Мар луэ адямиен кулэм бераз?

Матысь адямимы кулэ ке, милям таӵе юанъёсмы кылдыны быгато: «Мар луэ адямиен кулэм бераз? Адӟиськомы на-а ми соин?» Та но мукет урокъёсысь ми тодомы, мар вера Библия та юанъёслы но кызьы со милемыз буйгатэ.

1. Мар луэ адямиен кулэм бераз?

Иисус кулонэз изёнэн ӵошатӥз. Изьыкуз адями номыре уг но шӧды, уг но кылы. Малы кулонэз изёнэн ӵошатыны луоз? Кулэмез бере адями номыре но уг шӧды, солы вӧсь но уг луы. Кулэм адямиос эшъёссылэсь но ӵыжы-выжыоссылэсь уг мӧзмо, улыкузы соос соосты туж яратӥзы ке но. Библиын верамын: «Кулэмъёс номыр но уг тодо». (Лыдӟе Екклесиастэз 9:5.)

2. Кыӵе пайда вае милемлы кулон сярысь зэмлыкез тодон?

Тросэз адямиос кулонлэсь кышкало. Озьы ик соос кышкало кулэм адямиослэсь но. Нош со, мар вера Библия кулон сярысь, тӥледыз буйгатыны быгатоз. Иисус вераз: «Зэмлык тӥледыз эрико кароз» (Иоанн 8:32). Куд-ог религиосын верало, адямилэн кулэм бераз лулыз кытын ке но улэ на шуыса. Но Библия солы уг дышеты. Соин ик кулэ ӧвӧл сюлмаськыны кулэм адямиос сярысь — соос уг курадӟо. Со сяна, кулэмъёс номыре но уг тодо бере, соос милемлы изъян вайыны уг быгато. Тӥни малы кулэ ӧвӧл кулэмъёслы йыбыртъяны но тыршыны соосты буйгатыны. Озьы ик кулэм адямиос сярысь вӧсяськыны но кулэ ӧвӧл.

Куд-ог адямиос оско, кулэмъёсын верасько шуыса. Но кулэмъёсын вераськыны нокызьы но уг луы. Кызьы ми али гинэ верамы вал, кулэмъёс номыре но уг тодо. Соос, кинъёс малпало кулэмъёсын верасько шуыса, зэмзэ ик верасько периосын, кудъёсыз кулэм адямиос кариськыса верасько. Кызьы адӟиське, кулон сярысь зэмлык милемыз периослэсь уте. Иеговалэн милемыз утемез потэ, соин ик со вера, ми кулэмъёсын медам вераське шуыса. Со тодэ, периосын кусып возён со туж кышкыт шуыса. (Лыдӟе Кыкетӥ Законэз 18:10—12.)

3. Тодэ, мар вера Библия со сярысь, мар луэ адямиен кулэм бераз

Пӧртэм калыкъёс пӧртэм сямен малпало со сярысь, мар луэ адямиен кулэм бераз. Но вань малпанъёссы соослэн шонересь ӧвӧл.

• Малы оско адямиос тӥ палан?

ВИДЕОРОЛИК: «Мар луэ адямиен кулэм бераз?» (люкетэз) (1:19)

Лыдӟе Екклесиастэз 3:20 но та юанъёслы валэктонъёс сётэ:

• Та кылбур верамъя, мар луэ адямиен кулэм бераз?

• Вера-а та кылбур, адями кулэм бере солэн лулыз кытын ке улэ на шуыса?

Библиын верамын Лазарьлэн, Иисуслэн матысь эшезлэн, кулэмез сярысь. Лыдӟе Иоаннлэсь 11:11—14. Лыдӟыкуды висъялэ саклыктэс, мар вераз Иисус Лазарьлэн кулэмез сярысь. Собере та юанъёслы валэктонъёс сётэ:

• Маин ӵошатӥз Иисус кулонэз?

• Мар со ӵошатон вера милемлы со сярысь, мар луэ адямиен кулэм бераз?

• Мар тӥ малпаськоды со пумысен, мар вера Библия кулон сярысь?

4. Кулон сярысь зэмлыкез тодон милемлы пайда вае

Ми тодӥмы ке, мар зэмзэ ик луэ адямиен кулэм бераз, ми кулэмъёслэсь ум кышкалэ ни. Лыдӟе Екклесиастэз 9:10 но та юанлы валэктон сётэ:

• Быгато-а кулэмъёс милемлы мар ке уродзэ лэсьтыны?

Библиысь зэмлыкез тодӥмы ке, ми ум оске ни, кулэмъёслы йыбыртъяно но соосты буйгатыны тыршоно шуыса. Лыдӟе Исаиялэсь 8:19 но Усьтӥськонэз 4:11 но та юанлы валэктон сётэ:

• Тӥ малпамъя, кызьы Иегова учке соос шоры, кинъёс кулэмъёслы йыбыртъяло яке соослэсь юрттэтсэс куро?

5. Кулон сярысь зэмлыкез тодон милемыз буйгатэ

Троссэ адямиосты дышетӥзы, кулэмзы бере соос сьӧлыкъёссы понна курадӟытэмын луозы шуыса. Нош Библия вера, кулэмъёс уг курадӟо шуыса, улыкузы соос туж урод ужъёс лэсьтӥзы ке но. Макем со милемыз буйгатэ! Библиын гожтэмын: «Уго кулэм мурт сьӧлыкезлэсь мозмытэмын» (Римъёслы 6:7, ВД). Валэктэ:

• Библиын верамын бере, кулон адямиез сьӧлыклэсь мозмытэ шуыса, соку кыл кутэ на-а адями аслаз сьӧлыкъёсыз понна кулэм бераз?

Иегова сярысь тросгес тодыса, тӥ валалоды, Иегова адямиосты кулэм беразы ноку но ӧй курадӟытысал шуыса. Лыдӟе Кыкетӥ Законэз 32:4 но 1 Иоаннлэсь 4:8 но та юанъёслы валэктонъёс сётэ:

• Инмарлэн сокем умой сямъёсыз ке, лэзёз-а со, адямиос кулэмзы бере мед курадӟозы шуыса?

• Тӥ малпамъя, кулон сярысь зэмлыкез тодон буйгатэ-а? Малы?

ТОДЭ ВАЁН

Куке адями кулэ, солэн улонэз быре. Кулэмъёс уг курадӟо но улэпъёслы номыр уродзэ карыны уг быгато.

Мае тон тодӥд?

• Мар луэ адямиен кулэм бераз?

• Кыӵе пайда вае кулон сярысь зэмлыкез тодон?

• Кызьы буйгатэ милемыз кулон сярысь зэмлыкез тодон?

ТРОСГЕС ТОДЭ

Кыӵе пуштросэн кутӥське Библиын «лул» кыл?

«Мар со сыӵе лул?» (jw.org сайтысь статья)

Тодэ, Инмар сьӧлыкасьёсты адын курадӟытэ-а, уг-а.

«Инмар адямиосты адын курадӟытэ-а?» 3:07

Кулэ-а милемлы кулэмъёслэсь кышканы?

«Кулэмъёслэн духъёссы. Быгато-а соос тыныд юрттыны яке мар ке уродзэ лэсьтыны? Соос зэмзэ ик вань-а?» (брошюра)

Тодэ, кызьы кулон сярысь зэмлык одӥг пиосмуртэ буйгатӥз.

«Монэ оскытӥзы Библиысь валамон валэктонъёс» («Возьмаськон башня», 2015-тӥ ар, 1-тӥ тулыспал)