Тодытонлы сӥзем пумиськонъёс пайдаё луыны кулэ

Иеговалэн потэ, тодытонлы сӥзем пумиськонъёс (кенешлэн мукет пумиськонъёс сямен ик) яратыса но ӟеч ужъёс лэсьтыса улыны мылкыдмес мед ӝутозы шуыса (Евр 10:24, 25). Тодытонлы сӥзем пумиськонэз 5—7 минут куспын ортчытоно. Нош со мукет пумиськон бере ортче ке, со эшшо но вакчигес луыны кулэ. Со дыр куспын ик пумиськонэз ортчытӥсьлы верано, кин кинэн но кытчы мыноз, но вӧсяськоно. Пумиськонын верано со сярысь, мар туннэ ик юрттоз ужан-тыршонын. Кылсярысь, кӧснуналэ пумиськонын трос вын-агайёс но сузэр-апайёс луозы, дыр, кудъёсыз кылем арняе гинэ тодытӥзы. Соин ик огшоры гинэ вераны луоз, дыр, кызьы вераськонэз кутсконо. Мае эскерыны луоз на та пумиськонъёсын?

• «Христиан улонмы но ужан-тыршонмы» ужан тетрадьысь вераськон амалъёсты.

• Кызьы вераськонэз кутсконо, алигес луэм учыр яке кыӵе ке ивор сярысь вераса.

• Мар верано пумит верамлы, кудӥз ёросады ӵем пумиське.

• Кызьы вераськоно соосын, кинъёс Инмарлы уг оско, эволюцилы оско, мукет кылын верасько, яке тӥ палан шер пумиськись религиосысь адямиосын.

• Кызьы уже кутоно jw.org сайтэз, JW Library приложениез яке Библиез.

• Кызьы уже кутоно валтӥсь дышетон тӥрлыкъёсмес.

• Кызьы пӧртэм амалъёсын ужано-тыршоно. Кылсярысь, кызьы телефон пыр жингыртоно, гожтэтъёс гожъяно, стендэн тодытоно, адями доры выльысь лыктоно яке Библиез дышетоно.

• Кызьы ужан-тыршонын умой мылкыдэз утёно, эскериськись, валась, лякыт сямо луоно яке мукет сямъёсты возьматоно.

• «Дышетскы устогес лыдӟиськыны но дышетыны» брошюраысь урокез яке видеороликез.

• Кызьы ужан-тыршонын ог-огмылы юрттоно.

• Ужан-тыршонэн герӟаськем Библиысь кылбурез яке тунсыко учырез.