Кызьы ужано вераськон амалъёсын

Вераськон амалъёсты дасяку, вын-агайёс туж трос малпасько но тыршо ваньзэ лыдэ басьтыны. Тросэз ивортӥсьёс адӟо, вераськон амалъёс ужан-тыршонын туж юртто шуыса. Озьы ке но пӧртэм интыосын адямиос но пӧртэмесь. Соин ик ужан-тыршонын ивортӥсьёс кутскон кылъёсты но темаез вошъяны быгато. Соос тыршо валаны, кыӵе темаос соос палан улӥсь адямиослы тунсыко луозы. Нош нимысьтыз кампаниос дыръя ваньмылы кылзӥськоно со дырлы сётэм косонъёслэсь. Милям ужпуммы — Иисуслэсь сётэм ужзэ быдэсъяны, Эксэйлык сярысь ӟеч иворез вераны (Мф 24:14).

Дышетскон ужез возьматыку, ивортӥсь со ик темая вераськыны кулэ, кудӥз вераськон амалъёсын сётэмын. Озьы ке но, нокыӵе мукет косонъёс ӧвӧл ке, со ачиз бырйыны быгатэ, кыӵе юан сётоз, кыӵе кылбур лыдӟоз но кыӵе юан мукет дырлы кельтоз, озьы ик со югдурез но бырйыны быгатэ. Солы лыдэ басьтоно, мар тунсыко луоз со палан улӥсь адямиослы. Та косонъёс вошто косонъёсты, кудъёсыз сётэмын вал 2020-тӥ аре инвожо толэзе поттэм ужан тетрадьын, 8-тӥ бамын.