Егитъёс, анай-атайёстылы сюлэмдэс усьтэ

Малы тыныд анай-атаеныд, номыр ватытэк, вераськыны кулэ? (Мд 23:26). Малы ке шуоно Иегова соосты косӥз тонэ дышетыны но тон сярысь сюлмаськыны (Пс 126:3, 4). Нош анай-атаед шуг-секытъёсыд но сюлмаськонъёсыд сярысь ӧз ке тодэ, кызьы соос тыныд юрттозы? Со сяна, анай-атаед вераны уз быгатэ, кызьы соос со выллем шуг-секытъёс пыр потӥзы. Котьку-а анай-атаедлы вань малпанъёстэ верано? Куд-ог малпанъёстэ вератэк но луоз, но эн пӧя анай-атайдэ но эн ват соослэсь сое, мае тодыны соослэн правозы вань (Мд 12:22).

Мар юрттоз тыныд анай-атаеныд, номыр ватытэк, вераськыны? Анай-атаеныд вераськон понна, тыныд но, соослы но тупась дыр шедьты. Сыӵе дыр шедьтыны уг луы ке, тон быгатод анаедлы яке атаедлы гожтэт гожтыны. Нош мар кароно, анай-атаед вераськыны кутско ке со сярысь, мар сярысь тынад вераськемед уг поты? Тодад возь: соослэн тыныд юрттэмзы потэ. Анай-атаед тушмонъёсыд ӧвӧл, соос тынад эшъёсыд. Тон анай-атаеныд, номыр ватытэк, вераськыны тыршид ке, со быдэс улонад пайда ваёз. Со сяна, тон пырак улыны быгатод (Мд 4:10—12).

УЧКЫ «ЖИЗНЬ ПОДРОСТКА. КАК НАЙТИ ОБЩИЙ ЯЗЫК С РОДИТЕЛЯМИ?» ВИДЕОРОЛИКЕЗ НО ТА ЮАНЪЁСЛЫ ВАЛЭКТОНЪЁС СЁТ:

• 

  Мар валазы асьсэ сярысь Эстер но Партик?

• 

  Малы тон Иисуслэсь дышетскыны быгатод?

• 

  Кызьы анай-атаед тон сярысь сюлмасько?

• 

  Библиысь кыӵе возетъёс тыныд юрттозы анай-атаеныд, номыр ватытэк, вераськыны?