Кызьы Инмарез но матысьмес яратонэз будэтоно?

Христианъёс Моисейлэн законэзъя уг уло ке но, отысь кык ваньмызлэсь бадӟым курон-косонъёс — Инмарез яратыны но матысь адямиез яратыны — валаны юртто, мар возьма милесьтым Иегова (Мф 22:37—39). Сыӵе яратон ас понназ уг кылды. Сое будэтоно. Кызьы? Нырысь ик, котькуд нунал Библиез лыдӟыны кулэ. Библиез лыдӟыса, ми Инмарлэн пӧртэм сямъёсыз сярысь тодӥськомы но «Кузё-Инмарлэсь чеберлыксэ адӟыса улыны» кутскиськомы (Пс 26:4). Милям сое яратонмы будэ, но ми со кадь ик малпаськыны кутскиськомы. Нош со мылкыдмес ӝутэ Инмарлэсь курон-косонъёссэ быдэсъяны, кылсярысь, мукетъёссэ яратыны соку но, куке со капчи ӧвӧл (Ин 13:34, 35; 1Ин 5:3). Тани куд-ог визь-кенешъёс, кудъёсызлы луыса Библиез лыдӟон тунсыкогес луоз:

• Син азяд пуктыны тыршы. Син азяд пукты, тон отын шуыса, кытын гожтэм учыр луиз. Мар тон адӟысалыд, кылысалыд но шӧдысалыд? Мар шӧдӥзы, вылды, со учыре сюрем адямиос?

  

• Пӧртэм амалъёсты эскерыса утча. Тани куд-огъёсыз. Шара лыдӟы яке, аудиогожтэмез кылзыкуд, книгаысь учкы. Шедьты но лыдӟы люкетъёсты, кудъёсаз кыӵе ке адями сярысь вераське яке тыныд тунсыко потӥсь тема эскериське. Кылсярысь, Иисус сярысь тросгес тодыны тыныд юрттоз «Иисуслэн музъем вылын улонэзлэн берпуметӥ арняез» буклет. Лыдӟы быдэс люкетэз, кытысь нуналлы кылбур басьтэмын. Библиысь книгаосты, гожтэм арзыя радъяса, лыдӟы.

  

• Малпаськыса лыдӟы. Трос люкетъёсты лыдӟем сярысь, умойгес луысал одӥг люкетэз валаса но малпаськыса лыдӟыны. Лыдэ басьты сое, мар гожтэмын кылбуръёс азьын но соос бере, озьы ик сое, кыӵе югдур вал со вакытэ. Чыры-пырыослы но саклыктэ висъя. Мутусъёсты но сноскаосты учкы. Эскеры одӥгзэ ке но юанэз, кудӥз тыныд валантэм потӥз. Кӧня дыр лыдӟонлы висъяд, сомында ик дыр малпаськонлы но висъяны тыршы.