Библиез дышетон планъёсты быгатыса уже кутэ

Библиысь дышетонъёсын тодматскыса но тодэмзэ уже кутыса, дышетскись будэ но духовной емыш вае (Пс. 1:1—3). Дышетскись ӝоггес будоз, Библиез дышетон планъёсты быгатыса уже кутӥмы ке. Нош мар юрттоз милемлы?

Планъёсысь юанъёс. Котькуд планын юанъёс вань, кудъёсызлы валэктонъёс сётэмын. Со юанъёсты сётыны луоз, эскероно тема тунсыко мед потоз шуыса. Яке дышетскисез курыны луоз юанъёслы вакчияк валэктонъёс сётыны. Со шонертэм вера ке, соку ик сое тупатыны кулэ ӧвӧл. Солэн верамез юрттоз тыныд валаны, малы саклык висъяно (Мад. 16:23; 18:14).

«Гожтэмъёсъя вераськон» книга. Дышетскись материалэз мургес мед валалоз шуыса, дышетон дыръя эскерыны луоз «Гожтэмъёсъя вераськон» книгаысь (ӟуч) та темалы тупась малпанъёсты. Нош мукетаз дышетон дыръя висъяны луоз кӧня ке минут, адӟон понна, валаз-а дышетскись ваньзэ яке ӧз-а.

Тодэ ваён понна юанъёс. Котькуд дышетон бере эскериськись материалъя тодэ ваён понна одӥг яке кык дасям юанъёсты сёт. Дышетскисен юанэз эскерыса, тон адӟод, валаз-а со валтӥсь малпанъёсты но быгатоз-а валэктыны мукетъёсызлы. Дышетскисез верамзэ валэктыны кур, кылбуръёс вылэ пыкиськыса (Ап. уж. 17:2, 3).