Мар со сыӵе Инмарлэн Эксэйлыкез?

Библилэн валтӥсь темаез герӟаськемын Инмарлэн Эксэйлыкеныз. Со Эксэйлык пыр Иегова музъемез райлы пӧрмытоз. Мар со сыӵе Эксэйлык? Кытысь ми тодӥськомы, со кивалтэ ини шуыса? Мар кариз ини со Эксэйлык? Мар со кароз вуонояз? Та юанъёслы валэктонъёсты тӥ тододы та но вуоно кык урокъёсысь.

1. Мар со сыӵе Инмарлэн Эксэйлыкез но кин отын Эксэй?

Эксэйлык — со кивалтэт, кудзэ Иегова Инмар кылдытӥз. Со Эксэйлыкын Эксэй — Иисус Христос. Со инмысен кивалтэ (Матфей 4:17; Иоанн 18:36). Библиын Иисус сярысь верамын: «Пумтэм дауръёс ӵоже... Со эксэй луыса пукоз» (Лука 1:32, 33). Иисус быдэс музъем вылысь адямиосын кивалтоз.

2. Кин Иисусэн ӵош кивалтэ?

Иисус огназ уг кивалты. Соин ӵош быръем адямиос кивалтозы (Усьтӥськон 20:6). Но Иисус музъем вылэ лыктэм дырысен трос миллион адямиос христианъёс луизы. Ваньмыз-а соос Иисусэн ӵош кивалтозы? Уз. Соос пӧлысь 144 000-эз гинэ инме мыноз, Иисусэн ӵош кивалтон понна. (Лыдӟе Усьтӥськонэз 14:1—4.) Ваньмыз мукет христианъёс музъем вылын Инмарлэн Эксэйлыкезлэн кивалтэмез улсын улозы (Псалтирь 36:29).

3. Маин Инмарлэн Эксэйлыкез адямиослэн кивалтэтъёссылэсь умойгес?

Адями кивалтӥсьёс мае ке умойзэ лэсьтыны тыршо ке но, соос уг быгато, малы ке шуоно соослэн кужымзы уг тырмы яке соосты вошто мукет кивалтӥсьёс, кудъёсыз асьсэ сярысь гинэ малпасько. Нош Инмарлэн Эксэйлыкысьтыз кивалтӥсез, Иисусэз, нокин но уз вошты. Инмар «ноку но, пумтэм вапумъёсы куашкасьтэм эксэйлык» кылдытӥз (Даниил 2:44). Иисус быдэс музъемен кивалтоз. Со вань адямиосты одӥг кадь яратоз, соослэн вылтуссы шоры уз учкы. Иисус яратӥсь, ӟеч сямо но шонерлыко. Со адямиосты но дышетоз ог-огзэс яратыны, ӟеч сямо но шонерлыко луыны. (Лыдӟе Исаиялэсь 11:9.)

4. Быдэс музъемен кужмо кивалтэт кивалтоз

Адями кивалтӥсьёсын ӵошатыса, Иисус Христослэн кужымез тросгес. Лыдӟе Матфейлэсь 28:18 но та юанлы валэктон сётэ:

• Маин Иисус Христос мукет кивалтӥсьёслэсь умойгес луэ?

Адями кивалтӥсьёс ӵем вошъясько. Со сяна, соос кытын ке одӥг интыын гинэ кивалто. Нош мар вераны луоз Инмарлэн Эксэйлыкез сярысь? Лыдӟе Данииллэсь 7:14 но та юанъёслы валэктонъёс сётэ:

• Маин умой, Инмарлэн Эксэйлыкез «уз куашка» шуыса?

• Маин умой, со быдэс музъемен кивалтоз шуыса?

5. Адями кивалтэтъёсты воштыны кулэ

Малы адями кивалтэтъёс Инмарлэн Эксэйлыкеныз воштэмын луозы? Учке ВИДЕОРОЛИКЕЗ. Собере юанлы валэктон сётэ.

ВИДЕОРОЛИК: «Мар со сыӵе Инмарлэн Эксэйлыкез?» (люкетэз) (1:41)

• Кытчы вуттӥз адямиослэн кивалтэмзы?

Лыдӟе Екклесиастэз 8:9 но та юанъёслы валэктонъёс сётэ:

• Кызьы тӥ малпаськоды, кулэ-а адями кивалтэтъёсты Инмарлэн Эксэйлыкеныз воштыны? Малы тӥ озьы малпаськоды?

6. Инмарлэн Эксэйлыказ кивалтозы соос, кинъёс милемыз валало

Асьмелэн Эксэймы, Иисус, ачиз адями вал, соин ик со «лябӟыса улон дыръямы асьмеды жалясь луэ» (Еврейёслы 4:15). Нош Иисусэн ӵош кивалтозы 144 000 Инмарлы оскымон кышномуртъёс но пиосмуртъёс. Соосты Иегова «котькыӵе выжыос, котькыӵе кылъёсын вераськисьёс, калыкъёс» пӧлысь бырйиз (Усьтӥськон 5:9).

• Иисус но соос, кинъёс соин ӵош Инмарлэн Эксэйлыказ кивалтозы, валало адямиослэсь шӧдонъёссэс но тодо, кыӵе шуг-секытъёсын соос пумисько. Юнматэ-а со тӥлесьтыд Инмарлэн Эксэйлыкезлы оскондэс? Валэктэ.

7. Инмарлэн Эксэйлыкезлэн катъёсыз адямиослэн катъёссылэсь трослы умойгес

Кивалтэтъёс катъёсты потто, шаерысьтызы адямиосты утён понна. Инмарлэн Эксэйлыкезлэн но аслаз катъёсыз вань, кудъёсызлэсь кылзӥськыны кулэ солэн кивалтэмез улсын улӥсьёслы. Лыдӟе 1 Коринфъёслы 6:9—11 но та юанъёслы валэктонъёс сётэ:

• Кыӵе улон луысал, вань адямиос Инмарлэн катъёсызъя улысалзы ке?a

• Кызьы тӥ малпаськоды, вань-а Иеговалэн правоез возьманы, Эксэйлыклэн кивалтэмез улсын улӥсьёс солэсь катъёссэ гажалозы шуыса? Валэктэ

• Кытысь адӟиське, адямиос, кудъёсыз та катъёсъя уг уло, воштӥськыны быгато шуыса? (Учке 11-тӥ кылбурез.)

ТОДЭ ВАЁН

Инмарлэн Эксэйлыкез — со кивалтэт, кудӥз зэмзэ ик вань. Со инмын. Со быдэс музъемен кивалтоз.

Мае тон тодӥд?

• Кин Инмарлэн Эксэйлыказ кивалтоз?

• Малы Инмарлэн Эксэйлыкез адями кивалтэтъёслэсь умойгес?

• Мае возьма Иегова аслаз Эксэйлыкезлэн кивалтэмез улсын улӥсьёслэсь?

ТРОСГЕС ТОДЭ

Лыдӟе но тодэ, мар вераз Иисус со сярысь, кытын интыяськемын Эксэйлык.

«Инмарлэн Эксэйлыкез адямилэн сюлмаз-а?» (jw.org сайтысь статья)

Малы Иеговалэн Адӟись-Ивортӥсьёсыз, адями кивалтэтъёслы интые, Инмарлэн Эксэйлыкезлы оскымон луонэз бырйизы?

«Инмарлэн Эксэйлыкезлы оскымонэсь» 1:43

Мар вера Библия адямиос сярысь, кудъёссэ Иегова Иисусэн ӵош кивалтыны бырйиз?

«Кин инме мынэ?» (jw.org сайтысь статья)

Мар оскытӥз одӥг кышномуртэ, Инмар гинэ шонерлыко улон вайыны быгатоз шуыса?

«Мон тодӥ, шонерлыко улон вуоз шуыса» («Сайкалэ!», 2011-тӥ ар, шуркынмон)