6-ТӤ УРОК

Библиысь кылбуръёсты валэкты

Ап. уж. 17:2, 3

УЖПУМЕЗ Библиысь кылбурез лыдӟемед бере соку ик мукет малпанэ эн выжы. Валамон возьматы, кызьы Библиысь кылбур герӟаськемын соин, мае тон вераськод.

МАР КАРОНО СО ПОННА

Валтӥсь кылъёсты пусйы. Кылбурез лыдӟемед бере пусйы кылъёсты, кудъёсыз валтӥсь малпанэн герӟаськемын. Сое лэсьтыны луоз, выльысь со кылъёсты вераса яке юан сётыса, кудӥз кылзӥсьёслэсь мылкыдзэс ӝутоз со валтӥсь кылъёсты утчаны.

Библиысь кылбурез мукет кылъёсын валэктӥськод ке, чакла, валало на-а кылзӥсьёсыд, кызьы кылбурысь кылъёс валтӥсь малпанэн герӟаськемын.
Валтӥсь малпанэз пусйы. Библиысь кылбурез лыдӟон азяд валэктӥд ке, малы тон сое лыдӟыны малпаськод, табере возьматы, кызьы кылбурысь валтӥсь кылъёс валтӥсь малпанэн герӟаськемын.

Кылбурез валэктыкуд, Библидэ усьтыса возь. Соку кылзӥсьёсыдлы капчигес луоз адӟыны, кызьы тынад кылъёсыд герӟаськемын соин, мае тон лыдӟид.
Капчи валэкты. Эн тыршы пыр-поч валэктыны сое, мар валтӥсь малпанэн герӟаськемын ӧвӧл. Куке ужпум кутӥськод, макем трос валэктоно кылбурез, лыдэ басьты сое, мае кылзӥсьёсыд тодо ини.