22-ТӤ УРОК
Кызьы мукетъёсызлы Библия сярысь вераны луоз?
Библиез дышетыкуды, тӥ малпаськоды, оло: «Тае котькудӥз тодыны кулэ!» Зэм но, сое ваньмыз тодыны кулэ. Со дыре ик тӥ кышкаськоды, дыр, Библия сярысь мукетъёсыныз вераськыны. Ойдолэ тодомы, мар юрттоз Библия сярысь кышкатэк вераны но шумпотон басьтыны.
1. Кызьы тодмоостылы вераны луоз, мае тӥ Библиысь тодӥды?
Тани мар веразы Иисуслэн дышетскисьёсыз: «Ми ум быгатӥське адӟеммес но, кылэммес но вератэк улыны» (Апостолъёслэн ужъёссы 4:20). Соос туж шумпотӥзы, куке кылӥзы сое, мар вераз соослы Иисус. Соин ик соослэн со сярысь мукетъёсызлы но верамзы потӥз. Тӥляд но сыӵе шӧдонъёсты кылдо-а? Кылдо ке, тырше ӵыжы-выжыостылы но эшъёстылы лякытэн вераны сое, мае тӥ тодӥды. (Лыдӟе Колоссыослы 4:6.)
Мар бордысен кутсконо
Ӵыжы-выжыосыныды Библия сярысь тазьы вераськыны кутске: «Та арня куспын мон туж тунсыко ивор тодӥ».
Тӥляд эшты висьыны усиз яке мар ке сярысь сюлмаське ке, лэзе яке лыдӟе солы Библиысь тупась кылбурез.
Ӵош ужасьёсты юало ке, мар тӥляд вылез, вералэ соослы, мае тӥ Библиысь тодӥды.
Возьматэ эшъёстылы jw.org сайтэз.
Ӧте кинэ ке Библиез дышетонады яке возьматэ, кызьы jw.org сайтын куроно, тӥледын Библиез мед дышетозы шуыса.
2. Малы ужпум пуктоно кенешен ӵош тодытыны?
Иисуслэн дышетскисьёсыз ӟеч иворез асьсэлэн тодмооссылы гинэ ӧз вералэ. Иисус соосты «кыкен-кыкен... пӧртэм городъёсы но интыосы ыстӥз» (Лука 10:1). Иисуслэн озьы тодытон ужез радъямезлы луыса, ӟеч иворез трос адямиос кылыны быгатӥзы. Ӵош ужаса, дышетскисьёс бадӟым шумпотон басьтӥзы (Лука 10:17). Быгатысалды-а тӥ но ужпум пуктыны кенешен ӵош тодытыны?
МУРГЕС ЭСКЕРЕ
Тодэ, кызьы кышканэз вормоно но шумпотон басьтоно, Библия сярысь вераськыку.
3. Иегова тӥледлы юрттоз
Куд-ог адямиос, кудъёсызлэн ӟеч иворез верамзы потэ, сюлмаськыны быгато, кызьы соос шоры яке верамзы шоры мукетъёсыз учкозы.
Кышкаськоды-а тӥ вераны мукетъёсызлы со сярысь, мае тӥ тодӥды, Библиез дышетыса? Малы?
Учке ВИДЕОРОЛИКЕЗ но та юанлы валэктон сётэ:
Кызьы та егит Адӟись-Ивортӥсьёс кышканзэс вормизы?
Лыдӟе Исаиялэсь 41:10 но та юанлы валэктон сётэ:
Тӥ кышкаськоды ке ӟеч иворез вераны, кызьы тӥледлы юрттоз вӧсяськон?
Тодӥськоды-а тӥ?
Тросэз Иеговалэн Адӟись-Ивортӥсьёсыз нырысь кышкало вал ӟеч иворез вераны. Кылсярысь, нырысь Сергей ассэ номырлы ярасьтэмен лыдъя вал. Солы секыт вал мукет адямиосын вераськыны. Собере со Библиез дышетыны кутскиз. Тани мар со вера: «Мыным туж кышкыт вал ке но, мон мукетъёсызлы вераны кутски, мае Библиысь тодӥ. Мон туж пайми, куке, ӟеч иворез вераса, мынам аслым осконэ будӥз. Озьы ик мынам Иеговалы осконэ юнмаз».
4. Мукетъёссэ гажалэ
Кинэн ке Библия сярысь вераськыкуды, мае верано шуыса гинэ эн малпалэ, озьы ик малпалэ, кызьы верано. Лыдӟе 2 Тимофейлы 2:24 но 1 Пётрлэсь 3:15 но та юанъёслы валэктонъёс сётэ:
Кызьы та кылбуръёсысь малпанъёс тӥледлы юрттыны быгато, мукетъёсыныз Библия сярысь вераськыкуды?
Куд-ог ӵыжы-выжыосты но эшъёсты тӥледын соглаш уз луэ, дыр. Мар кароно сыӵе учыре? Нош мар кароно ӧвӧл?
Малы, адямиез малы ке оскыны кужмысь косэм интые, умойгес луоз солы лякытэн юанъёс сётъяны?
5. Библия сярысь вераськонъёс шумпотон ваё
Иегова Иисусэз ӟеч иворез вераны косӥз. Кызьы Иисус учкиз со шоры? Лыдӟе Иоаннлэсь 4:34 но та юанъёслы валэктонъёс сётэ:
Пайдаё но ческыт сиён тазалыкмес юнматэ но шумпотон вае. Малы Иисус Инмарлэсь эриксэ быдэстонэз, озьы ик ӟеч ивор веранэз, сиёнэн ӵошатӥз?
Кызьы малпаськоды, кыӵе пайда вае ӟеч иворез веран?
Визь-кенешъёс
Ужан нуналъёсы пумиськонъёсын шедьтэ асьтэлы пайдаё малпанъёс, кызьы тӥ кутскыны быгатысалды мукетъёсыныз Библия сярысь вераськыны.
Тодэ, мар кароно, ужан нуналъёсы пумиськонъёсын тӥледлы дышетскон уж мед сётъялозы шуыса. Со дышетскон ужъёсты быдэсъян юрттоз тӥледлы дасяськыны ӟеч иворез вераны.
Учке «Кин ке но вераны быгатоз» но «Кин ке но юаны быгатоз» рубрикаосты. Соос юрттозы тӥледлы дасяськыны мар вераны, куке тӥледлы юан сёто яке мар ке пумит верало.
КИН КЕ НО ЮАНЫ БЫГАТОЗ: «Кыӵе улӥськод?»
Кызьы таӵе юан бордысен тӥ быгатысалды кутскыны вераны адямилы со сярысь, мае тӥ тодӥды, Библиез дышетыкуды?
ТОДЭ ВАЁН
Библия сярысь вераськонъёс шумпотон ваё. Нош со сярысь вераськыны кутскыны секыт ӧвӧл.
Мае тон тодӥд?
Малы мукетъёсызлы ӟеч иворез верано?
Кызьы, ӟеч иворез веракумы, гажаммес возьматыны луоз?
Кызьы кышканмес вормоно?
ТРОСГЕС ТОДЭ
Тодэ ньыль амалъёсты, кызьы ӟеч иворез вераны луоз, jw.org визитной карточкаез уже кутыса.
Тодэ, кыӵе ньыль сямъёс юрттозы тӥледлы Библиысь иворез вераны.
«Дась-а тӥ „адями кутылӥсь“ луыны?» («Возьмаськон башня», 2020-тӥ ар, куарусён)
Учке, кызьы Библия пичи пиналъёслы но юрттыны быгатэ Инмар сярысь кышкатэк вераны.
Кызьы Библия сярысь вераськоно ӵыжы-выжыосын, кудъёсыз Иегова сярысь номыр но уг тодо на?