Кызьы ӟеч ивор быдэс музъем вылын вӧлмытӥське?

Ӝоген Иегова аслаз Эксэйлыкез пыр адямиосты вань курадӟонъёслэсь мозмытоз. Та ивор туж умой, соин ик сое ваньмыз тодыны кулэ! Иисус Христослэн потэ вал, солэн дышетскисьёсыз та иворез котькуд адямилы мед вералозы шуыса (Матфей 28:19, 20). Кызьы Иеговалэн Адӟись-Ивортӥсьёсыз Иисуслэсь сётэм ужзэ быдэсто?

1. Кызьы туннэ Матфейлэсь 24:14 кылъёс быдэсмо?

Иисус вераз, Эксэйлык сярысь ӟеч ивор быдэс дунне вылын тодытэмын луоз шуыса (Матфей 24:14). Иеговалэн Адӟись-Ивортӥсьёсыз та ужез шумпотыса быдэсто. Ми ӟеч иворез вераськомы быдэс дунне вылын 1 000-лэсь тросгес кылъёсын! Та ужез быдэстон понна, трос кужым но умой кивалтэт кулэ. Иеговалэн юрттэмезтэк та ужез быдэстыны ӧй луысал.

2. Кытын ми ӟеч иворез вераськомы?

Ми ӟеч иворез вераськомы котькытын, кытын адямиос вань. Нырысетӥ даурысь христианъёс сямен, ми «коркась корка ветлыса» тодытӥськомы (Апостолъёслэн ужъёссы 5:42). Солы луыса, ми котькуд аре ӟеч иворез вераны быгатӥськомы трос миллион адямиослы. Адямиосты котьку ик дорысьтызы шедьтыны уг луы бере, ми озьы ик трос калыко интыосын но тодытӥськомы. Ми котьку тыршиськомы адямиослы вераны Иегова сярысь но вуоно улон сярысь, кудзэ со адямиослы дасяз.

3. Кин ӟеч иворез вераны кулэ?

Вань зэмос христианъёс Библиысь ӟеч иворез вераны кулэ. Та ужез ми туж кулэен лыдъяськомы. Ми ӟеч иворез вераськомы но со понна кужыммес ум жаляське, малы ке шуоно озьы ми адямиослы утиськыны юрттӥськомы. (Лыдӟе 1 Тимофейлы 4:16.) Ӟеч иворез вераммы понна милемлы коньдон уг тыро. Библиын верамын: «Дунтэк басьтӥды, дунтэк сётэлэ» (Матфей 10:7, 8). Вань адямиос милемыз уз кылзэ. Нош ми ӟеч иворез верамысь ум дугдэ, малы ке шуоно озьы ми Иеговалэсь кылзӥськомы но сое шумпоттомы.

МУРГЕС ЭСКЕРЕ

4. Ми тыршиськомы Библиысь иворез котькуд адямилы вераны

ВИДЕОРОЛИК: «„Быдэс музъемлэн пумысеныз пумозяз ик“ тодытон» (7:33)

• Маин паймытэ тӥледыз со, кызьы Иеговалэн Адӟись-Ивортӥсьёсыз ӟеч иворез верало?

Лыдӟе Матфейлэсь 22:39 но Римъёслы 10:13—15 но та юанъёслы валэктонъёс сётэ:

• Кызьы милям ужмы возьматэ, ми матысьёсмес яратӥськомы шуыса?

• Кызьы Иегова учке соос шоры, кинъёс Библиысь ӟеч иворез верало? (Учке 15-тӥ кылбурез.)

5. Ми — Инмарен валче ужасьёс

Трос учыръёс возьмато, тодытон ужен Иегова кивалтэ шуыса. Кылсярысь, Выль Зеландиысь Пол нимо агай, коркась корка тодытыкуз, кышномуртэ пумитаз. Со кышномурт ӵукна Инмарлы вӧсяськиз, Иегова нимез вераса. Со куриз, со доры кин ке но мед лыктоз шуыса. «Куинь час ортчыса, мон солэн ӧс дораз сылӥсько вал ини»,— вера Пол.

Лыдӟе 1 Коринфъёслы 3:6, 9 но та юанлы валэктон сётэ:

• Кызьы та выллем учыръёс возьмато, тодытон ужен Иегова кивалтэ шуыса?

Лыдӟе Апостолъёслэсь ужъёссэс 1:8 но та юанлы валэктон сётэ:

• Малы Иеговатэк ми та ужез быдэстыны ӧй быгатысалмы?

Тодӥськоды-а тӥ?

Котькуд арняе ужан нуналъёсы пумиськонын ми дышетскиськомы ӟеч иворез вераны. Тӥ одӥгаз ке но сыӵе пумиськонын вал ке ини, мар тӥ верасалды со сярысь, кызьы отын дышето?

6. Ми лэсьтӥськомы сое, мае Инмар косӥз

Нырысетӥ даурын куд-ог адямиос тодытон ужез дугдытыны тыршизы. Но со вакытысь христианъёс ӟеч иворез вераны правозы понна нюръяськизы (Филиппыослы 1:7). Туннэ но Иеговалэн Адӟись-Ивортӥсьёсыз озьы ик лэсьтоa.

ВИДЕОРОЛИК: «Ӟеч иворез вераны правомес утиськомы» (2:28)

Лыдӟе Апостолъёслэсь ужъёссэс 5:27—42 но та юанлы валэктон сётэ:

• Малы ми ӟеч иворез верамысь ум дугдэ? (Учке 29-тӥ, 38-тӥ но 39-тӥ кылбуръёсты.)

ТОДЭ ВАЁН

Иисус аслэсьтыз дышетскисьёссэ ӟеч иворез вань калыкъёслы вераны косӥз. Та ужез быдэстыны милемлы Иегова юрттэ.

Мае тон тодӥд?

• Кызьы ӟеч ивор быдэс музъемлэн пумысеныз пумозяз ик вуэ?

• Кызьы милям ужмы возьматэ, ми матысьёсмес яратӥськомы шуыса?

• Кызьы тӥ малпаськоды, ӟеч иворез веран шумпотон вае-а? Малы тӥ озьы малпаськоды?

ТРОСГЕС ТОДЭ

Тодэ, кызьы Иеговалэн Адӟись-Ивортӥсьёсыз бадӟым каръёсын тодыто.

«Парижын трос калыко интыосын тодытон понна нимысьтыз программа» 5:11

Кызьы Иеговалэн Адӟись-Ивортӥсьёсыз беженецъёслы юртто?

«Беженецъёслы ӟеч иворез вераськомы» 5:59

Кылзэ, мар вера одӥг кышномурт, малы улонзэ тодытон ужлы сӥземез солы сомында шумпотон вае.

«Мон шумпотӥсько, улонам шонер сюрес бырйи шуыса» 6:29

Иеговалэн Адӟись-Ивортӥсьёсызлэн судъёсын куд-ог вормонъёссы сярысь тодэ. Со вормонъёслы луыса, ӟеч иворез вераны капчигес луиз.

«Эксэйлыкез тодытӥсьёс судъёсы вазисько» («Инмарлэн Эксэйлыкез кивалтэ!», 13-тӥ люкет)