Быгатыса дышетон понна, дасяськыны кулэ

Иисуслы быронтэм улон сярысь, самой ӧжытсэ, кык пол одӥг кадь юан сётӥзы. Нош котькуд учыре со пӧртэм валэктонъёс сётӥз, лыдэ басьтыса сое, кыӵе юрттэт кулэ вал юан сётӥсьлы (Лука 10:25—28; 18:18—20). Соин ик, Библиез дышетонын ортчоно материалэз умой тодӥськомы ке но, милемлы азьло ик дасяськоно, дышетскись сярысь малпаськыса. Мае солы валаны яке сюлмаз пыртыны секыт луоз, вылды? Кудъёссэ Библиысь сётэм кылбуръёс пӧлысь лыдӟыны умой луысал? Кӧня материалэз ортчыны умойгес луоз? Умой малпам пример, валэктон яке кӧня ке юанъёс юрттозы дышетскисьлы ортчем материалэз валаны. Озьы ик тодамы возёно, адямилэн сюлмаз зэмлыклэсь кидысъёссэ Иегова будэтэ шуыса. Соин ик милемлы Иеговалэсь куроно, со милесьтым дышетонлы дасяськеммес, ассэ дышетскисез, озьы ик дышетскисьлы Инмарен матэ кариськыны юрттыны тыршеммес бакель мед кароз шуыса (1 Кор. 3:6; Иак. 1:5).