Кызьы тодмано зэмос христианъёсты?

Трос миллиард адямиос асьсэды христианъёс шуо. Но со, малы соос оско но кыӵе курон-косонъёсъя уло, туж пӧртэм луэ. Соку кызьы тодмано зэмос христианъёсты?

1. Кин со сыӵе христиан мурт?

Христианъёс — со Иисус Христослэн дышетскисьёсыз, яке солэн пытьытӥз мынӥсьёс. (Лыдӟе Апостолъёслэсь ужъёссэс 11:26.) Кызьы тодмано Иисуслэсь дышетскисьёссэ? Иисус ачиз валэктӥз. Со шуиз: «Мынам кылыя улӥды ке, тӥ зэмзэ но Мынам дышетскисьёсы луоды» (Иоанн 8:31). Озьыен, зэмос христианъёс улыны кулэ озьы, кызьы дышетӥз Иисус. Иисус котьку дышетӥз солы, мар гожтэмын Инмарлэн Кылаз. Зэмос христианъёс но озьы ик лэсьто: соос дышето солы, мар гожтэмын Библиын. (Лыдӟе Лукалэсь 24:27.)

2. Кызьы зэмос христианъёс яратонзэс возьмато?

Тани кыӵе курон-косон сётӥз Иисус аслаз пытьытӥз мынӥсьёслы: «Яратэлэ огдэс огды, кызьы Мон тӥледыз яратӥ» (Иоанн 15:12). Кытысь адӟиськиз, Иисус аслэсьтыз дышетскисьёссэ яратэ шуыса? Со аслаз дышетскисьёсыныз дырзэ ортчытэ вал, юнматъя вал соосты, озьы ик юрттэ вал соослы. Со аслэсьтыз улонзэ но соос понна сётӥз (1 Иоанн 3:16). Озьы ик зэмос христианъёс но лэсьто. Яратон сярысь верам сяна, соос яратэмзэс уж вылын возьмато.

3. Кыӵе уж нуо зэмос христианъёс?

Иисус аслаз дышетскисьёсызлы туж кулэ уж сётӥз. Со косӥз соосты Эксэйлыкез тодытыны (Лука 9:2). Нырысетӥ христианъёс ӟеч иворез веразы отын, кытын асьсэос люкаськылӥзы, озьы ик мукет интыосын но, кылсярысь, вузкарон интыосын но коркась корка ветлыса. (Лыдӟе Апостолъёслэсь ужъёссэс 5:42; 17:17.) Туннэ но зэмос христианъёс ӟеч иворез верало котькытын, кытын адямиос вань. Соос ярато адямиосты, соин ик дырзэс но, кужымзэс но уг жаляло, соослы ӟеч иворез веран понна, кудӥз буйгатэ но оскон сётэ (Марк 12:31).

МУРГЕС ЭСКЕРЕ

4. Соос Библиысь зэмлыкез утчало

Ваньзы, кинъёс асьсэды христианъёс шуо, Библиын гожтэмъя уг уло. Учке ВИДЕОРОЛИКЕЗ но та юанлы валэктон сётэ:

ВИДЕОРОЛИК: «Кызьы христиан дышетонъёс мыдланьтэмын вал» (5:11)

• Кызьы куд-ог черкъёс люкетӥзы адямиослы тодыны, малы дышетӥз Иисус?

Иисус дышетӥз зэмлыклы, кудӥз Инмарлэн Кылаз гожтэмын. Лыдӟе Иоаннлэсь 18:37 но та юанлы валэктон сётэ:

• Иисуслэн верамезъя, кызьы тодмано зэмос христианъёсты — соосты, «кинъёс зэмлык бордын возисько»?

5. Соос Библиысь зэмлыклы дышето

Инме ӝутскемезлэсь азьло Иисус аслаз дышетскисьёсызлы уж сётӥз, кудзэ туннэ но быдэстоно. Лыдӟе Матфейлэсь 28:19, 20 но Апостолъёслэсь ужъёссэс 1:8 но та юанлы валэктон сётэ:

• Кытын но мар кема ӟеч иворез верано вал?

6. Соос уло соя, малы асьсэос дышето

Кызьы Том валаз, зэмос христианъёсты шедьтӥз шуыса? Учке ВИДЕОРОЛИКЕЗ но та юанъёслы валэктонъёс сётэ:

ВИДЕОРОЛИК: «Мон религилы оскемысь дугдӥ» (5:20)

• Малы Том религилы оскемысь дугдӥз?

• Кызьы со валаз, зэмлыкез шедьтӥз шуыса?

Кылъёс сярысь, ужъёс яркытгес возьмато. Лыдӟе Матфейлэсь 7:21 но та юанлы валэктон сётэ:

• Мар Иисус понна валтӥсез: ми мед вераломы, солы оскиськомы шуыса, яке ми мед уломы соя, малы оскиськомы?

7. Соос огзэс огзы ярато

Дась-а христианъёс огъя оскисьёссы понна улонзэс сётыны? Учке ВИДЕОРОЛИКЕЗ но та юанъёслы валэктонъёс сётэ:

ВИДЕОРОЛИК: «Со агаез понна кулыны но дась вал» (2:55)

• Малы Ллойд дась вал кулыны Йоханссон агаез понна?

• Кызьы тӥ малпаськоды, Ллойд ассэ зэмос христиан мурт кадь возиз-а?

• Кызьы Иисуслэн дышетскисьёсыз (зэмос христианъёс) мукет калыкысь яке мукет кылын вераськись адямиос шоры учкыны кулэ?

• Кызьы асьсэды возёзы зэмос христианъёс ожмаськонъёс дыръя?

ТОДЭ ВАЁН

Зэмос христианъёс уло соя, малы дышетэ Библия, яратонзэс возьмато но Библиысь зэмлыклы дышето.

Мае тон тодӥд?

• Малы дышето зэмос христианъёс?

• Кыӵе сям зэмос христианъёсты мукетъёсызлэсь висъя?

• Кыӵе уж нуо зэмос христианъёс?

ТРОСГЕС ТОДЭ

Тросгес тодэ адямиос сярысь, кудъёсыз тыршо Иисуслэсь адӟем карыны но улыны озьы, кызьы со дышетӥз.

«Кинъёс со Иеговалэн Адӟись-Ивортӥсьёсыз?» 1:13

Лыдӟе, кызьы кышномурт, кудӥз азьло монахиня вал, зэмос духовной семья шедьтӥз.

«Вань юанъёсылы соос Библиысь валэктонъёс шедьтылӥзы!» («Возьмаськон башня», 2014-тӥ ар, 1-тӥ оштолэзь)

Кызьы зэмос христианъёс шимучыръёс дыръя огъя оскисьёссылы юртто?

«Шимучыръёсын пумиськем агайёсмылы юрттӥськомы» (люкетэз) 3:57

Лыдӟе, маин асьме нуналъёсысь зэмос христианъёс нырысетӥ даурысь христианъёслы тупало.

«Кызьы зэмос христианъёсты тодмано?» («Возьмаськон башня», 2012-тӥ ар, 1-тӥ южтолэзь)