Кыӵе религия Инмарлы яра?

Кылем урокысь ми тодӥмы, Инмарлы вань религиос уг ярало шуыса. Озьы ке но ми быгатӥськомы Кылдытӥсьмылы йыбыртъяны озьы, кызьы солы яра (Иаков 1:27). Мар со понна кароно? Ойдолэ учкомы, мар вера Библия.

1. Кытысь тодоно, кызьы Инмарлы шонер йыбыртъяно?

Милемлы Инмарлы йыбыртъяно озьы, кызьы дышетэ Библия. Иисус Христос вераз Инмарлы: «Тынад кылыд — зэмлык» (Иоанн 17:17). Зэмлык гожтэмын Инмарлэн Кылаз, Библиын. Но куд-ог религиос Библиысь зэмлыкез кулэ уг каро. Соос Инмарлы йыбыртъяло адямиосын малпам дышетонъёсъя но вашкала сямъёсъя. Иеговалы туж уг кельшы, куке кин ке солэсь курон-косонзэ палэнтэ. (Лыдӟе Марклэсь 7:9.) Нош ми Инмарлы йыбыртъяськомы ке озьы, кызьы дышетэ Библия, но тыршиськомы ке соя улыны, Инмар туж шумпотэ.

2. Кызьы Иеговалы йыбыртъяно?

Иегова — милям Кылдытӥсьмы, соин ик ми солы гинэ йыбыртъяны кулэ (Усьтӥськон 4:11). Милемлы сое яратоно но, солы йыбыртъяку, вӧлыса лэсьтэм сульдэръёс азе но мудор азе султыса, вӧсяськоно ӧвӧл. (Лыдӟе Исаиялэсь 42:8.)

Иеговалы йыбыртъясь адями дун-чылкыт но Иеговалы ярамон улыны кулэ (Римъёслы 12:1). Со понна милемлы солэсь законъёссэ яратоно но соослэсь кылзӥськоно. Кылсярысь, соос, кинъёс Иеговаез ярато, азыса-калгыса уг уло. Озьы ик соос тамак уг кыско, наркотикъёсты уг куто но мултэс вина юыса уг улоa.

3. Малы Иеговалы мукетъёсыныз ӵош йыбыртъяно?

Милям пумиськонъёсмы котькуд арняе ортчо. Отын ми быгатӥськомы Иеговаез кенешен ӵош данъяны (Псалтирь 110:1, 2). Кылсярысь, отын ми, Инмарез данъяса, кырӟаськомы (Псалтирь 103:33). Иеговалэн потэ, ми сыӵе пумиськонъёсы мед ветломы шуыса, малы ке шуоно со милемыз яратэ но тодэ, кенешлэн пумиськонъёсыз милемыз пумтэм вапумъёс ӵоже шумпотыса улыны дасяло шуыса. Куке ми огазе люкаськиськомы, ми ог-огмес буйгатӥськомы но юнматӥськомы.

МУРГЕС ЭСКЕРЕ

4. Сульдэр-идолъёс но мудоръёс азьын Инмарлы вӧсяськоно ӧвӧл

ВИДЕОРОЛИК: «Кельше-а Инмарлы, куке адямиос, солы йыбыртъякузы, сульдэр-идолъёс но мудоръёс азьын вӧсясько?» (3:26)

• Мар луиз, куке куд-огъёсыз, Инмарлы йыбыртъякузы, сульдэр-идол азьын вӧсяськыны кутскизы?

Куд-ог адямиос сульдэр-идолъёс яке мудоръёс азьын вӧсясько, малы ке шуоно малпало, озьы соос Инмарлы матэгес луо шуыса. Но зэмзэ вераса, со соосты Инмарлэсь палэнтэ гинэ. Кызьы? Лыдӟе Потонэз 20:4—6 но Псалтирез 105:35, 36 но та юанъёслы валэктонъёс сётэ:

• Мар азьын адямиос Инмарлы вӧсясько?

• Кызьы Иегова со шоры учке?

• Кызьы тӥ учкиськоды сульдэр-идолъёс яке мудоръёс азьын вӧсяськон шоры?

5. Иеговалы гинэ йыбыртъяса, ми ӧрекчи дышетонъёслэсь мозмытскиськомы

ВИДЕОРОЛИК: «Зэмлык монэ мозмытӥз» (5:16)

Лыдӟе Псалтирез 90:14 но та юанлы валэктон сётэ:

• Кызьы Иегова милемлы юрттоз, ми сое яратӥськомы но солы гинэ йыбыртъяськомы ке?

6. Кенешлэн пумиськонъёсаз ми Иегова Инмарлы йыбыртъяськомы

Кенешлэн пумиськонъёсаз ми, кырӟанъёс кырӟаса но юанъёслы валэктонъёс сётъяса, Иеговаез данъяськомы но ог-огмес юнматӥськомы. Лыдӟе Псалтирез 21:23 но та юанъёслы валэктонъёс сётэ:

• Кельше-а тӥледлы кенешлэн пумиськонъёсаз мукетъёсызлэсь валэктонъёссэс кылзыны?

• Потэ-а тӥляд кыӵе ке юанлы валэктон дасямды?

7. Иегова шумпотэ, куке ми Библиысь тодэммес мукетъёсызлы вераськомы

Милям трос луонлыкъёсмы вань Библиысь зэмлыкез мукетъёсызлы вераны. Лыдӟе Псалтирез 9:2 но 33:2 но та юанлы валэктон сётэ:

• Библиысь тодэмды пӧлысь мае тӥляд мукетъёсызлы верамды потэ?

ТОДЭ ВАЁН

Милям Кылдытӥсьмы возьма, ми солы гинэ йыбыртъяломы, кенешлэн пумиськонъёсаз сое данъяломы но Библиысь тодэммес мукетъёсызлы вераломы шуыса.

Мае тон тодӥд?

• Кытысь тодыны луоз, кызьы Инмарлы шонер йыбыртъяно?

• Малы Иеговалы гинэ йыбыртъяно?

• Малы Инмарлы мукетъёсыныз ӵош йыбыртъяно?

ТРОСГЕС ТОДЭ

Лыдӟе «Идолъёслы уг йыбыртъяськы ни» статьяез но тодэ, кызьы одӥг кышномурт сульдэръёслы-идолъёслы йыбыртъямысь дугдӥз.

«Библия улонэз воштэ» («Возьмаськон башня», 2011-тӥ ар, 1-тӥ пӧсьтолэзь)

Тодэ, мар юрттоз тӥледлы кенешлэн пумиськонъёсаз валэктонъёс сётъяны.

«Ушъялэ-данъялэ Иеговаез пумиськонын» («Возьмаськон башня», 2019-тӥ ар, толшор)

Учке, кызьы егит пилы юрттӥзы кенешлэн пумиськонъёсыз, солы отчы ветлыны секыт вал ке но.

«Иегова мон сярысь сюлмаськиз» 3:07

Тросэз адямиос киросэз христиан осконэн герӟало. Нош шонер-а со? Кулэ-а Инмарлы йыбырттонын киросэз кутыны?

«Малы Иеговалэн Адӟись-Ивортӥсьёсыз Инмарлы йыбырттонын киросэз уг куто?» (jw.org сайтысь статья)