Адӟиськод-а тон Инмарлэсь адӟыны луонтэм сямъёссэ?

Куке тон учкиськод яркыт сяська, кизилиё инбам яке чебер вуусён шоры, малпаськод-а тон со сярысь, кин соосты кылдытӥз? Кылдытэмъёс туж умой возьмато Инмарлэсь адӟыны луонтэм сямъёссэ (Рм 1:20). Куке ми дугдӥськомы но дуннелэн чеберез шоры учкиськомы, ми адӟыны быгатӥськомы Инмарлэсь кужымзэ, яратонзэ, визьлыксэ но шонерлыксэ, озьы ик шырыт сямзэ (Пс 103:24).

Иеговалэсь кыӵе кылдытэмъёссэ тон котькуд нунал адӟиськод? Карын гинэ но тылобурдоосты но писпуосты адӟыны луэ. Иеговалэсь кылдытэмъёссэ чаклан юрттоз милемлы шуг-секытъёсмы сярысь ӧжытгес сюлмаськыны но соос шоры мукет ласянь учкыны. Озьы ик, ми осконмес юнматыны быгатомы, Иегова ми сярысь пырак дауръёс ӵоже сюлмаськоз шуыса (Мф 6:25—32). Тынад нылпиед вань ке, юртты солы адӟыны Инмарлэсь паймымон сямъёссэ. Макем тросгес ми малпаськиськомы кылдытэмъёс сярысь, сокем матэгес ми луиськомы Кылдытӥсьлы (Пс 8:4, 5).

«ЧУДЕСА ТВОРЕНИЯ ПРОСЛАВЛЯЮТ БОГА. СВЕТ И ЦВЕТ» ВИДЕОРОЛИКЕЗ УЧКЫ НО ТА ЮАНЪЁСЛЫ ВАЛЭКТОНЪЁС СЁТ:

• Малы луыса ми пӧртэм буёлъёсты адӟиськомы?

• Малы куд-ог буёлъёс ворекъяло?

• Малы инбам пӧртэм буёло луыны быгатэ?

• Инкуазьлэсь кыӵе паймымон буёлъёссэ тон адӟид отын, кытын улӥськод?

• Малы дыр висъяно, котырысьтымы дуннелэсь чеберзэ чаклан понна?