55-ТӤ УРОК
Юрттэ асьтэлэн кенештылы
Быдэс дунне вылын трос миллион Иеговалэн Адӟись-Ивортӥсьёсыз асьсэ кенешъёсазы Инмарлы ужало-тыршо. Соос туж дунъяло кенешъёссэс, малы ке шуоно кенешлэн пумиськонъёсыз пыр Иегова соосты дышетэ но соосын кивалтэ. Нош тӥ дунъяськоды-а кенештэс? Потэ-а тӥляд со понна мар ке каремды?
1. Кызьы тӥ, дырдэс но кужымдэс сётыса, кенешлы юрттыны быгатӥськоды?
Котькудмы асьмеос быгатӥськомы мар ке карыны, кенешлы юрттон понна. Тӥляд кенешады арлыдо яке висись агайёс но сузэръёс вань ке, малпаське, быгатӥськоды-а тӥ юрттыны соослы кенешлэн пумиськоназ мыныны? Быгатӥськоды-а тӥ соослы корка котыразы юрттыны яке магазинэ ветлыны? (Лыдӟе Иаковлэсь 1:27.) Озьы ик ми быгатӥськомы юрттыны Эксэйлык юртмес чылкыт возьыны но тупатъяны сое. Милемыз нокин но кужмысь уг косы сое лэсьтыны. Ми асьмеос котьку дась юрттыны, малы ке шуоно яратӥськомы Инмарез но, вын-агайёсмес но (Псалтирь 109:3).
Пылатӥськем Адӟись-Ивортӥсьёслэн тросгес луонлыкъёссы вань кенешлы юрттыны. Агайёс, кудъёсыз Библиысь куронъёслы тупало, быгато кенешлы юрттӥсьёс луыса ужаны-тыршыны, нош дыр ортчыса, тӧроос луыны. Кызьы агайёс, озьы ик сузэръёс но быгато тросгес дырзэс тодытон ужлы сӥзьыны но пионер луыса ужаны-тыршыны. Нош куд-ог Адӟись-Ивортӥсьёс быгато юрттыны Эксэйлык юртъёсты пуктыны яке мыныны отчы, кытын кенешлы юрттэт кулэ.
2. Кызьы ми кенешлы ваньбуренымы юрттыны быгатомы?
Ми Иеговаез ас ваньбуренымы сӥлы карыны быгатӥськомы (Мадёнъёс 3:9). Ми коньдонмес сётӥськомы, ас кенешмылы юрттон понна но быдэс дунне вылысь тодытон ужез нуыны юрттон понна. Ми понна со бадӟым дан. (Лыдӟе 2 Коринфъёслы 9:7.) Озьы ик сётэм коньдонмы кошке инкуазь шимучыръёсы сюрем агайёслы но сузэръёслы юрттон понна. Коньдонэнызы юрттыны мед быгатозы шуыса, куд-огъёсыз кӧня ке коньдонзэс юри нимаз поныса кельто. (Лыдӟе 1 Коринфъёслы 16:2.) Коньдон сётыны ми быгатӥськомы, Эксэйлык юртын юри дасям ящикъёсы поныса, яке donate.jw.org сайт пыр. Коньдон сётыса, ми Иеговаез яратэммес возьматӥськомы.
МУРГЕС ЭСКЕРЕ
Ойдолэ тодомы, кызьы кенешмылы юрттыны луоз.
3. Ми коньдонэнымы юрттыны быгатӥськомы
Иегова но Иисус ярато, куке ми мукетъёсызлы юрттӥськомы. Кылсярысь, Иисус ушъяз одӥг палкышноез. Со куанер улэ вал ке но, вань коньдонзэ сётӥз Иеговалы. Лыдӟе Лукалэсь 21:1—4 но та юанъёслы валэктонъёс сётэ:
Трос коньдон сётыса гинэ-а, ми Иеговаез шумпоттыны быгатомы?
Кызьы учко Иегова но Иисус, куке ми вань сюлмысьтымы коньдонмес сётӥськомы?
Тодон понна, кытчы кутӥське сётэм коньдонмы, учке ВИДЕОРОЛИКЕЗ. Собере та юанлы валэктон сётэ:
Кызьы сётэм коньдонмы быдэс дунне вылысь агайёслы но сузэръёслы юрттэ?
4. Ми юрттэтмес ӵектыны быгатӥськомы
Вашкала дыръёсы Иеговалэн ужась-тыршисьёсыз туж тыршо вал, Иеговалы йыбыртъян интыоссы чебересь но чылкытэсь мед луозы шуыса. Со понна соос коньдонэн гинэ уг юртто вал. Лыдӟе 2 Паралипоменонэз 34:9—11 но та юанлы валэктон сётэ:
Мар каре вал израиль калыкысь котькудӥз, Иеговалэн коркаез чылкыт но чебер мед луоз шуыса?
Туннэ Иеговалэн Адӟись-Ивортӥсьёсыз израиль калыклэсь адӟем каро. Учке ВИДЕОРОЛИКЕЗ но та юанъёслы валэктонъёс сётэ:
Малы Эксэйлык юртмес чылкыт но чебер возёно?
Маин тӥ юрттыны быгатысалды?
5. Мар карыны быгато агайёс
Библия ӧте агайёсты тросгес дырзэс но кужымзэс сётыны, кенешлы юрттон понна. Кызьы сое лэсьтыны луоз шуыса тодон понна, учке ВИДЕОРОЛИКЕЗ. Собере юанлы валэктон сётэ.
Мар кариз агай, кенешлы тросгес юрттон понна?
Библиын гожтэмын куронъёс агайёслы, кудъёсызлэн кенешлы юрттӥсьёс яке тӧроос луэмзы потэ. Лыдӟе 1 Тимофейлы 3:1—13 но та юанъёслы валэктонъёс сётэ:
Мар кароно агайёслы, кудъёсызлэн кенешлы юрттӥсь яке тӧро луэмзы потэ?
Мар кароно соослэн семьяоссылы? (Учке 4-тӥ но 11-тӥ кылбуръёсты.)
Кыӵе пайда вае кенешысь котькудӥзлы агайёслэн Библиысь та куронъёслы тупаны тыршемзы?
КИН КЕ НО ЮАНЫ БЫГАТОЗ: «Кытысь коньдон потто Иеговалэн Адӟись-Ивортӥсьёсыз, ужзэс нуон понна?»
Мар тӥ верасалды?
ТОДЭ ВАЁН
Иегова туж дунъя, куке ми дырмес, кужыммес но коньдонмес сётӥськомы, кенешлы юрттон понна.
Мае тон тодӥд?
Кызьы ми, дырмес но кужыммес сётыса, кенешлы юрттыны быгатӥськомы?
Кызьы ми кенешлы коньдонэн юрттыны быгатӥськомы?
Мар тӥляд каремды потэ, кенешлы юрттон понна?
ТРОСГЕС ТОДЭ
Лыдӟе но тодэ, малы Инмар уг куры ни дасэтӥ люкетэз сётыны.
«Мар верамын Библиын дасэтӥ люкетэз сётон сярысь?» (jw.org сайтысь статья)
Мар кароно сузэрлы, солы быдэстоно ке ужез, кудзэ, Библия верамъя, агайёс быдэстыны кулэ?
Тодматске кышкасьтэм Адӟись- Ивортӥсьёсын, кудъёсыз агайёссылы но сузэръёссылы публикациос нулло, со соослы туж секытэн сётӥське ке но.
«Библия вылэ пыкиськем публикациосты Конгоысь кенешъёсы вуттон» 4:25
Ужмес нуон понна, организацимы мукет сямен коньдон поттэ, мукет религиозной организациос кадь уг. Лыдӟе но асьтэос тодэ.
«Кытысь коньдон басьто Иеговалэн Адӟись-Ивортӥсьёсыз, ужзэс нуон понна?» (jw.org сайтысь статья)