Быгатыса уже кут валтӥсь дышетон тӥрлыкъёстэ

Дышетскисьёсты дасянэз корка пуктонэн ӵошатыны луэ. Умой корка пуктон понна, ужан тӥрлыкъёсты быгатыса уже кутоно. Нырысь ик, милемлы дышетсконо быгатыса уже кутыны Библиез (2Тм 2:15). Озьы ик, быгатӥсь ивортӥсьлэн валтӥсь дышетон тӥрлыкъёсыз пӧлы пыро планъёс, статьяос но видеороликъёс. Нош вань-а тынад валтӥсь дышетон тӥрлыкъёсыд но быгатыса-а тон соосты уже кутӥськод?

Кызьы дышетсконо эшшо но быгатыса валтӥсь дышетон тӥрлыкъёсты уже кутыны? 1) Юрттэт кур тодытон ужез нуись группаед понна кыл кутӥсь тӧролэсь. 2) Дышетскы быгатӥсь ивортӥсьёслэсь но пионеръёслэсь. 3) Ялан тодытон уже пыриськы. Дыр ортчемъя тон умойгес но умойгес адямиосты дышетыны быгатод, валтӥсь дышетон тӥрлыкъёсыд пӧлысь планъёсты, статьяосты но видеороликъёсты уже кутыса. Озьы ик, духовной пуктӥськонэ пыриськыку, тон эшшо но тросгес шумпотон басьтод.

• Мар пыре ини валтӥсь дышетон тӥрлыкъёсы пӧлы но мае мон отчы ватсаны быгатӥсько на?

• Кыӵе учыре мон валтӥсь дышетон тӥрлыкъёсы пӧлысь котькудзэ уже кутыны быгатӥсько?

• Малы мон быгатӥсь ивортӥсьёслэсь дышетскыны быгатӥсько?