«Улон но ужан-тыршон» ужан тетрадьлы малпанъёс
1—7-ТӤ ИНВОЖО
ИНМАРЛЭН КЫЛЫСЬТЫЗ УЗЫРЛЫК | УЛОН-ВЫЛОН 44, 45
Духовной марӟанъёсты утчаськомы
(Улон-вылон 44:13) Ваньзы соос дӥськутсэс кесязы, ишакъёссы вылэ тыриськизы но городэ берытскизы.
it «Разрывание одежды», 1, 2 абз.
Дӥськутэз кесян
Дӥськутсэс кесяса, иудейёс но Шундыӝужан палан мукет улӥсьёс ӵем дыръя кайгыремзэс возьмато вал, тужгес но матысь ӵыжы-выжызылэн кулэмез сярысь тодыкузы. Дӥськутэз вылӥысеныз улӥозяз уг кесё вал, нош сиресысен гадь дорозь гинэ. Озьы дӥськут азьланяз нуллыны ярамон кыле вал.
Нырысетӥез, кин сярысь Библиын верамын, со вылысьтыз дӥськутсэ кесяз шуыса, вал Рувим, Иаковлэн бадӟымез пиез. Гу доры выльысь лыктыса но отысь Иосифез шедьтытэк, Рувим вылысьтыз дӥськутсэ кесяз но шуиз: «Пияш отын ӧвӧл, нош мон таре мар каром на?» Рувим семьяязы нырысетӥ пинал вал, соин ик со выныз понна кыл кутэ вал. Куке Иаковлы ивортӥзы, солэн пиез кулӥз шуыса, со но вылысьтыз дӥськутсэ кесяз но чурыт бышкись дэраен бинялскиз. Озьы со мур кайгыремзэ возьматӥз (Ул 37:29, 30, 34). Египетын, куке Вениаминэз лушкаськись шуизы, Иосифлэн агайёсыз, кайгыремзэс возьматыса, дӥськутсэс кесизы (Ул 44:13).
(Улон-вылон 45:5—8) но али куректыса эн улэ, монэ татчы вузады шуыса, эн жалялэ, малы ке шуоно тӥлесьтыд лулдэс утён понна Инмар монэ тӥляд азьпалады ыстӥз; 6 уго кык ар ӵоже ини музъем вылын сютэм улон возиське: эшшо вить ар ӵоже уз но гыре, уз но аралэ! 7 Инмар монэ тӥляд азяды татчы ыстӥз тӥледыз музъем вылэ улэп кельтыны, тӥледлы туж бадӟым утиськон сётыса, улондэс азинтыны. 8 Озьыен, тӥ монэ ӧд ыстэ, Инмар монэ татчы ыстӥз, Со монэ фараонлы атае пуктӥз, солэн быдэс юртэзлы кузё кариз, быдэс Египет музъемлы кивалтӥсь кариз.
w04 15/8 15 б., 15 абз.
Чик мугтэк, юнме шорысь синазькыль каро
15 Мар юрттоз милемлы йыркуръяськытэк улыны соослы, кинъёс милемыз нокыӵе мугтэк синазькыль каро? Тодад возь: милям валтӥсь тушмонъёсмы — Шайтан но периос (Ефесъёслы 6:12). Куд-ог адямиос валаса вылысь милемыз уйыло-улляло. Нош тросэз соос пӧлысь, кинъёс Инмарлэн калыкезлы пумит мыно, валатэк сое лэсьто яке мукетъёсыз соосты узато (Даниил 6:4—16; 1 Тимофейлы 1:12, 13). Иеговалэн «вань адямиосты утиськытэмез, зэмлыкез тодытэмез потэ» (1 Тимофейлы 2:4). Куд-огез пумит мынӥсьёс милесьтым ӟеч ужъёсмес адӟизы но огъя оскисьёсмы луизы (1 Пётр 2:12). Озьы ик тросэзлы дышетыны быгатэ Иаковлэн Иосиф пиезлэн примерез. Агайёсыз сэрен Иосиф трос курадӟоно луиз ке но, со соослы йыркуръяськыса ӧз улы. Малы? Малы ке шуоно со Иеговалэсь кизэ адӟиз но валаз, Иегова югдуръёсын кивалтэ шуыса, аслэсьтыз малпанзэ быдэстон понна (Улон-вылон 45:4—8). Иегова лэсьтыны быгатэ озьы, шонерлыктэм ужъёс сэрен курадӟеммы солэсь нимзэ мед данъялоз шуыса (1 Пётр 4:16).
8—14-ТӤ ИНВОЖО
ИНМАРЛЭН КЫЛЫСЬТЫЗ УЗЫРЛЫК | УЛОН-ВЫЛОН 46, 47
Духовной марӟанъёсты утчаськомы
(Улон-вылон 46:4) Мон тонэн ӵош Египетэ мыно, отысь Мон ик тонэ берен потто. Иосиф ас киыныз тынэсьтыд синъёстэ ворсалоз».
it «Жесты и позы», «Другие жесты и позы» подзаг., 3 абз.
Выросъёс но мугорез возён
Кулэм муртлэсь синъёссэ ворсаны. Иегова Иаковлы вераз: «Иосиф ас киыныз тынэсьтыд синъёстэ ворсалоз» (Ул 46:4). Со кылъёс возьмато вал, Иосиф Иаков кулэм бере солэсь синъёссэ ворсалоз шуыса. Ӵем дыръя озьы лэсьтыны кулэ вал нырысь вордскем пи. Со кылъёсын Иегова Иаковлы валаны юрттӥз, вылды, нырысь пи луон право Иосифлы выжоз шуыса (1Пр 5:2).
(Улон-вылон 46:26, 27) Иаковен ӵош Египетэ лыктӥзы, пиосызлэсь кышнооссэс лыдъятэк, аслаз куатьтон куать нылпиосыз. 27 Иосифлэн Египетын кык пиосыз вордскизы. Иаковлэн юртысьтыз-выжыысьтыз Египетэ сизьымдон мурт потӥз.
nwtsty валэктон (Ап 7:14)
сизьымдон вить мурт: Стефан вераз, Иаковлэн семьяысьтыз 75 мурт Египетэ лыктӥз шуыса. Тодмо ӧвӧл, Стефан, Еврей Гожтэмъёсысь кыӵе ке нимысьтыз кылбур вылэ пыкиськыса, со лыдпус сярысь вераз-а яке ӧз-а. Еврей Гожтэмъёсын, кудзэ гожтӥзы масоретъёс, со лыдпус уг пумиськы. Улон-вылонын 46:26 гожтэмын: «Иаковен ӵош Египетэ лыктӥзы, пиосызлэсь кышнооссэс лыдъятэк, аслаз куатьтон куать нылпиосыз». Нош 27-тӥ кылбурын верамын: «Иаковлэн юртысьтыз-выжыысьтыз Египетэ сизьымдон мурт потӥз». Та кылбуръёсын лыдпусъёс пӧртэмесь, малы ке шуоно Египетэ лыктэмъёс пӧртэм сямен лыдъямын: 26-тӥ кылбурын Иаковлэн выжыысьтыз потэмъёс гинэ лыдъямын, кадь, нош 27-тӥ кылбурын лыдъямын ваньмыз, кинъёс Египетэ лыктӥзы. Озьы ик Иаковлэн выжыысьтыз потэмъёс сярысь верамын Потонын 1:5 но Кыкетӥ Законын 10:22. Кыказ ик та кылбуръёсын верамын 70 мурт сярысь. Нош Стефан куинетӥ лыдпус сярысь вера — 75. Со лыдпус пӧлы Иаковлэн семьяысьтыз мукет муртъёс но пыро, шӧдске. Куд-огъёсыз малпало, отчы Иосифлэн Манассия но Ефрем пиосызлэн пиоссы но пиоссылэн пиоссы пыро шуыса, кудъёсыз сярысь гожтэмын грек Септуагинтаын Улон-вылонын 46:20. Мукетъёсыз малпало, со 75 мурт пӧлы Иаковлэн пиосызлэн кышнооссы пыро шуыса, кудъёсыз Улон-вылонын 46:26 лыдъямын ӧй вал. Татысь адӟиське, 75 лыдпус — со лыдпус, кудӥз возьматэ, Египетэ Иаковен ӵош ваньмыз-ӧвӧлэз 75 мурт лыктӥз шуыса. Мукет валэктон но вань: та лыдпусэз Стефан тодыны быгатэ вал Еврей Гожтэмъёслэн копиосысьтызы, кудъёсыз асьме вакытысь I даурын вӧлмемын вал. Озьы ик тодмо, 75 лыдпус грек Септуагинтаын но пумиське шуыса (Ул 46:27 но Пот 1:5). Со сяна, ХХ даурын шедьтэмын вал Кулэм зарезьлэн свитокъёсызлэн кык люкетъёсыз (еврей кылын), кудъёсаз Потонын 1:5 озьы ик пумиське 75 лыдпус. Оло нош, Стефан 75 лыдпусэз та вашкала гожъямъёс пӧлысь одӥгез вылэ пыкиськыса вераз. Кызьы гинэ медаз луы, одӥгез валамон: Стефанэн верам лыдпус возьматэ, Иаковлэн выжыез пӧртэм сямен лыдъямын вал шуыса.
15—21-ТӤ ИНВОЖО
ИНМАРЛЭН КЫЛЫСЬТЫЗ УЗЫРЛЫК | УЛОН-ВЫЛОН 48—50
Духовной марӟанъёсты утчаськомы
(Улон-вылон 49:19) Гад — адями уллё сое ӝикатыса возёз, нош со соослэн пытьы кузязы уйиськыса мыноз.
w04 1/6 15 б., 4, 5 абз.
Инмарез данъясьёс шудоесь
4 Быдэс калык Сӥзем музъеме пыремлэсь азьло Гад выжыысь израиль пиос куриськизы Иорданлэн шундыӝужан палаз интыяськыны — пудо вордыны ярамон музъеме (Лыдпусъёс 32:1—5). Со музъемын улыны капчи ӧй вал. Иорданлэн шундыпуксён палаз интыяськем израиль пиосты Иордан нёжал уте вал. Со нёжал ожен лыктӥсьёслы могӟет вал (Иисус Навин 3:13—17). Иорданлэн шундыӝужан палысьтыз музъемъёсын мукет югдур вал. Джордж Адам Смитлэн «Историческая география святой земли» книгаяз со музъемъёс сярысь тазьы гожтэмын: «[Соос] кыстӥсько уйпал Аравилэн ӵошкыт интытӥз но соослы номыр уг люкеты, шуыны луоз. Соин ик даурысь дауре отчы вуылӥзы кӧчылыса ветлӥсь сютэм калыкъёс. Куд-огъёсыз соос пӧлысь, пудо возьман музъем утчаса, котькуд ар отын улӥсьёс вылэ урдскылӥзы» («The Historical Geography of the Holy Land»).
5 Кызьы Гадлэн выжыез сыӵе ялан урдскылэмъёсты чидалоз? Трос дауръёс солэсь азьло соослэн вашкала атайзы Иаков кулон азяз вераз: «Гад — адями уллё сое ӝикатыса возёз, нош со соослэн пытьы кузязы уйиськыса мыноз» (Улон-вылон 49:19). Нырысь учкыса, та азьпалзэ ивортон кышкыт кадь потоз. Нош мургес учконо ке, та азьпалзэ ивортон Гад выжыез ӝикатӥсьёсызлэн пумитаз урдскыны косэ. Иаков оскытӥз соосты, соос урдскылӥзы ке, ваньбур таласьёс ултӥямын луозы но соослы чигнано луоз шуыса, нош Гад выжы соосты пытьы кузязы уйыса мыноз.
(Улон-вылон 49:27) Вениамин — сьӧсь кион, ӵукна со уйиськыса кутылэмзэ йырйыса сиёз, ӝыт со шедьтэм ваньбурзэ люкылыса улоз».
it «Вениамин», № 2, 5 абз.
Вениамин
Вениамин выжыысь потэмъёслэн ожмаськыны быгатэмзы сярысь азьло ик верамын вал азьпалзэ ивортонын, кудзэ вераз Иаков кулон азяз. Аслаз яратоно пиез сярысь со вераз: «Вениамин — сьӧсь кион, ӵукна со уйиськыса кутылэмзэ йырйыса сиёз, ӝыт со шедьтэм ваньбурзэ люкылыса улоз» (Ул 49:27). Вениамин выжыысь ожгарчиос туж шонер ыбылӥськеменызы тодмо вал. Котькудзы соос пӧлысь из зӥръянысьтызы изэз бурыныз но, паллянэныз но киынызы «туж шонер зӥрто, йӧтытэк уг кылё вал» (Сд 20:16; 1Пр 12:2). Вениамин выжыысь ик вал Аод судья, паллян ки, кудӥз Израиль калыкез зӥбыса возись Еглон эксэез вииз (Сд 3:15—21). Вераны кулэ на, «ӵукна», яке Израиль эксэйлык кылдэм бере ик, Израильлэн нырысетӥ эксэез луиз Кислэн Саул пиез, кудӥз «Израиль калыклэн тужгес пичи Вениамин выжыысьтыз» вал. Саул филистим калыклы пумит ожмаськиз (1Эк 9:15—17, 21). Озьы ик «ӝыт», куке Израильын эксэйёс ӧй вал ни, нош еврей калыкен Персия кивалтэ вал, эксэй кышно Есфирь но кивалтӥсь Мардохей пыр, кудъёсыз Вениамин выжыысь вал, Израиль калык быдтонлэсь утемын вал (Есф 2:5—7).
22—28-ТӤ ИНВОЖО
ИНМАРЛЭН КЫЛЫСЬТЫЗ УЗЫРЛЫК | ПОТОН 1—3
Духовной марӟанъёсты утчаськомы
(Потон 2:10) Нуны будӥз но, кышномурт сое фараонлэн нылыз доры вайиз, солы со пи интыын вал, солы Моисей ним сётӥз, малы ке шуоно со шуэ вал, мон, пе, сое вуысь поттӥ.
g04 8/4 6 б., 4 абз.
Моисей зэмзэ ик вал-а?
Озьы луыны быгатэ, шат, фараонлэн нылыз сыӵе пиналэз вордосэ мед басьтоз шуыса? Египет калыклэн осконэзъя, инме сюрон понна, одно ик ӟеч ужъёс лэсьтыны кулэ вал. Вордосэ басьтон сярысь археолог Джойс Тилдзли тазьы вера: «Египетын кышномуртъёслы пиосмуртъёслы кадь ик правоос сётэмын вал. Законъя кышномуртъёслэн сыӵе ик юридической но экономической правооссы вал но... соос нылпиосты вордосэ басьтыны быгато вал». Вань папирус, зэмос документ, кудаз верамын, одӥг кышномурт ляльчиоссэ вордосэ басьтӥз шуыса. Библиын гожтэмын, фараонлэн нылыз Моисейлэн анаезлы коньдон тыриз шуыса, Моисеез нонтыса улэмез понна. Одӥг книгаын верамын, вашкала Месопотамияын, пиналэз вордосэ басьтыкузы, озьы каро вал шуыса («The Anchor Bible Dictionary»).
(Потон 3:1) Моисей Иофор варматаезлэсь, Мадианысь священниклэсь, ыжъёссэ возьмаса улӥз. Одӥг пол со ыж уллёзэ кыдёкысь луоё кыр дуннее вуттӥз, Хориве, Инмарлэн гурезь дораз, вуиз.
w04 15/3 24 б., 4 абз.
Потон книгаысь тунсыко малпанъёс
3:1 — Кыӵе священник вал Иофор? Со дыръёсы, куке патриархъёс вал, семьялэн йырыз аслаз семьяезлы священник луэ вал. Иофор мадиан выжылы патриарх вал, вылды. Мадиан калык Авраам выжыысь потэмын вал (Хеттура пыр), соин ик соос тодо вал, дыр, кызьы Иеговалы йыбыртъяно (Улон-вылон 25:1, 2).
29-ТӤ ИНВОЖО — 5-ТӤ ПӦСЬТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | ПОТОН 4, 5
Духовной марӟанъёсты утчаськомы
(Потон 4:16) тон интые со калыклы вералоз; озьыен, со тынад кылыд-ымыд луоз, нош тон солы Инмар интыын луод;
w04 15/3 24 б., 6 абз.
Потон книгаысь тунсыко малпанъёс
4:16 — Кызьы Моисей Ааронлы «Инмар интыын» вал? Моисей Инмарлэн нимыныз вера вал, нош Аарон — Моисейлэн нимыныз. Озьы Моисей Ааронлы «Инмар интыын» луиз.
(Потон 5:2) Нош фараон шуиз: «Кин со сыӵе Кузё-Инмар, Солэсь верам кылзэ мон мед кылзӥськом но израиль пиосты кошкыны мед лэзём? Кузё-Инмарез мон уг тодӥськы, Израилез кошкыны уг лэзьы».
it «Иегова», «Использование имени в древности и его значение» подзаг., 6 абз.
Иегова
Озьыен, «тодыны» кыл кинэн ке тодмо луэмез но кин ке яке мар ке вань шуыса тодэмез гинэ уг возьматы. Валасьтэм Навал Давидлэсь нимзэ тодэ вал, озьы ке но со юаз: «Кин со Давид?». Озьы солэн юамез потэ вал: «Кин мар ке со сыӵе?» (1Эк 25:9—11; ӵошатэ 2Эк 8:13). Со выллем ик фараон Моисейлы шуиз: «Кин со сыӵе Кузё-Инмар [«Иегова», ВД], Солэсь верам кылзэ мон мед кылзӥськом но израиль пиосты кошкыны мед лэзём? Кузё-Инмарез [«Иеговаез», ВД] мон уг тодӥськы, Израилез кошкыны уг лэзьы» (Пот 5:1, 2). Со кылъёсын фараонлэн верамез потэ вал, дыр, со Иеговаез зэмос Инмарен уг лыдъя шуыса. Озьы ик со уг лыдъя, Иегова Египетлэн эксэезлэсь вылӥгес луэ шуыса, но уг лыдъя, Иеговалэн кужымез вань шуыса, номыр шоры учкытэк, аслэсьтыз эриксэ быдэстыны, кудӥз сярысь ивортӥз Моисей но Аарон. Но азьланяз фараон, быдэс Египет, озьы ик израиль калык но тодозы, мае возьматэ зэмзэ ик Инмарлэн нимыз, кин со сыӵе но кыӵе солэн сямъёсыз. Кызьы Иегова Моисейлы валэктӥз, соос тодыны кулэ вал Иеговаез, куке Иегова аслэсьтыз Израиль калык пумысен малпанзэ быдэстоз, яке мозмытоз соосты но Сӥзем музъемез сётоз. Озьы со соослэн вашкала анай-атайёсынызы кутэм тупанкылзэ быдэстоз. Ӵапак озьы валаны кулэ Инмарлэсь та кылъёссэ: «Тӥ тододы: Мон — Кузё-Инмар, тӥляд Инмарды» (Пот 6:4—8; учкы ВАНЬЗЭ БЫГАТӤСЬ).