«Улон но ужан-тыршон» ужан тетрадьлы малпанъёс
4—10-ТӤ ЮЖТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | РИМЪЁСЛЫ 12—14
Духовной марӟанъёсты утчаськомы
(Римъёслы 12:1) Озьыен, агай-вынъёсы, Инмар асьмеды гажа-жаля. Соин ик тӥледыз сюлворыса курисько: асьтэлэсь быдэс улондэс дун-сьӧлыктэм, ярамон карыса, курбонэз кадь Инмарлы сётэлэ. Та луэ, визьмын валаса, Инмарлы ужаса-тыршыса улон.
lv 64 б., 5, 6 абз.
Кызьы милемлы шутэтскон амал быръёно
5 Ваньмыз, мае тон кариськод улонад, Иеговалы ужан-тыршонэн герӟаськемын. Римын улӥсьёслы гожтэтаз Павел мур пуштросо кылъёсты кутӥз, зэмлык огъя оскисьёсызлы мур мед пыӵалоз но соос сое котьку тодазы мед возёзы шуыса. Со ӧтиз соосты: «Асьтэлэсь быдэс улондэс дун-сьӧлыктэм, ярамон карыса, курбонэз кадь Инмарлы сётэлэ. Та луэ, визьмын валаса, Инмарлы ужаса-тыршыса улон» (Римъёслы 12:1). Та кылбурын «улон» кыл возьматэ адямилэсь визьзэ, сюлэмзэ но кужымзэ. Ваньмыз со Инмарлы ужан-тыршонын кулэ луэ (Марк 12:30). Сыӵе лулысь-сюлмысь ужан-тыршонэз Павел курбонэн нима. Та кылъёсын ватӥськем алон вань. Моисейлэн законэзъя, сётӥськись курбонлэн изъянэз вал ке, Инмар сыӵе курбонэз кулэ уг кары вал (Левит 22:18—20). Сое ик вераны луоз милям ужан-тыршонмы сярысь но: отын кыӵе ке изъянэз вань ке, Инмарлэн син азяз со ярантэм луэ. Кызьы озьы луыны быгатоз?
6 Павел Римысь христианъёсты алӥз: «Мугордылэсь одӥгзэ но люкетсэ шонертэм улонлэн киулаз сьӧлыканы эн сётэ». Со сяна, со «лулмугорлэсь сьӧлыко ужъёссэ» виылыны косӥз (Римъёслы 6:12—14; 8:13). Азьвылгес аслаз гожтэтаз со гожтӥз кӧня ке ужъёсты, кудъёсыз пыро со сьӧлыко ужъёс пӧлы. Сьӧлыклы сётскем адямиос сярысь ми лыдӟиськомы: «Кылзы-ымзы каргаськонэн, лекъяськонэн пачылмемын», «Вир кисьтыны пыдъёссы шаплыесь», «Соослэн син азязы Инмарлэсь кышкан ӧвӧл» (Римъёслы 3:13—18). Христиан мурт аслэсьтыз мугорзэ саптаны быгатэ, куке аслэсьтыз «мугор люкетъёссэ» со выллем сьӧлыко ужъёслэн киулазы сётэ. Кылсярысь, христиан мурт юри учке ке порнографиез яке лек ужъёсты, вераны луоз, со аслэсьтыз синъёссэ сьӧлыклы сётэ но озьы быдэс мугорзэ сапта шуыса. Сыӵе адямилэсь ужан-тыршонзэ, мар гинэ со медаз кары, ӵошатыны луоз курбонэн, кудӥз дун-чылкыт уг луы ни но Инмарлы уг яра ни (Кыкетӥ Закон 15:21; 1 Пётр 1:14—16; 2 Пётр 3:11). Умойтэм шутэтскон амал понна со туж бадӟым дун!
(Римъёслы 13:1) Котькудӥз адями вылӥ властьёслы-кивалтӥсьёслы тэрытскись мед луоз. Уго котькудӥз власть Инмар дорысь потэ, котькудӥз власть Инмарен пуктэмын.
w08 15/6 31 б., 4 абз.
Римъёслы гожтэтысь тунсыко малпанъёс
13:1 — Кызьы валано, вылӥ властьёс-кивалтӥсьёс «Инмарен пуктэмын» шуыса? Кун кивалтӥсьёс «Инмарен пуктэмын», малы ке шуоно Инмар соослы лэзе кивалтыны. Нош куд-ог учыръёсы со соослэн кивалтэмзы сярысь азьпалзэ ивортыса ик вералляз. Сое ми лыдӟыны быгатӥськомы Библиысь со кылбуръёсысь, кудъёсаз гожтэмын куд-ог кивалтӥсьёс сярысь азьпалзэ ивортонъёс.
11—17-ТӤ ЮЖТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | РИМЪЁСЛЫ 15, 16
Духовной марӟанъёсты утчаськомы
(Римъёслы 15:27) Ярам ойдо, соос азьын соослэн пунэм тыронзы вань: лулэз утён узырлыксэс язычникъёсын шори люкизы бере, язычникъёс но соослы, шугадӟонэ сюрыкузы, юрттӥськыны кулэ.
w89 1/12 24 б., 3 абз.
«Зэм ик-а тон яратӥськод шуыса эскерон»
Кызьы адӟиське, еврей калыкысь луисьтэм вын-агайёссылэн мылкыдзы вал секыт югдуръёсын Иерусалимысь христианъёслы юрттыны, малы ке шуоно соослэн соослы «пунэм тыронзы» вал, уго самой со Иерусалимысь христианъёслэсь еврей калыкысь луисьтэм вын-агайёс ӟеч иворез кылӥзы. Павел малпа вал, еврейёс «лулэз утён узырлыксэс язычникъёсын шори люкизы бере, язычникъёс но соослы, шугадӟонэ сюрыкузы, юрттӥськыны кулэ» шуыса (Римъёслы 15:27).
it «Долг, должник», «Другие долги» подзаг.
Пунэм тырон, пунэмо луись
Мукет пунэм тыронъёс. Библиын «пунэм тырон» но «пунэмо луись» кылъёс озьы ик кутӥсько соку но, куке вераськон уг мыны коньдон пунэман сярысь. Дун, кудзэ тыроно ужасьлы, лыдъяське «ужлэсь дунзэ берыктонэн [«пунэм тырон» шуыса берыктӥське]» (Рм 4:4). Сьӧлыкасьёслэн «пунэм тыронзы» вань соослы, кинъёслы пумит соос сьӧлыказы но кинлэсь простить каремзэс соос утчаны кулэ. Инмар адямилэсь сьӧлыкъёссэ куштоз соку гинэ, куке адями солы аслыз «пунэмо луисьлэсь» пунэмъёссэ куштоз (Мф 6:12, 14, 15; Лк 13:4). «Ӟеч Иворез тодытыны» ужез сярысь веракуз, Павел вераз, солэн вань адямиослы «пунэм тыронэз» вань шуыса (Рм 1:14, 15). Мукет калыкысь христианъёслэн Иерусалимысь еврей луись христианъёслы «пунэм тыронзы» вал, кудъёсыз соослы ӟеч иворез веразы. Соин ик валамон, малы соос шугадӟонэ сюрем еврей вын-агайёссылы юрттӥськизы (Рм 15:26, 27).
(Римъёслы 16:17) Агай-вынъёсы, тӥледыз сюлворыса курисько: тӥ кыӵе дышетонлы дышетэмын, солы пумит мыныса люкиськонъёс, визь сынаськонъёс лэсьтӥсьёслэсь чаклаське-утиське, соослэсь палэнске.
w11 15/7 16 б., 6, 7 абз.
Кылзӥськоды-а тӥ Иеговалэн валамон алонъёсызлэсь?
6 Кызьы ми асьмеды ӧрекчи дышетӥсьёслэсь утьыны быгатӥськомы? Библиын валамон верамын, кызьы асьмеды зэмос йыбырттонлэсь палэнскемъёсын возёно. (Лыдӟы Римъёслы 16:17; 2 Иоаннлэсь 9—11.) «Соослэсь палэнске»,— гожтэмын Инмарлэн Кылаз. Мукет берыктэмъёсын та кылъёс «пегӟе соослэсь» но «соослэсь палэнын возиське» шуыса берыктэмын. Инмарлэн духезлэн кивалтэмез улсын сётэм косон туж валамон. Кылсярысь, эмъясь косэ тӥледыз палэнын возиськыны солэсь, кин кулонэ вуттӥсь паласькись висёнэн азэмын. Тӥ валаськоды, мар сярысь вера эмъясь, но кылзӥськиськоды солэсь. Котькудӥз зэмос йыбырттонлэсь палэнскем адями «азэмын» но тырше, солэн кескич дышетонъёсыз мукетъёсызлы но мед палалозы шуыса (1 Тим. 6:3, 4). Иегова — самой умой Эмъясь — косэ милемыз соослэсь палэнскыны. Ми валаськомы солэсь косэмзэ. Нош дась-а ми кылзӥськыны солэсь?
7 Кызьы ми возьматӥськомы, ӧрекчи дышетӥсьёслэсь палэнын возиськиськомы шуыса? Ми соосты ас дорамы ум ӧтиське но соосын ум ӟечбуръяськиське. Озьы ик, ми ум лыдӟиське соослэсь литературазэс, ум учкиське телепередачаосты, кудъёсаз соос пырисько, ум пыраське соослэн сайтъёсазы но отчы асьмелэсь малпанъёсмес ум гожъяське. Малы милям со пумысен сыӵе юн мылкыдмы? Со герӟаськемын яратонэн. Ми «зэмлыклэсь Инмарзэ» яратӥськомы, соин ик ум тунсыкъяськиське мыдланьтэм дышетонъёсын, кудъёсыз пумит луо солэн Кылызлы — зэмлыклы (Пс. 30:6; Иоанн 17:17). Со сяна, ми яратӥськомы Иеговалэсь организацизэ, кудӥз юрттӥз милемлы тодыны зэмлыкез, кылсярысь, Иеговалэн нимыз но нимызлэн пуштросэз сярысь, Инмарлэн музъем пумысен малпанэз сярысь, со сярысь, мар луэ адямиен кулэм бераз, но улӟытонлы оскиськон сярысь. Тодӥськод на-а, кыӵе тынад шӧдонъёсыд вал, куке тон нырысьсэ тодӥд та но мукет дуно зэмлыкъёсты? Малы соку лэзёнэз ӧрекчи дышетонъёсты вӧлмытӥсь адямиослы тонэ пумит ӝутыны организацилы, кудӥзлы луыса тон та зэмлыкъёсты тодӥд? (Иоанн 6:66—69).
18—24-ТӤ ЮЖТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | 1 КОРИНФЪЁСЛЫ 1—3
Духовной марӟанъёсты утчаськомы
(1 Коринфъёслы 1:20) Кытын визьнодоос? Кытын трос тодӥсьёс? Кытын та даурлэн философъёсыз? Та дуннелэсь визьлыксэ визьтэмъяськон луэ шуыса, Инмар ӧз возьматы-а?
it «Мудрость», «Противопоставлена священной тайне Бога» подзаг., 3 абз.
Визьнод
Та дунне аслаз визьнодэныз Инмарлэсь Христос пыр сётэм утиськонзэ визьтэмъяськон луэ шуыса лыдъяз но кулэтэм кариз. Нош дуннелэн кивалтӥсьёсыз, кивалтон удысын соос быгатӥсесь но визьмоесь вал ке но, вылды, «данлэсь Кузё-Инмарзэ» кортӵогазы (1Кр 1:18; 2:7, 8). Нош Инмар та дуннелэн визьмо адямиосызлэсь визьлыксэс визьтэмъяськон луэ шуыса возьматӥз. Аслэсьтыз вошъяськисьтэм малпанзэ быдэстон понна, со уже кутӥз сое, мар та дуннеысь визьмо адямиослэн син азязы «Инмарлэн „визьмотэмез“» вал. Озьы ик, со уже кутӥз адямиосты, кудъёссэ соос визьмо луисьтэмесь, кужмо луисьтэмесь но сӥё-дано луисьтэмесь шуыса лыдъязы. Озьы со сереме уськытӥз та дуннеысь визьмо адямиосты (1Кр 1:19—28). Коринфысь христианъёслы Павел тодазы вайытӥз, «та даурлэн но... кивалтӥсьёслэн визьлыксы» быроз шуыса; соин ик иворын, кудзэ вераз апостол, сыӵе визьлык ӧй вал (1Кр 2:6, 13). Озьы ик, Павел алӥз Колоссы карысь христианъёсты: «Нокин но тӥледыз Христос бордысь потымтэ ӧрекчи дышетонъёс пала медаз кыскы вал. Соос луо та дуннелэн, адямиослэн мадён-веранэнызы [грек кыл философи́ас «визьлыкез яратон» шуыса берыктӥське] герӟаськем дышетонъёс» (Кл 2:8; ӵошаты Кл 2:20—23).
(1 Коринфъёслы 2:3—5) Катьтэммыса, кышкаса, туж куалекъяса мон тӥ дорын улӥ. 4 Чебересь, мудрон кылъёсын вераськыса, тодытыса осконэз ӧй юнматы, Дух татын Аслэсьтыз кужымзэ возьматӥз. 5 Тӥляд осконды адями визьлыкен ӧвӧл, Инмарлэн кужыменыз мед юнматскоз.
w08 15/7 27 б., 6 абз.
Коринфъёслы гожтэтъёсысь тунсыко малпанъёс
2:3—5. Коринф карын ӟеч иворез веракуз, кудӥз грек философилэн но наукалэн шоркарез вал, Павел сюлмаськиз, вылды, та карысь адямиос солэн кылъёсызлы оскозы-а, уз-а шуыса. Озьы ке но со ӧз лэзьы, тодон-валан но быгатонлык тырмымтэез яке кышкан, кудъёсыз солэн вал, вылды, люкетыны солы Инмарен сётэм ужзэ быдэстыны. Озьы ик милемлы но лэзёно ӧвӧл, выль но дышымтэ югдур Инмарлэн Эксэйлыкез сярысь ӟеч иворез вераны мед люкетоз шуыса. Павел сямен ик, ми оскыны быгатӥськомы, Иегова милемлы юрттоз шуыса.
25—31-ТӤ ЮЖТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | 1 КОРИНФЪЁСЛЫ 4—6
Духовной марӟанъёсты утчаськомы
(1 Коринфъёслы 4:9) Мон малпасько, милемды, апостолъёсты, ваньмызлэсь сӥтэм-сантэм, виыны сётэм адямиосты кадь Инмар кариз, малы ке шуоно ми шоры быдэс дунне, Кылчинъёс но, адямиос но учкыса уло.
w09 15/5 24 б., 16 абз.
Кылчинъёс — «ужаны-тыршыны ыстэм ужась-тыршись духъёс»
16 Шуг-секытъёсын пумиськыкузы, христианъёс шоры «Кылчинъёс... учкыса уло» (1 Кор. 4:9). Кылчинъёс туж шумпото, адӟыса ужъёсмес, кудъёсыз Инмарлы оскымон луэммес возьмато. Озьы ик соос шумпото, куке сьӧлыко мурт ӧпкельыса сьӧлыкъёсызлэсь куштӥське (Лука 15:10). Со сяна, кылчинъёс адӟо христиан кышномуртъёслэсь асьсэды Инмарлы ярамон возьыны тыршемзэс. Библиын гожтэмын: «Кылчинъёс азьын кышномуртлэн йыр вылысьтыз шобретэз — кузпаллы тэрытскыса улонлэн тодметэз луэ» (1 Кор. 11:3, 10). Зэм, кылчинъёс туж шумпото, куке адӟо, кызьы христиан кышномуртъёс но Инмарлэн музъем вылысь мукет ужась-тыршисьёсыз кылзӥсько Инмарен пуктэм радлыклэсь но чаклало сое, кин кинлы йыр луэ. Сыӵе кылзӥськыса улон Инмарлэн инмысь пиосызлы пайдаё тодэ вайытон луэ.
(1 Коринфъёслы 6:3) Тӥ уд тодӥське шат, асьмеос кылчинъёсты судить каромы шуыса? Нош улон куспысь чыры-пыры ужъёсты ум-а быгатӥське куспамы сэрттыны-пертчыны?
it «Закон», «Закону подвластны ангелы» подзаг.
Закон
Кылчинъёс законлэсь кылзӥсько. Кылчинъёс, кудъёсыз адямиослэсь вылӥ луо, Инмарлэн законэзлэсь но курон-косонъёсызлэсь кылзӥсько (Евр. 1:7, 14; Пс. 103:4). Аслаз тушмонэзлы но, Шайтанлы, Иегова котьмар карыны ӧз лэзьы (Иов 1:12; 2:6). Михаил архангел Шайтанлы вераз: «Кузё-Инмар тонэ судить мед кароз» (Иуда 9). Озьы со возьматӥз, со Иеговаез Вылӥ Судьяен лыдъя но сое гажа шуыса. Иегова Инмар вань кылчинъёсты данъям Иисус Христослэн киулаз сётӥз (Евр. 1:6; 1 Пётр 3:22; Матф. 13:41; 25:31; Флп. 2:9—11). Кылсярысь, Иисус кылчинэз ивор вераны ыстӥз (Усьт. 22:16). Но, кызьы вераз апостол Павел 1 Коринфъёслы 6:3, кылчинъёсты судить карыны право сётэмын Христослэн духовной вынъёсызлы. Со возьматэ, вылды, соос кыӵе ке амалэн лек духъёсты судъянэ пыриськозы шуыса.