Вань шуг-секытъёс одно ик бырозы

Шуг-секытъёсмы милесьтым кужыммес быдтыны быгато, эшшо ке, куке соос кема кыстӥсько. Давидлэн но трос шуг-секытъёсыз вал, куке со Сауллэсь пегаса улӥз. Но Давид валаз: шуг-секытъёсыз куке но бырозы но со эксэй луоз, кызьы Иегова вераз (1Эк 16:13). Осконэз юрттӥз Давидлы Иеговаез чидаса возьманы.

Куддыръя, шуг-секытъёсын пумиськыкумы, милемлы визьлыкмы но быгатонлыкъёсмы юртто но, ми мае ке но воштыны быгатӥськомы (1Эк 21:12—14; Мд 1:4). Нош куд-ог учыръёсын ми лэсьтӥмы ваньзэ, мае Библиысь возетъёсъя лэсьтыны быгатӥмы, озьы ке но югдур уг тупатскы. Соку милемлы Иеговаез чидаса возьмано. Ӝоген Инмар вань курадӟонъёсмес быдтоз но син улысьтымы вань синкылимес ӵушоз (Усьт 21:4). Ми ум тодӥське, кызьы шуг-секытъёсмы бырозы: Иегова мар ке но кароз яке кызьы ке мукет сямен. Но ми тодӥськомы: соос одно ик бырозы. Та малпан милемыз буйгатыны быгатэ.

УЧКЫ «ЕДИНЫЙ НАРОД В РАЗОБЩЁННОМ МИРЕ» ВИДЕОРОЛИКЕЗ НО ТА ЮАНЪЁСЛЫ ВАЛЭКТОНЪЁС СЁТ:

• Кыӵе шуг-секытъёсын пумиськизы Огазеяськем Штатъёслэн лымшор палысьтыз куд-ог христианъёс?

• Кызьы соос возьматӥзы чидамзэс но яратэмзэс?

• Мар юрттӥз соослы «ӟечсэ бырйыны»? (Фп 1:10).