Иегова визьнода милемыз, малы ке шуоно со яратэ

Ӵем дыръя, адямиез визьнодан понна, сое дышетыны кулэ но солы мае ке валэктыны кулэ. Нош куддыръя сое тупатоно но вӧсь кароно луэ на. Иегова визьнода милемыз, ми солы ярамон амалэн мед йыбыртъяломы шуыса (Рм 12:1; Евр 12:10, 11). Куддыръя визьнодан вӧсь карыны быгатэ. Но ми та визьноданъя лэсьтӥськомы ке, ми Иегова азьын чылкытэсь луиськомы но со милемыз бакель каре (Мд 10:7). Мае тодаз возьыны кулэ со, кин визьнода, но со, кинэ визьнодало.

Со, кин визьнода. Тӧроос, анай-атайёс но мукет христианъёс тыршо визьноданы но дышетыны озьы ик, кызьы сое каре Иегова, яратыса но лякытэн (Иер 46:28). Соку но, куке вӧсь кароно луэ, адямилэсь югдурзэ лыдэ басьтоно но соин лякытэн вераськоно (Тит 1:13).

Со, кинэ визьнодало. Визьнодан милемыз вӧсь каре ке но, милемлы сое кулэтэм кароно ӧвӧл (Мд 3:11, 12). Ми тырбыдэстэм адямиос, соин ик ваньмылы визь-кенешъёс кулэ. Сыӵе визь-кенешъёсты ми быгатӥськомы кенешлэн пумиськоназ кылыны яке Библиысь лыдӟыны. Нош ми секыт сьӧлыкамы ке, соку правовой комитетлэн юрттэтэз кулэ луоз. Ми визьноданэз санэ понӥськомы ке, пырак улыны быгатомы (Мд 10:17).

«КОГО ЛЮБИТ ИЕГОВА, ТОГО НАКАЗЫВАЕТ» ВИДЕОРОЛИКЕЗ УЧКЫ НО ТА ЮАНЪЁСЛЫ ВАЛЭКТОНЪЁС СЁТ:

• 

  Кыӵе улонэз вал Канонлэн пичи дыръяз но мар луиз собере?

• 

  Кызьы Иегова та агаез яратыса тупатӥз?

• 

  Малы дышетэ милемыз та агайлэн учырез?