«Улон но ужан-тыршон» ужан тетрадьлы малпанъёс
7—13-ТӤ ТОЛШОР
ИНМАРЛЭН КЫЛЫСЬТЫЗ УЗЫРЛЫК | АПОСТОЛЪЁСЛЭН УЖЪЁССЫ 21, 22
Духовной марӟанъёсты утчаськомы
(Апостолъёслэн ужъёссы 21:23, 24) Мар ми тыныд вераломы, лэсьты: милям вань ньыль адямимы, кудъёсызлэн сӥзиськемзы вань. 24 Соосты басьты но соосын ӵош чылкытатӥськон сямез ортчыты. Сямез ортчытэм понна солэсь дунзэ тыр,— йырзэс ӵышкыны мед быгатозы. Соку соос ваньзы тодозы: тон сярысь мар соос кылӥзы — чик шонер ӧвӧл, уго тон ачид законэз утьыса улӥсь адями луиськод.
«Мынэсьтым тӥ азьын асме шонере поттонме кылзэлэ»
10 Озьы ке но Павел валаса учкиз соос шоры, кинъёслэн сюлэмзы каньыл луэ вал, куке соос куд-ог иудей сямъёсты утё вал, кылсярысь, субботае уг ужало яке кыӵе ке сиёнлэсь возисько (Рим. 14:1—6). Со сяна, со вандӥськон сямез ортчытон пумысен куронъёс ӧз пукты. Павел Тимофейлы но вандӥськон сямез ортчытӥз, иудейёс со шоры оскытэк медам учке шуыса, малы ке шуоно Тимофейлэн атаез грек вал (Ап. уж. 16:3). Котькудӥз ачиз быръе вал, вандӥськоно-а, ӧвӧл-а. Павел Галатияын улӥсьёслы шуиз: «Вандӥськонлэн но, вандӥськытэк кылёнлэн но нокыӵе дунлыксы-кулэлыксы ӧвӧл, яратонэн тыр луись оскон гинэ кулэлыко» (Гал. 5:6). Нош кин ке но законэз чаклан вылысь вандӥськон сямез ортчысал ке яке малпасал ке, сотэк Иеговалы ярамон уд луы шуыса, со ляб оскон сярысь верасал.
11 Со вераськонъёс мултэс бадӟыматыса верамын вал ке но, соос еврейёс пӧлысь оскисьёсты сюлэмшугъяськыто вал. Соин ик тӧроослэн Павеллы таӵе ӵектонзы вал: «Милям вань ньыль адямимы, кудъёсызлэн сӥзиськемзы вань. Соосты басьты но соосын ӵош чылкытатӥськон сямез ортчыты. Сямез ортчытэм понна солэсь дунзэ тыр,— йырзэс ӵышкыны мед быгатозы. Соку соос ваньзы тодозы: тон сярысь мар соос кылӥзы — чик шонер ӧвӧл, уго тон ачид законэз утьыса улӥсь адями луиськод» (Ап. уж. 21:23, 24).
12 Павел быгатэ вал тӧроослэн ӵектонзылы пумит кариськыны но вераны, сыӵе шуг-секыт кылдӥз, малы ке шуоно оскись еврейёс Моисейлэсь законзэ утьыны туж тыршизы. Но Павел дась вал адямиосъя тупатскыны, со Инмарлэн возетъёсызлы пумит ӧй вал ке. Азьвылгес со гожтӥз: «Закон улын улӥсьёсты оскон пала карон понна закон улын улӥсьёс азьын мон закон улын улӥсь кадь луи» (1 Кор. 9:20). Та учырын Павел Иерусалимысь тӧроослэн ӵектэмзыя лэсьтӥз но «закон улын улӥсь кадь» луиз. Озьы лэсьтыса, со милемлы умой адӟем карон возьматӥз, кызьы тӧроосын валче ужано но ачидъя гинэ лэсьтоно ӧвӧл (Евр. 13:17).
(Апостолъёслэн ужъёссы 22:16) Озьыен, малы уд дыртӥськы? Султы, Кузё-Инмарлэн Иисуслэн нимызлы вазиськыса пылатӥськы, сьӧлыкъёстэ гылты“.
nwtsty валэктон (Ап 22:16)
Кузё-Инмарлэн Иисуслэн нимызлы вазиськыса пылатӥськы, сьӧлыкъёстэ гылты Яке «сьӧлыкъёстэ гылты но солэн нимызлы вазиськы». Адямилэн сьӧлыкъёсыз вуэн, кудаз со пылатӥське, уг гылтӥсько. Сьӧлыкъёсыз куштэмын мед луозы шуыса, солы Иисуслэн нимызлы вазиськоно. Со возьматэ, адями Иисуслы оскыны но аслэсьтыз оскемзэ ужъёсын возьматыны кулэ шуыса (Ап 10:43; Иак 2:14, 18).
14—20-ТӤ ТОЛШОР
ИНМАРЛЭН КЫЛЫСЬТЫЗ УЗЫРЛЫК | АПОСТОЛЪЁСЛЭН УЖЪЁССЫ 23, 24
Духовной марӟанъёсты утчаськомы
(Апостолъёслэн ужъёссы 23:6) Нош татын одӥг люкетэз саддукейёс, нош мукетыз фарисейёс луо шуыса, Павел тодэм бераз сӥнедрионысен бадӟым куараен со вераз: «Агай-вынъёс! Мон — фарисей, фарисейлэн пиез; кулэмъёслэн улӟыса султонзылы оскем поннам монэ судить каро».
nwtsty валэктон (Ап 23:6)
Мон — фарисей Сӥнедрионын куд-ог пукисьёс Павелэн тодмо вал (Ап 22:5). Куке со ассэ фарисейлэн пиез шуиз, Сӥнедрионын пукись осконэз тугась-пожась фарисейёс валазы, Павел азьвыл улонэз сярысь вера шуыса, малы ке шуоно али со туж оскись христиан мурт вал ини. Со выль осконэзлэсь куштӥськыны уг ик малпа вал. Соку кызьы валано Павеллэсь та кылъёссэ? Со ассэ фарисей шуиз, малы ке шуоно, саддукейёсын ӵошатоно ке, фарисейёс улӟытонлы оско вал. Озьы со возьматӥз, солэн фарисейёсын огкадез вань шуыса. Павел малпаз, вылды, улӟытон сярысь споръяськытӥсь юанэз ӝутыса, со Сӥнедрионын куд-ог пукисьёслэсь ас палаз дурбасьтыны мылкыдзэс ӝутоз шуыса. Озьы ик луиз (Ап 23:7—9). Ап 23:6 гожтэм Павеллэн кылъёсыз возьмато, куке со Агриппа эксэй азьын ассэ шонере поттыса вераз, со та выллем ик кылъёсты вераз шуыса (Ап 26:5). Куке Павел Римын дыръяз Филиппы карысь христианъёслы гожтэт гожъяз, со выльысь вераз аслаз азьвыл улонэз сярысь (Фп 3:5). Озьы ик, саклык висъяно солы, кызьы Ап 15:5 нимамын мукет христианъёс, кудъёсыз азьвыл фарисейёс вал.
(Апостолъёслэн ужъёссы 24:24) Кӧня ке нунал ортчыса, Феликс аслаз иудей кышноеныз, Друзиллаен, ӵош лыктӥз но Павелэз ӧтьытӥз, солэсь Иисус Христослы осконэз сярысь верамзэ кылзӥз.
(Апостолъёслэн ужъёссы 24:27) Нош кык ар ортчем бере Феликс интые Порций Фест пуксиз. Иудейёслы яран-кельшон понна Феликс Павелэз жильыетэ ик кельтӥз.
nwtsty валэктон (Ап 24:24)
Друзиллаен Со куинетӥез, самой пичиез нылыз Ирод Агриппа I, кудӥз сярысь верамын Ап 12:1. Со а. в. 38-тӥ ар котырын вордскиз, но Агриппа II, Вереникалэн но Мариамна III сузэрзы вал. Феликс кивалтӥсь солэн кыкетӥ картэз вал. Солэн нырысетӥез картэз вал Азиз, Сирияысь Эмес карлэн эксэез. Соин Друзилла люкиськиз но бызиз Феликслы а. в. 54-тӥ арын, куке солы ог 16 арес вал. Друзилла ачиз кылӥз, вылды, кызьы Павел Феликслы вераз «шонерлыко улон, возиськон-чидатскон но вуоно суд сярысь» (Ап 24:25). Куке Феликс интые Фест кивалтӥсь луиз, «иудейёслы яран-кельшон понна», Феликс Павелэз жильыетэ ик кельтӥз (Ап 24:27). Куд-огъёсыз малпамъя, со лэсьтӥз сое, егит кышноезлы яран понна, кудӥз иудей вал.
21—27-ТӤ ТОЛШОР
ИНМАРЛЭН КЫЛЫСЬТЫЗ УЗЫРЛЫК | АПОСТОЛЪЁСЛЭН УЖЪЁССЫ 25, 26
Духовной марӟанъёсты утчаськомы
(Апостолъёслэн ужъёссы 26:14) Ми ваньнамы музъем вылэ усимы. Соку мон куара кылӥ, со куара мыным еврей кылын вераз: „Савл! Савл! Малы тон Монэ улляськод? Секыт тыныд йылсо бодылы пумит мыныны“.
nwtsty валэктон (Ап 26:14)
йылсо бодылы пумит мыныны Татын вераськон мынэ йылсо боды сярысь, кудӥныз пудо-животэз улляло вал (Сд 3:31). «Йылсо бодылы пумит мыныны» кылъёс ӵем пумисько вашкала грек литератураын. Со кылъёс возьмато сое, кызьы ассэ возе ваменэс ош, кудзэ йылсо бодыен нуо: йылсо бодылы ваменэсъяськыса но пумитъяськыса, со ачиз ассэ вӧсь каре. Христиан мурт луытозяз, Павел туж тупа вал сыӵе ваменэс ошлы. Иисуслэсь дышетскисьёссэ уйылыса-улляса, кудъёсыз палан Иегова Инмар вал, Павел ассэ кышкытлык улэ пуктӥз (Ӵошаты Ап 5:38, 39; 1Тм 1:13, 14). Ек 12:11 (ВД) «ошъёсты уллян йылсо боды» ӵошатэмын визьмо адямилэн кылъёсыныз, кудъёсыз сётэм визь-кенешез уже кутыны мылкыдэз ӝуто.
nwtstg «Рожон»
Пудоез уллян йылсо боды. Кузь боды, кудӥзлэн йылыз йылсо кортлэсь лэсьтэмын. Соин гырон дыръя пудоез улляло вал. Йылсо бодыен ӵошатӥсько визьмо адямилэн кылъёсыз, кудъёсыз пайдаё визь-кенешез уже кутыны мылкыдэз ӝуто. «Йылсо бодылы пумит мыныны» кылъёс возьмато сое, кызьы ассэ возе ваменэс ош, кудзэ йылсо бодыен нуо. Йылсо бодылы ваменэсъяськыса но пумитъяськыса, ош ачиз ассэ вӧсь каре (Ап 26:14; Сд 3:31).
(Апостолъёслэн ужъёссы 26:27) Агриппа эксэй, пророкъёслы оскиськод-а? Тодӥсько, оскиськод шуыса».
w03 15/11 16 б., 14 абз.
Юртты адямиослы Эксэйлык сярысь иворез санэ басьтыны
14 Павел тодэ вал, Агриппа иудаизм осконын вал шуыса. Солэсь иудаизм осконэз тодэмзэ лыдэ басьтыса, Павел вераз Мессиялэн кулонэз но улӟемез пумысен: «Ивортӥсько сое гинэ, мар веразы пророкъёс, мар вераз Моисей,— азьпалан мар луоз, та сярысь ивортӥсько» (Апостолъёслэн ужъёссы 26:22, 23). Шонерак Агриппалы вазиськыса, Павел юаз: «Агриппа эксэй, пророкъёслы оскиськод-а?» Агриппалы ответ сётыны секыт вал. Со пророкъёслы уг оскиськы шуиз ке, солэн ӟеч нимыз саптаськоз, малы ке шуоно солэн осконэз — иудаизм. Нош со Павеллэн кылъёсыныз соглаш кариськиз ке, озьы со ваньмыз азьын возьматоз, апостолэн соглаш луэ шуыса, но сое христиан мурт шуозы. Павел визьмо лэсьтӥз но аслаз юанэзлы ачиз ик ответ сётӥз: «Тодӥсько, оскиськод шуыса». Мар вераны косӥз Агриппалэн сюлмыз? «Ӝоген тон монэ христиан мурт карод» (Апостолъёслэн ужъёссы 26:27, 28, ВД). Агриппа христиан мурт ӧз луы ке но, Павеллэн кылъёсыз солэн сюлмаз кӧня ке йӧтӥзы ик (Еврейёслы 4:12).
28-ТӤ ТОЛШОР — 3-ТӤ ТУЛЫСПАЛ
ИНМАРЛЭН КЫЛЫСЬТЫЗ УЗЫРЛЫК | АПОСТОЛЪЁСЛЭН УЖЪЁССЫ 27, 28
Духовной марӟанъёсты утчаськомы
(Апостолъёслэн ужъёссы 27:9) Трос нуналъёс ортчизы ни; визьдыр ортчемын вал ини, соин ик уяны пумен кышкытгес луыны кутскиз. Павел аслэсьтыз ӵектонзэ
nwtsty валэктон (Ап 27:9)
визьдыр Яке «сӥзьыл визьдыр». Берыктӥське «визян; кӧс возён» шуыса. Татын кутӥське грек кыл, кудӥз герӟаськемын одӥг гинэ визянэн, кудзэ Моисей законъя возёно вал. Та визян котькуд аре ортчытӥськись Чылкытатӥськон-сузяськон нуналэн герӟаськемын вал, кудзэ озьы ик Йом Киппур шуо вал (еврей кылын йом хаккиппури́м, мар «[сьӧлыкъёслэсь] чылкытатон-сузян нунал» шуэм луэ) (Лв 16:29—31; 23:26—32; Лд 29:7). Чылкытатӥськон-сузяськон нуналэ «асьтэдыз зӥбыт-востэм возе» шуэм пӧртэм марлэсь ке возиськонэз возьматэ вал, кылсярысь, сиёнлэсь возиськонэз, яке визянэз (Лв 16:29). Ап 27:9 визьдыр сярысь верам кылъёс возьмато, Чылкытатӥськон-сузяськон нуналэ адямиос нырысь ик визяло вал шуыса. Чылкытатӥськон-сузяськон нуналэз ӵем дыръя пусъё вал куарусён толэзьлэн пумаз — коньывуон толэзьлэн кутсконаз.
(Апостолъёслэн ужъёссы 28:15) Ми сярысь кылэм беразы Римысь агай-вынъёсмы Аппий Падвоже но Куинь кунокуа юртъёс доры милям пумитамы потӥзы. Соосты адӟыса, Павеллэн мылкыдыз капчи луиз. Со Инмарлы тау кариз.
Павел Инмар Эксэйлык сярысь вераса улӥз
6 Путеолысь Павел но соин ӵош мынӥсьёс Капуяе Аппий сюрестӥ, кудӥз Риме нуэ вал, пыдын ог 50 иськем ортчизы, вылды. Та тросэзлы тодмо сюрес бадӟым шонер лава изъёслэсь тыремын вал но чебер гуртъёс вӧзтӥ ортче вал, нош куд-ог интыосысен Средиземной зарезь адӟиське вал. Собере та сюрес мынэ вал Понтинияысь сыръясь интыостӥ, со ог 60 иськемын Римлэсь, но Аппий Падвож пыр. Кызьы гожтэ Лука, Римысь куд-ог вын-агайёс, «ми сярысь кылэм беразы», Аппий Падвожозь ик вуизы, нош мукетъёсыз Куинь кунокуа юртъёс дорын кылизы — со шутэтскон инты Римлэсь ог 50 иськемын. Макем соос яратэмзэс возьматӥзы! (Ап. уж. 28:15).
7 Мыныса жадем мурт Аппий Падвожын шутэтскыны уг быгаты вал. Рим кылбурчи но сатира амалэн гожъяськись Гораций гожъяз, та падвож кораблен ветлӥсьёсын но кунокуалаослэн пӧялляськись кузёосынызы тырмемын шуыса. Озьы ик со гожъяз, отын кырсь но пож ву шуыса. Со отын сиськыны гинэ но пумит луиз! Но вань со умойтэмез шоры учкытэк, Римысь вын-агайёс Павелэз но соин ӵош мынӥсьёсты шумпотыса возьмазы, кылем сюресэз ӵош ортчон но соосты умоен вуттон понна.