Ми яратэммес возьматӥськомы, куке Иеговалэн курон-косонъёсызлэсь кылзӥськиськомы

Ӧпкелисьтэм сьӧлыкасез кенешысь поттон мукет христианъёсты уте, озьы ик аслыз сьӧлыкасьлы тупатскыны луонлык сётэ (1Кр 5:6, 11). Та юанын Иеговалэсь кылзӥськон возьматэ яратэммес. Нош кыӵе яратонэз со возьматэ, куке кылдэм югдур сомында куректон вае ваньмызлы, кинъёсын со герӟаськемын (озьы ик матысь ӵыжы-выжыослы но, тӧроослы но, кудъёсыз правовой комитетэ пыро)?

Нырысь ик, ми возьматӥськомы Иеговаез яратэммес но гажаммес сое, мар солэн син азяз чылкыт луэ. Озьы ик милям уг поты Инмарлэсь нимзэ саптаммы (1Пт 1:14—16). Со сяна, ми яратэммес возьматӥськомы кенешысь поттэм муртлы. Та чурыт курон вӧсь каре ке но, со сётэ «шонер улонлэсь каньыллык вайись емышсэ» (Евр 12:5, 6, 11). Ми кусып возиськомы ке кенешысь поттэм адямиен яке соин, кин осконлэсь куштӥськиз, ми Иеговалы люкетӥськомы та адямиез тупатыны. Тодады возе: Иегова аслэсьтыз ужась-тыршисьёссэ ноку но мултэс вӧсь уг кары (Иер 30:11). Ойдолэ Иеговалэн курон-косонъёсызлэсь кылзӥськомы но лэсьтомы ваньзэ, Иеговаен кусыпъёсмес юн возён понна. Со дыре ик ми оскиськомы, кенешысь поттэм адями гажась-жалясь Атаймы доры берытскоз шуыса (Ис 1:16—18; 55:7).

УЧКЫ «СОХРАНЯЕМ ПРЕДАННОСТЬ С НЕРАЗДЕЛЕННЫМ СЕРДЦЕМ» ВИДЕОРОЛИКЕЗ НО ТА ЮАНЪЁСЛЫ ВАЛЭКТОНЪЁС СЁТ:

• 

  Мае шӧдо христиан анай-атайёс, куке пиналзы Иеговаез кельтэ?

• 

  Кызьы кенеш юрттыны быгатэ христианъёслы, кудъёсызлэн ӵыжы-выжызы Иеговалэн Адӟись-Ивортӥсез луэмысь дугдӥз?

• 

  Библиысь кыӵе учыр возьматэ, Иеговалы оскымон луон ӵыжы-выжыосты яратонлэсь юнгес луыны кулэ шуыса?

• 

  Кытысь адӟиськоз, Иеговалы оскымон луон ми понна ӵыжы-выжыосты яратонлэсь кулэгес луэ шуыса?