37-ТӤ УРОК
Мар вера Библия уж но коньдон сярысь
Куддыръя секыт луэ улон понна коньдон поттыны но со дыре ик Иеговалы ужаны-тыршыны. Но Библиын умой визь-кенешъёс вань, кудъёсыз юрттыны быгатозы.
1. Мар верамын Библиын уж сярысь?
Иеговалэн потэ, ужмы милемлы шумпотон мед ваёз шуыса. Библиын верамын: «Аслад ужам уженыд шумпотыса-майбыръяськыса улонлэсь умоез номыр но ӧвӧл» (Екклесиаст 3:22). Ми Иеговалэсь адӟем кариськомы но ужмес умой быдэстыны тыршиськомы ке, со шумпотон вае Иеговалы но, милемлы но.
Ужаны кулэ, но лэзёно ӧвӧл, уж нырысетӥ интые мед потоз шуыса (Иоанн 6:27). Иегова кылзэ сётэ, солы ужан-тыршон улонамы нырысетӥ интыын луиз ке, со ми сярысь сюлмаськоз шуыса.
2. Кызьы коньдон шоры шонер учконо?
Библиын верамын, коньдон уте шуыса. Озьы ик отын верамын, коньдон гинэ адямиез шудо уг кары шуыса (Екклесиаст 7:12). Со сяна, Библия чакласькыны косэ, ми коньдонэз медам яратэ шуыса, нош мед шумпотомы солы, мармы вань. (Лыдӟе Еврейёслы 13:5.) Озьы улӥмы ке, ми асьмеды утёмы, кылсярысь, кулэтэм пунэмаськонъёслэсь но азартной шудонъёслэсь (Мадёнъёс 22:7).
3. Кызьы шырыт сямо луоно?
Иегова — шырыт сямо Инмар. Милям но со кадь ик шырыт сямо луэммы потэ (1 Тимофейлы 6:18). Кызьы ми шырыт сяммес возьматыны быгатомы? Кылсярысь, дась луимы ке кенешлы коньдонэн юрттӥськыны. Озьы ик, юрттӥмы ке соослы, кинлы юрттэт кулэ, тужгес но кенешысь агайёслы но сузэръёслы. Иегова уг учкы, кӧня ми сётӥськомы. Со учке, кыӵе мылкыдын ми сое лэсьтӥськомы. Ми мылысь-кыдысь сётӥськомы ке, асьмеос но шумпотӥськомы, Иеговаез но шумпоттӥськомы. (Лыдӟе Апостолъёслэсь ужъёссэс 20:35.)
МУРГЕС ЭСКЕРЕ
Ойдолэ тодомы, кыӵе интыын луыны кулэ уж но кызьы дышетсконо шумпотыны солы, мармы вань.
4. Ужды Иеговаез мед данъялоз
Со, кызьы ми ужмес быдэсъяськомы, возьматыны кулэ, ми Иеговалы ужаськомы-тыршиськомы шуыса. Учке ВИДЕОРОЛИКЕЗ но та юанъёслы валэктонъёс сётэ:
Мар кельшиз тӥледлы отысь, кызьы Джейсон ужзэ быдэсъяз но кызьы ассэ уж дораз возиз?
Мар юрттӥз солы валаны, кӧня дыр висъяно ужлы, нош кӧня дыр — мукет ужъёслы?
Лыдӟе Колоссыослы 3:23, 24 но та юанлы валэктон сётэ:
Малы чакланы кулэ, кызьы ми ужмес быдэсъяськомы?
Ужаны кулэ. Но чакласьконо, ужмы Иеговалы ужан-тыршонлэсь кулэгес медаз луы шуыса
5. Шумпотӥмы ке солы, мармы вань, со милемыз утёз
Адямиос тросгес но тросгес коньдон поттыны тыршо. Нош Библия ӧте милемыз мае ке умойзэгес лэсьтыны. Лыдӟе 1 Тимофейлы 6:6—8 но та юанлы валэктон сётэ:
Мар карыны ӧте Библия?
Милям самой ӧжытэз гинэ вань ке но, ми шудо луыны быгатӥськомы. Учке ВИДЕОРОЛИКЕЗ но юанлы валэктон сётэ.
Малы та семьяос шудоесь, соос туж куанер уло ке но?
Но шуом, тӥляд ваньмыз вань. Нош тӥляд эшшо но тросгес ваньбур люкамды потэ на. Соку мар кароно? Иисус вераз одӥг учырез, кудӥз возьматӥз, маин кышкыт сыӵе мылкыд. Лыдӟе Лукалэсь 12:15—21 но та юанлы валэктон сётэ:
Малы дышетэ тӥледыз та учыр? (Учке 15-тӥ кылбурез.)
Лыдӟе но ӵошатэ Мадёнъёсты 10:22 но 1 Тимофейлы 6:10. Собере та юанъёслы валэктонъёс сётэ:
Мар умойгес: Иеговаен эшъяськон яке трос коньдон? Валэктэ.
Кыӵе шуг-секытъёсын пумисько соос, кинъёс трос коньдон люканы тыршо?
6. Иегова ваньзэ кулэзэ сётоз
Куке милям коньдонэн яке ужен герӟаськем шуг-секытъёсмы кылдо, соку эскериське, макем юн милям осконмы. Учке ВИДЕОРОЛИКЕЗ но тодэ, мар кароно, куке та выллем шуг-секытъёс кылдо. Собере юанъёслы валэктонъёс сётэ.
Кыӵе шуг-секытъёсын пумиськиз та вын-агай?
Мар со кариз, таӵе секыт югдуре сюрыса?
Лыдӟе Матфейлэсь 6:25—34 но та юанлы валэктон сётэ:
Мар карыны кылзэ сётэ Иегова, ми солы ужан-тыршонэз нырысетӥ интые пуктӥмы ке?
КИН КЕ НО ВЕРАНЫ БЫГАТОЗ: «Кенешлэн котькуд пумиськоназ мон ветлыны уг быгатӥськы, малы ке шуоно, семьяме сюдон понна, мыным трос ужано луэ».
Библиысь кыӵе кылбуръёс оскыто тӥледыз, Иеговалы ужан-тыршонэз нырысетӥ интые пуктон, со самой умоез шуыса?
ТОДЭ ВАЁН
Уж но коньдон милемлы кулэ. Но чакласьконо, соос Иеговалы ужаны-тыршыны медаз люкетэ шуыса.
Мае тон тодӥд?
Мар юрттоз тӥледлы уж шоры шонер учкыны?
Ми шумпотӥмы ке солы, мармы вань, кызьы со милемыз утёз?
Кызьы ми оскеммес возьматомы, Иегова ми сярысь сюлмаськоз шуыса?
ТРОСГЕС ТОДЭ
Дышетэ-а Библия, коньдон шугадӟонэ вуттэ шуыса?
«Зэмзэ ик-а коньдон шугадӟонэ вуттэ?» (jw.org сайтысь статья)
Кызьы коньдонэз кутоно, со Инмарез шум мед поттоз шуыса?
«Мар верамын Библиын шырыт сям сярысь?» (jw.org сайтысь статья)
Сокем-а кышкытэсь азартной шудонъёс?
«Мар вера Библия. Азартной шудонъёс» («Сайкалэ!», 2015-тӥ ар, южтолэзь)
Лыдӟе но тодэ, мар юрттӥз азартной шудонъёсын шудӥсь но пӧяськись адямилы воштӥськыны.
«Вал вылын ӵошатсконъёсты мон туж яратӥ» («Возьмаськон башня», 2011-тӥ ар, 1-тӥ шуркынмон)