Ужан-тыршон быгатонлыкъёсмес умоятӥськомы. Емыш вайисьтэм дышетонъёсты кельтӥськомы

МАЛЫ СО КУЛЭ Утиськон понна адямиослы Иеговалэн нимызлы вазиськоно (Рм 10:13, 14). Но ваньмызлэн, кинъёсын ми Библиез дышетӥськомы, Инмарлэн эсэпъёсызъя улэмзы уг поты. Ми дунъяськомы дырез, кудзэ ужан-тыршонлы висъяськомы, но милям юрттэммы потэ соослы, кинъёс, Иеговаез яратыса, воштӥськыны дась. Ми адямиен кемагес ик дышетӥськомы ке ини, нош солэн азинлыкъёсыз ӧвӧл, умойгес луысал соин дышетэмысь дугдыны но дырез висъяны соослы юрттон понна, кинэ Иегова ас дораз но организацияз вае (Ин 6:44). Берлогес адями, воштӥськонъёс лэсьтыса, возьматӥз ке, со «быронтэм улон шоры шонер амалэн учке» шуыса, ми шумпотыса выльысь соин Библиез дышетомы (Ап 13:48, ВД).

КЫЗЬЫ СОЕ ЛЭСЬТОНО

• Дышетскисез ушъя, солэн зэмлыкез тодэмез потэ шуыса (1Тм 2:4)

• Пусйы, макем кулэ Библиысь тодон-валанъёсты улонэ пыртыны (Лк 6:46—49)

• Дышетскисен кизись сярысь мадёнэз каньылэн эскеры но юа солэсь, мар солы люкетэ басьтэм тодон-валанъёсты уже кутыны (Мф 13:18—23)

• Лякытэн валэкты, малы тон соин дышетэмысь дугдӥськод

• Вера, тон солы дырын-дырын жингыртылод шуыса но, со кулэ луись воштӥськонъёс лэсьтӥз ке, дышетонэз выльысь кутскыны луоз шуыса

«ПРЕКРАЩАЕМ НЕПРОДУКТИВНЫЕ ИЗУЧЕНИЯ» ВИДЕОРОЛИКЕЗ УЧКЫ НО ТА ЮАНЪЁСЛЫ ВАЛЭКТОНЪЁС СЁТ:

• Кытысь адӟиськиз, дышетскись осконын ӧз буды шуыса?

• Кызьы агай дышетскисьлы валэктӥз, воштӥськонъёс лэсьтоно шуыса?

• Кызьы агай возьматӥз, вуонояз дышетонэз выльысь кутскыны луоз шуыса?