Огшоры но валамон дышеты

Мар кариз Иисус

ВИДЕОРОЛИК: «Иисус валэктэ, кызьы Иегова адямиос сярысь сюлмаське»

1. Учкы ВИДЕОРОЛИКЕЗ яке лыдӟы Матфейлэсь 6:25—27. Собере малпаськы та юанъёс вылын:

1. а) Кыӵе пример вылын Иисус валэктӥз, кызьы Иегова адямиос сярысь сюлмаське?

2. б) Малы Иисус ӧз вера ваньзэ, мае тодэ вал тылобурдоос сярысь? Малы озьы дышетэмез пайдаё вал?

Малы ми дышетскиськомы Иисуслэсь?

2. Ми огшоры но валамон дышетӥмы ке, вераммы адямилэн сюлмаз пыроз но кемалы йыраз кылёз.

Иисуслэсь адӟем кар

3. Укыр трос эн вера. Эн вера ваньзэ, мае тодӥськод. Валэкты сое гинэ, мар гожтэмын дышетон понна пособиын. Адямилы юан сётэмед бере возьма солэсь верамзэ. Со валэктыны уг быгаты яке шонертэм вера ке, юанъёс сётъяса, юртты солы шонер малпанэ вуыны. Адями валтӥсь малпанзэ валаз ке, азьлань мынэ.

4. Юртты адямилы валаны, кызьы эскериськись тема герӟаськемын соин, мае со тодэ ини. Кылсярысь, улӟытон сярысь урокез эскерон азьын юа адямилэсь, мае со тодэ ини кулэмъёс сярысь.

5. Примеръёсты умой малпаса вера. Нырысь малпаськы:

1. а) Капчи-а та пример?

2. б) Быгатоз-а адями сое валаны?

3. в) Мар адямилэн йыраз кылёз — пример гинэ яке со но, малы со дышетэ?