адями вал. Иегова Нойлы вераз, лек адямиосты ву тудӟонын быдтыны малпа шуыса.

Озьы ик Инмар Ноез бадӟым корабль, яке ковчег, лэсьтыны но отчы аслэсьтыз семьязэ но пӧртэм пӧйшуръёсты пыртыны косӥз.

Ной адямиослы Ву тудӟон сярысь азьло ик ивортӥз, нош соос сое ӧз кылзэ. Одӥгъёсыз Ноез серекъязы, мукетъёсыз сое адӟемпотостэм каризы.

Ковчег вуэм бере, Ной отчы пӧйшуръёсты пыртӥз.