15-ТӤ УРОК

Мур осконэн вера

1 Фес. 1:5

УЖПУМЕЗ Возьматы, тон верамедлы оскиськод но сое кулэен лыдъяськод шуыса.

МАР КАРОНО СО ПОННА

Умой дасяськы. Дасяськы озьы, тон мед валалод, кызьы, Библиысь кылъёсты уже кутыса, юрттоно кылзӥсьёсыдлы шонер малпанэ вуыны. Малпа, кызьы валтӥсь малпанъёсты кӧня ке огшоры кылъёсын вераны луоз. Малпаськы со сярысь, кыӵе пайда ваёз кылзӥсьёсыдлы верамед. Вӧсяськы, святой дух курыса.

Дасяськыкуд выльысь но выльысь шара вера, веранэд йырад мед кылёз но тон сое капчиен вераны мед быгатод шуыса.
Бырйы кылъёсты, кудъёсыз оскемдэ возьматозы. Публикациысь лыдӟыса эн вера, аслад кылъёсыныд вера. Бырйы сыӵе кылъёсты, кудъёсыз возьматозы, тон верамедлы оскиськод шуыса.
Возьматы, тон сюлмысь оскиськод шуыса. Бадӟым куараен вера. Кылзӥсьёсыд ӧз ке возьдаське, синмазы учкы.

Мур осконэн вераськод ке, тыныд кулэ ӧвӧл кылзӥсьёсыдлэн шӧдонъёссы сярысь вунэтыны но кужмысь косыны соосты верамедлы оскыны. Эн вунэты, яратыса но небыт кылъёсын верано шуыса.