Ужан-тыршон быгатонлыкъёсмес умоятӥськомы. Ми палан улӥсь вань адямиослы ӟеч иворез вераны тыршиськомы

МАЛЫ СО КУЛЭ. Захариялэн азьпалзэ ивортоназ вераське, «вань кылъёсын вераськись калыкъёс пӧлысь» адямиос Эксэйлык сярысь иворез кылзозы шуыса (Зх 8:23). Нош кызьы соос та иворез кылозы? (Рм 10:13—15). Милемлы дано но кулэ луись уж сётэмын ми палан улӥсь вань адямиослы та иворез вераны (od-U 83—84 б., 10, 11 абз.).

КЫЗЬЫ СОЕ ЛЭСЬТОНО:

• Дасяськы. Пумисько-а тыныд мукет кылын вераськись адямиос? Тон быгатӥськод дышетыны куд-ог кылъёсты, со кылын ӟеч иворез веран понна. Яке адямилы возьматыны быгатӥськод, кызьы со, электрон тӥрлыкез уже кутыса, аслаз кылыныз тросгес тодыны быгатоз

• Чакласькись лу. Коркась корка тодытыкуд, эн вунэты адямиос сярысь, кудъёссэ тон сюрес кузя пумитаськод. Ӟеч иворез вера ульчаетӥ мынӥсь адямиослы но соослы, кинъёс дугдытэм машинаосын пуко. Трос калыко интыосын тодытӥськод ке, эн вунэты: тынад ужпумед — ӟеч иворез вераны

• Тодытонлы участокад сюлмысь тыршы. Выльысь лыкты отчы, кытын нокин но дораз ӧй вал. Тыршы вераськыны вань квартираосысь адямиосын (со выль югдуръёслы тупа ке). Со понна мукет дыре яке мукет нуналэ лыктыны кулэ луоз, вылды. Адямиос доразы ӧвӧл ке, луоз гожтэт гожтыны, телефон пыр жингыртыны яке ульчаын соосын вераськыны

• Адямиослэсь тунсыкъяськемзэс будэты. Ӝегатскытэк выльысь лыкты тунсыкъяськись адямиос доры. Адями мукет кылын вераське ке, со кылын вераськись ивортӥсез шедьтыны тыршы. Милемлы азьланяз но та адями доры ветлоно, со доры солэн кылыныз вераськись ивортӥсь лыктытозь (od-U 94 б., 39, 40 абз.)

«ПРОПОВЕДЬ НА „КРАЮ ЗЕМЛИ“» ВИДЕОРОЛИКЕЗ УЧКЫ НО ГОЖТЭМ ЮАНЪЁСЛЫ ВАЛЭКТОНЪЁС СЁТ.

• 

  Кызьы вын-агайёс но сузэр-апайёс дасяськизы кыдёкысь интыосын тодытыны? (1Кр 9:22, 23)

• 

  Кыӵе шуг-секытъёс пыр соос потӥзы?

• 

  Кызьы соос бакель каремын вал?

• Мар тон карыны быгатӥськод, тон палан улӥсь тросгес адямиослы тодытон понна?