Ӟеч иворез шумпотыса тодыты

Капчи-а тыныд тодытон уже пыриськыны? Тросэзлы со туж ик капчи ӧвӧл. Малы? Куддыръя адямиос ивормес уг кылзо яке лекъясько. Нош кин ке но тодмотэм адямиосын вераськыны кышка. Соин сэрен мылкыдмы куашканы быгатэ. Но ми йыбыртъяськомы шудо Инмарлы, кудӥзлэн потэ, ми солы шумпотыса мед ужаломы-тыршомы шуыса (Пс 99:2; 1Тм 1:11, ВД). Кыӵе куинь мугъёсмы милям вань, тодытон уже шумпотыса пыриськон понна?

Нырысетӥез — ми оскиськон вайись ивор вераськомы. Туннэ тросэз адямиос оскиськонзэс ыштӥзы, но ми соослы шумпотон вайись ивор вераны быгатӥськомы (Ис 52:7). Инмарлэн Эксэйлыкез сярысь ӟеч ивор милемлы но шумпотон вае. Тодытон уже пыриськыны дасяськыкуд, малпаськы, макем паймымон улон луоз музъем вылын Инмар Эксэйлыклэн кивалтэмез улсын!

Кыкетӥез — Библиысь ивор адямиослэсь улонзэс умой пала воштыны быгатэ. Библиысь тодон-валанъёс урод сямъёслэсь мозмытскыны юртто но пырак улыны оскиськон сёто (Ис 48:17, 18; Рм 1:16). Пукты син азяд, тон шимучыр дыръя адямиосты утиськод шуыса. Куд-ог адямиослэн утиськемзы уз поты ке но, утча соосты, кинъёслэн утиськемзы потэ (Мф 10:11—14).

Куинетӥез, тужгес но валтӥсез,— тодытон уже пыриськеммы Иеговаез данъя. Со туж дунъя, ми солэн Адӟись-Ивортӥсьёсыз луиськомы шуыса (Ис 43:10; Евр 6:10). Ми солэсь ужзэ быдэстыны мед быгатомы шуыса, со жалятэк сётэ милемлы святой духсэ. Соин ик Иеговалэсь шумпотон кур, кудӥз святой духлэн емышезлэн люкетэз луэ (Гл 5:22). Иеговалэн юрттэменыз ми кышканъёсмес вормыны но ӟеч иворез кышкатэк вераны быгатомы (Ап 4:31). Соку, адямиос милемыз кылзозы-а, уз-а, тодытон уж милемлы шумпотон ваёз (Иез 3:3).

«ВНОВЬ ОБРЕТИ РАДОСТЬ С ПОМОЩЬЮ ИЗУЧЕНИЯ И РАЗМЫШЛЕНИЯ» ВИДЕОРОЛИКЕЗ УЧКЕМ БЕРЕ ТА ЮАНЪЁСЛЫ ВАЛЭКТОНЪЁС СЁТ:

• Малы милемлы ялан Библиез эскероно, ми котькуд толэзе тодытон ужлы трос дыр висъяськомы ке но?

• Кызьы тон Мариялэсь адӟем карыны быгатӥськод?

• Ку тон дыр висъяськод, Инмарлэн Кылыз вылын малпаськон понна?

• Мар тодытон ужын тонэ тужгес но шумпоттэ?