11-ТӤ ЛЮКЕТ
Инмарлэн духеныз вордскытэм кырӟанъёс
Давид но мукетъёсыз вӧсяськон гуръёс гожъяло. Псалтирьын 150 таӵе кырӟанъёслэн кылъёссы гожтэмын
БИБЛИЫСЬ тужгес но бадӟымез книга—священной кырӟанъёсын бичет. Сое ог сюрс ар ӵоже гожтӥзы. Псаломъёс—со Инмарлы оскон сярысь сюлэм пушкысь ик потэм кырӟанъёс. Соос возьмато адямиослэсь пӧртэм пумо шӧдонъёссэс, кызьы шумпотонэз, данъянэз, тау каронэз, озьы ик кайгыронэз, куректонэз но ӧпкелёнэз. Кызьы адӟиське, псаломъёсты гожъясьёслэн Инмарен матысь, ог-огзылы оскись кусыпъёссы вал. Ойдолэ учкомы, мар сярысь соос кырӟазы.
Иеговалэн правоез вань Кузё луыны, со сӥ-данэз но ушъянэз басьтыны ярась. Псалтирьысь 82:19 ми лыдӟиськомы: «Тон Одӥгнад — Кузё-Инмар, быдэс музъем выллы Вылысь Инмар луиськод». Куд-ог псаломъёс Иеговаез солэн кылдытэмъёсыз понна ушъяло, кылсярысь, инкуазьлэн чеберлыкез, кизилиё инбам но адями мугорлэн паймымон луэмез понна (Псалтирь 8, 18, 138, 148). Мукетъёсыз данъяло сое, малы ке шуоно со — Инмар, кудӥз мозмытэ но уте солы оскымон кылисьёсты (Псалтирь 17, 96, 137). Куинетӥосыз Иеговаез сӥё-дано каро, малы ке шуоно со шонерлыко Инмар, кудӥз ултӥямъёсты мозмытэ но сьӧлыклэсь кышкасьтэмъёсты кыл кутытэ (Псалтирь 10, 67, 145).
Иегова сое яратӥсьёслы юрттэ но буйгатэ соосты. 22-тӥ Псаломын, тужгес но тодмояз, вылды, Давид Иеговаез яратӥсь Пудо возьмасен ӵошатэ, кудӥз нуэ но уте аслэсьтыз ыжъёссэ, озьы ик сюлмаське соос сярысь. Псалтирь 64:3 Инмарлэн ужась-тыршисьёсызлы тодазы вайытэ, Иегова вӧсяськемез кылэ шуыса. Троссэ соос пӧлысь, кинъёс секыт сьӧлыказы, буйгато 38-тӥ но 50-тӥ Псаломъёсысь Давидлэн сюлмысь верам кылъёсыз, кудъёсаз со возьматэ секыт сьӧлыкъёсыз понна ӧпкелемзэ но Иеговалэн простить каремезлы оскемзэ. Псалтирь 54:23 ӧте милемыз Иегова вылэ оскиськыны но шуг-секытъёсмес но куректонъёсмес солы оскыны.
Иегова дуннеез Мессиялэн Эксэйлыкез пыр воштоз. Псалтирьысь куд-ог люкетъёс шонерак Мессия сярысь, азьло ик ивортэм Эксэй сярысь, верало. 2-тӥ Псаломын азьпалзэ ивортыса гожтэмын, со Кивалтӥсь аслыз пумит сылӥсь калыкъёсты быдтоз шуыса. 71-тӥ Псалом возьматэ, со Эксэй сютэм, шонерлыктэм но ултӥяса улонлы пум поноз шуыса. Псалтирьын 45:10 вераське, Инмар Мессиялэн Эксэйлыкез пыр ожъёсты дугдытоз но вань ожмаськон тӥрлыкъёсты быдтоз шуыса. 36-тӥ Псаломысь ми лыдӟиськомы, сьӧлыклэсь кышкасьтэмъёс бырозы, нош шонер улӥсьёс, быдэс дунне вылысь тупаса но шудо улонлы шумпотыса, музъем вылын пырак улозы шуыса.
Пыкиськемын: Псалтирь.