ХРИСТИАН УЛОН

Дась-а тон экономикаен герӟаськем шуг-секытъёслы?

Ми ум паймиське, пӧртэм шаеръёсын экономикаен герӟаськем шуг-секытъёс кылдо шуыса. Малы? Малы ке шуоно ми берпум аръёслэн пумазы улӥськомы. Озьы ик Библия вера, «бырись-бытмись узырлык вылэ» оскиськоно ӧвӧл шуыса (1Тм 6:17; 2Тм 3:1). Кызьы Иосафатлэн примерез юрттоз милемлы экономикаен герӟаськем шуг-секытъёслы дасяськыны?

Куке Иосафат вылэ тушмон калыкъёс урдскизы, со Иегова вылэ оскиськиз (2Пр 20:9—12). Со сяна, со азьло ик дасяськиз калыксэ утьыны. Со каръёсты юнматӥз но отчы ожгарчиоссэ интыяз (2Пр 17:1, 2, 12, 13). Милемлы Иосафатлэсь адӟем кароно. Шуг-секытъёс пыр потон понна, милемлы Иегова вылэ оскиськоно но азьло ик дасяськоно.

КЫЗЬЫ ДАСЯСЬКОНО ЭКОНОМИКАЕН ГЕРӞАСЬКЕМ ШУГ-СЕКЫТЪЁСЛЫ?

Иеговаен кусыпъёстэ юнматы. Тыр лу соин, маид вань. Юнматы оскондэ, Иегова улон понна кулэзэ тыныд сётоз шуыса (Мф 6:26; 1Тм 6:8). Аслыд ачид кылдэ сёт, улон понна кулэзэ утчаса но, Библиысь возетъёсты уд тӥя шуыса (Рм 2:21, 22). Малпа, кызьы тон Библиез но со вылэ пыкиськем публикациосты лыдӟод, тыл яке интернет ӧз луы ке. Тон быгатод куд-ог печатлам публикациосты возьыны но, луэ ке, азьло ик куд-ог электрон публикациосты скачать карыны.

Улон понна кулэез сярысь сюлмаськы. Коньдонэн герӟаськем шуг-секытъёс кылдэмлэсь азьвыл тыршы пунэмен басьтэм коньдонэз берыктыны но дышетскы кулэтэм арбериосты басьтытэк улыны (Мд 22:7). Луэ ке, кӧня ке дырлы сиён-юон но кулэ луись арбериосты дася. Бакчаед вань ке, бакча сиён мерттыны быгатод.

УЧКЫ «ГОТОВ ЛИ ТЫ К БЕДСТВИЮ?» ВИДЕОРОЛИКЕЗ НО ТА ЮАНЪЁСЛЫ ВАЛЭКТОНЪЁС СЁТ:

«Готов ли ты к бедствию?» видеороликысь кадр. Кружокъёсын суредамын Библия, шимучыръёслы дасям сумка но смартфон но лэсьтӥськисьёс.

Кызьы милемлы шимучыръёслы дасяськоно?

Валэктонэд

«Готов ли ты к бедствию?» видеороликысь кадр. Агайёс шимучыре сюремъёслы юртто: юртъёсты тупатъяло но машинаысь коробкаосты поттало.

Кызьы дасяськоно мукетъёсызлы юрттыны?

Валэктонэд