4-ТӤ УРОК

Библиысь лыдӟон азяд кылзӥсьёстэ дася

Матф. 22:41—45

УЖПУМЕЗ Библиысь кылбуръёсты лыдӟемедлэсь азьло чакла, адями соосты кылзыны дась-а шуыса.

МАР КАРОНО СО ПОННА

Малпаськы, малы тон та кылбуръёсты лыдӟиськод. Лыдӟон азяд кылзӥсьёстэ дася, соос мед валалозы, кыӵе малпанэз тынад пусъемед потэ.

Лыдэ басьты сое, мар верамын кылбурлэн азяз но бераз. Саклык висъяськод ке Библиысь кылбурлы но верамед потэ ке, кинлэн со кылъёсыз яке кин Библиысь книгаез гожтӥз, умой малпаськы, шонер-а тон вераськод.
Возьматы, Библия — со оскымон книга шуыса. Оскись адямиосын вераськыкуд, вера, Библия — со Инмарлэн Кылыз шуыса. Озьы тон возьматод, Инмарлэсь малпанъёссэ вераськод шуыса.
Кылзӥсьёсыдлэсь мылкыдзэс ӝут Библиен тунсыкъяськыны. Сёт юан, кудӥзлы валэктон сётэ Библия. Вера кыӵе ке шуг-секыт сярысь, кудзэ сэрттыны-пертчыны юрттэ Библиысь кылбур, яке вера возет сярысь, кудзэ валаны юрттэ Библия.

Малпа, мае тынад кылзӥсьёсыд тодо ини со сярысь, мае тон вералод, но Библиысь кылбуръёс сярысь, кудъёссэ тынад лыдӟемед потэ. Тодмо кылбуръёсты лыдӟон азяд но дася кылзӥсьёстэ, соослы тунсыко мед луоз но соос кылбуръёс шоры выль сямен учкыны мед быгатозы шуыса.