Библия — со Инмарлэн гожтэтэз

Иегова милемлы туж умой кузьым кузьмаз — Библиез. Библие 66 пичи книгаос пыро. Но тӥ юалоды, дыр: «Кин Библиез гожтӥз? Кинлэн малпанъёсыз отын гожтэмын?» Та юанъёслы валэктонъёс сётон понна, ойдолэ учкомы, кызьы Инмарлэн гожтэтэз, Библия, асьме дырозь вуиз.

1. Библиез адямиос гожъязы ке, соку малы верало, солэн Авторез Инмар шуыса?

Библиез ог 1 600 ар ӵоже 40 пала адямиос гожъязы. Соос сое гожъяны кутскизы а. в. азьло 1513-тӥ арын но гожъянзэс быдтӥзы а. в. 98-тӥ ар котырын. Библиез гожъясьёс туж пӧртэм адямиос вал: куд-огъёсыз соос пӧлысь — узыр но дышетскем адямиос, нош куд-огъёсыз — огшоры куанер адямиос. Библиез пӧртэм адямиос гожтӥзы ке но, со ачиз аслыз пумит уг луы. Малы со озьы? Малы ке шуоно Библилэн Авторез — Инмар. (Лыдӟе 1 Фессалоникаослы 2:13.) Библиез «Святой Дух пыр вырӟытэм Инмарлэн дун-чылкыт адямиосыз» гожтӥзы (2 Пётр 1:21). Но соос асьсэлэсь малпанъёссэс ӧз гожтэ. Инмар аслаз святой духезa пыр соосты аслэсьтыз малпанъёссэ гожтыны косӥз (2 Тимофейлы 3:16).

2. Кин Библиез лыдӟыны быгатэ?

«Вань выжыос, пӧртэм кылын вераськисьёс, калыкъёс» Библиысь ӟеч иворез тодыны быгато. (Лыдӟе Усьтӥськонэз 14:6.) Инмар сюлмаськиз, Библия трос пӧртэм кылъёсы берыктэмын мед луоз шуыса. Туннэ нуналлы одӥг книга но сомында кылъёсы берыктэмын ӧвӧл. Библиез котькуд адями кадь лыдӟыны быгатэ, кытын гинэ со медаз улы но кыӵе кылын гинэ со медаз вераськы.

3. Кызьы Иегова Библиез утиз?

Нырысь Библия гожтэмын вал ӝог сисьмись материалъёс вылын, кылсярысь, ку вылын яке папирус вылын. Соин ик адямиос, кудъёсыз Библиез яратӥзы, тыршизы сое выльысь но выльысь мукет интые гожтыса кельтыны. Со дыре, куке пӧртэм кивалтӥсьёс Библиез быдтыны тыршизы, вал адямиос, кудъёсыз асьсэлэсь улонзэс но жалятэк, тыршизы сое утьыны. Иегова ӧз лэзьы номырлы но, нокинлы но люкетыны солы милемын вераськыны. Библиын верамын: «Инмармылэн кылыз пумтэм вапумъёс ӵоже улоз» (Исаия 40:8).

МУРГЕС ЭСКЕРЕ

4. Библия аслаз Авторез сярысь вера

Учке ВИДЕОРОЛИКЕЗ, собере лыдӟе 2 Тимофейлы 3:16 но та юанъёслы валэктонъёс сётэ:

ВИДЕОРОЛИК: «Кин Библилэн Авторез?» (люкетэз) (2:48)

• Библиез адямиос гожъязы ке, соку малы со Инмарлэн Кылыз шуыса нимаське?

• Оскиськоды-а тӥ, Инмар аслэсьтыз малпанъёссэ быгатэ вал шуыса сётыны адямиослы, кудъёсыз Библиез гожтӥзы?

5. Библиез быдтыны ӧз быгатэ

ВИДЕОРОЛИК: «Соос Библиез ярато вал» (Уильям Тиндал) (6:17)

• Тодыса со сярысь, макем трос лэсьтэмын вал Библиез утён понна, потэ-а тӥляд Библиез лыдӟемды? Малы?

Лыдӟе Псалтирез 118:97 но та юанлы валэктон сётэ:

• Малы тросэз адямиос, улонзэс жалятэк, Библиез пӧртэм кылъёсы берыктыны но сое вӧлмытыны тыршизы?

6. Вань адямиослы книга

Библия — со книга, кудӥз самой трос кылъёсы берыктэмын но печатламын. Лыдӟе Апостолъёслэсь ужъёссэс 10:34, 35 но та юанъёслы валэктонъёс сётэ:

• Малы Инмарлэн потэ, солэн Кылыз пӧртэм кылъёсы берыктэмын но печатламын мед луоз шуыса?

• Мар кельшиз тӥледлы со пӧлысь, мае тӥ тодӥды Библия сярысь?

ТОДЭ ВАЁН

Библия — со Инмарлэн Кылыз. Соин ик со сюлмаськиз, сое вань адямиос лыдӟыны мед быгатозы шуыса.

Мае тон тодӥд?

• Малы вераны луоз, Библилэн Авторез Инмар шуыса?

• Маиз тӥледлы тужгес но кельшиз со пӧлысь, кызьы Библия ми дырозь вуиз, кызьы сое берыктӥзы но вӧлмытӥзы?

• Тодыса сое, кӧня кужым понӥз Инмар, тӥледлы аслэсьтыз иворзэ вуттон понна, мар тӥ малпаськоды Инмар сярысь?

ТРОСГЕС ТОДЭ

Лыдӟе, кызьы Библия асьме дырозь вуиз.

«Кызьы Библия асьме дырозь вуиз» («Сайкалэ!», 2007-тӥ ар, шуркынмон)

Тодэ, кызьы Библия утемын вал, куинь кышкытлык шоры учкытэк.

«Библия. Кызьы со асьме дырозь вуиз» («Возьмаськон башня» № 4, 2016-тӥ ар)

Учке, мае чиданы дась вал куд-ог адямиос, Библиез берыктон понна.

«Соос Библиез ярато вал» 14:26

Библиез трос пол берыктылӥзы но мукет интыосы выльысь но выльысь гожъяллязы. Малы ми оскыны быгатӥськомы, Инмарлэн отчы гожтэм иворез ӧз воштӥськы шуыса?

«Библиысь малпанъёс воштэмын-а? Солы оскыны луэ-а?» (jw.org сайтысь статья)