Дась-а тон бугыръяськонъёслы?

Та дуннелэн быронэз матэгес но матэгес вуэ. Соин ик ми возьмаськомы, бугыръяськонъёс, терактъёс но ожъёс тросгес луозы шуыса (Усьт 6:4). Кызьы тон быгатод дасяськыны?

• Оскондэ юнматы. Шедьты Библиысь возетъёсты но примеръёсты, кудъёсыз юрттозы тыныд Иеговалы но солэн организациезлы оскондэ юнматыны, нош озьы ик нокин пала кариськытэк улыны (Мд 12:5; jr-U 125—126 б., 23, 24 абз.). Туннэ туж кулэ кенешысь вын-агайёсынымы но сузэр-апайёсынымы кусыпъёсмес юнматыны (1Пт 4:7, 8).

• Улон понна кулэзэ дася. Малпа, мар тон карод, бугыръяськонъёс дыръя кӧня ке дыр ӵоже дорад пуконо луиз ке. Дася ву, сиён но кулэ луись арбериосты. Малпа, мар тон карод, дорысьтыд кошконо луиз ке. Эскеры шимучырлы дасям сумкадэ. Учкы, вань-а отын коньдон но астэ утён понна арбериос (кылсярысь, перчаткаос но маскаос). Юа тӧроослэсь, кызьы тон соосын герӟаськыны быгатод, но вера соослы, кызьы тонэн герӟаськыны луоз (Ис 32:2; g17.5-U 3—7 б.).

Бугыръяськонъёс дыръя эн вунэты Инмарлы йыбыртъянэн герӟаськем ужъёс сярысь (Фп 1:10). Тыршы дорысьтыд потатэк улыны но пот соку гинэ, куке со туж кулэ луоз (Мф 10:16). Мукетъёсызлэн вузы, сиёнзы яке кулэ луись арбериоссы ӧвӧл ке, юртты соослы (Рм 12:13).

«ГОТОВ ЛИ ТЫ К БЕДСТВИЮ?» ВИДЕОРОЛИКЕЗ УЧКЫ НО ТА ЮАНЪЁСЛЫ ВАЛЭКТОНЪЁС СЁТ:

• Кызьы Иегова милемлы шимучыръёс дыръя юрттэ?

• Кызьы ми дасяськыны быгатӥськомы?

• Кызьы юрттоно шимучыре шедемъёслы?