Эксэйлык кырӟанъёс кышкасьтэм луыны юртто

Пытсэтын пукыкузы, Павел но Сӥла Иеговаез кырӟаса данъязы (Ап 16:25). Нацистъёслэн Заксэнхаузэн концлагерязы сюрем вын-агайёс но сузэр-апайёс, озьы ик Сибире келям Адӟись-Ивортӥсьёс но, Эксэйлык кырӟанъёсты кырӟазы. Та учыръёс возьмато, кырӟанъёс курадӟонъёсын пумиськем христианъёслы кышкасьтэм луыны юртто шуыса.

«Иеговалы шумпотыса кырӟалэ» кырӟанъёсын книга алигес англи кылын поттэмын вал. Ӝоген со мукет кылъёсы но берыктэмын луоз. Куке тӥ та кырӟанъёсты басьтоды, семьяен йыбырттонды дыръя кырӟанъёслэсь кылъёссэ дышетыны тырше (Еф 5:19). Соку, тӥ курадӟонъёсын пумиськиды ке, святой дух соосты тодады вайытоз. Эксэйлык кырӟанъёс оскиськонмес тодамы возьыны юртто но курадӟонъёс дыръя юнмато. Нош куке милям мылкыдмы капчи, ми быгатӥськомы шумпотонмес возьматӥсь кырӟанъёсты кырӟаны (1Пр 15:16; Пс 32:1—3). Макем дуно Эксэйлык кырӟанъёсмы!

«ПЕСНЯ, УКРЕПЛЯВШАЯ УЗНИКОВ» ВИДЕОРОЛИКЕЗ УЧКЫ НО ЮАНЪЁСЛЫ ВАЛЭКТОНЪЁС СЁТ:

• Кыӵе югдуръёсыз вал Фрост агайлэн, куке со кырӟанзэ гожтӥз?

• Кызьы та кырӟан Заксэнхаузэн концлагере сюрем вын-агайёсты юнматӥз?

• Кызьы Эксэйлык кырӟанъёс тонэ юнматыны быгато?

• Кудъёссэ Эксэйлык кырӟанъёс пӧлысь тынад дышетэмед потэ?