Дышетскисьёсыдлэсь мылкыдзэс ӝут кенешлэн пумиськонъёсаз ветлыны

Кенешлэн пумиськонъёсыз зэмос йыбырттонын бадӟым инты басьто (Пс 21:23). Пумиськонъёсы ветлыса, ми шумпотон но мукет бакель каронъёс басьтӥськомы (Пс 64:5). Адями, кудӥныз тон Библиез дышетӥськод, пумиськонъёсы ветлыны кутскиз ке, солэн осконэз ӝоггес будоз, дыр.

Кызьы адямилэсь мылкыдзэ ӝутоно кенешлэн пумиськонъёсаз ветлыны? Котьку но сое пумиськонъёсы ӧть. Возьматы солы «Мар каро Эксэйлык юртын?» видеороликез. Валэкты, кыӵе пайда ваёзы солы пумиськонъёс (lff 10 урок). Вера тунсыко малпанэз, кудзэ тон пумиськонысь кылӥд. Возьматы, кыӵе юанъёс эскериськозы вуоно пумиськонын. Сёт публикациез, кудӥз али пумиськонъёсын эскериське, яке возьматы JW Library^® приложениысь «Встречи» вкладкаез. Ӵекты адямилы юрттэт. Кылсярысь, тон сое машинаен вайыны быгатод. Дышетскисед пумиськонэ лыктӥз ке, тон адӟод, тыршемед юнме ӧй вал шуыса (1Кр 14:24, 25).

УЧКЫ «ДЫШЕТСКИСЬЁСТЫЛЭСЬ МЫЛКЫДЗЭС ӜУТЭ КЕНЕШЛЭН ПУМИСЬКОНЪЁСАЗ ВЕТЛЫНЫ» ВИДЕОРОЛИКЕЗ НО ТА ЮАНЪЁСЛЫ ВАЛЭКТОНЪЁС СЁТ:

• 

  Кызьы Нита Джейдэз кенешлэн пумиськоназ ӧтиз?

• 

  Малы ми шумпотӥськомы, дышетскисьмы пумиськонэ лыктэ ке?

• 

  Кыӵе шӧдонъёсыз вал Джейдлэн, куке со нырысетӥзэ христиан пумиськонэ лыктӥз?