Анай-атайёс, дышетэ нылпиостэс

Та дуннеысь адямиос тыршо, ми соос кадь мед малпаськомы шуыса: ӟечез уродэн мед лыдъяломы, уродэз — ӟечен (Ис 5:20). Жаляса верано луэ, адямиос лэсьто сыӵе ужъёс, кудъёсыз Иеговалы юрӟым пото. Кылсярысь, пиосмуртъёс пиосмуртъёсын, кышномуртъёс кышномуртъёсын сыӵе кусыпъёс возё, кудъёсыз луыны кулэ кышномуртъёс но пиосмуртъёс куспын гинэ. Оло нош, нылпиослэн адӟем каремзы потоз ӵош дышетскисьёссылэсь яке нимо-дано адямиослэсь. Анай-атайёс, сыӵе учыр кылдӥз ке, кызьы тӥ нылпиостылы юрттыны быгатӥськоды та дуннелэсь адӟем карытэк улыны?

Валэктэ нылпиостылы, кыӵе куронъёс пуктэ Иегова (Лв 18:3). Вералэ нылпидылы со сярысь, мар гожтэмын Библиын пиосмурт кышномуртэн ӵош кӧлан сярысь. Та сярысь вераськыкуды, лыдэ басьтэ, кӧня арес нылпидылы (КЗк 6:7). Юалэ асьтэлэсь: «Тодэ-а мынам нылпие, кызьы яра, нош кызьы уг яра шӧдонъёсты возьматыны? Вала-а со, малы ӝикыт дӥсяськыны кулэ? Тодэ-а нылпие, солэн правоез вань шуыса пылатӥськыкуз, дӥськутсэ воштыкуз, изьыкуз яке мукет ужъёсты лэсьтыкуз, сое нокин медаз адӟы шуыса? Тодэ-а со, кызьы ассэ возёно, куке кин ке но солы порнография возьматыны турттэ яке Иеговалы ярасьтэм ужез лэсьтыны косэ?» Тӥ нылпидэс дышетӥды ке, соку сое трос шуг-секытъёслэсь утёды (Мд 27:12; Ек 7:12). Анай-атайёс, эн вунэтэ: нылпиос — со «Кузё-Инмарлэн сётэм люкетэз». Соосты дышетыса, тӥ возьматӥськоды, Иеговалэсь кузьымзэ дунъяськоды шуыса (Пс 126:3).

УЧКЫ «СТРОЙТЕ ДОМ, КОТОРЫЙ УСТОИТ. ЗАЩИЩАЙТЕ ДЕТЕЙ ОТ ЗЛА» ВИДЕОРОЛИКЕЗ НО ТА ЮАНЪЁСЛЫ ВАЛЭКТОНЪЁС СЁТ:

• 

  Малы куд-ог анай-атайёс нылпиосынызы секс сярысь вераськыны возьдасько?

• 

  Малы анай-атайёслы нылпиоссэс, «Кузё-Инмарлэн дышетонэз, валэктон-визьманъёсыз вылэ пыкиськыса», будэтоно? (Еф 6:4).

• 

  Мае сётэ Иеговалэн организациез, анай-атайёслы нылпиосынызы секс сярысь вераськыны юрттон понна? (w19.05 12 б., рамка).

• Малы анай-атайёслы нылпиосынызы вераськыны возьдаськоно ӧвӧл?